Gaur Cementos Rezola enpresako Langileen Asanblada Orokorra egin dute, enpresak astelehenean egin zuen proposamena baloratu eta honen inguruan bozkatzeko. Hau horrela, eta enpresak iragarritako kaleratzeak bihartik aurrera efektibo egiten hasiko dela jakinda, enpresa batzordeak erabakia Asanblada Orokorrera eramatea erabaki zuen.
Lehenik eta behin, salatu nahi dugu ELAk asanbladan bertan edukitako jarrera, non bertaratutako langileei bozketan parte ez hartzeko irizpidea eman eta bozkatu nahi izan dutenak ez bozkatzeko presionatu dituzten. Modu honetara, langileen iritziaren gainetik sindikatuaren interes korporatiboa agerian geratu dela garbi utzi nahi dugu.
Langile Asanbladak enpresaren azken proposamenari baietza eman dio bozketa bidez eta modu honetan, Enpresa Batzordeak Langile Asanbladan hartutako erabakia enpresari jakinarazi eta hartzen duen azken erabakiaren baitan, LABek aurrera begirako erabakiak hartuko ditu.