2024-07-23
HomeEkintza SindikalaBusturiako Zelaiondo zahar egoitzan ez dugu kaleratzerik onartzen eta hitzarmena errespeta dadila...

Busturiako Zelaiondo zahar egoitzan ez dugu kaleratzerik onartzen eta hitzarmena errespeta dadila exijitzen dugu

2023ko otsailean Busturian kokatua dagoen Zelaiondo egoitzako egoeraren berri izan genuen. Langile talde batek sindikatuarekin harremana egin eta urteetan gertatzen hari zena kontatu ziguten. Istorioak feudalismo garaikoa zirudien.

Bizkaiko erresidentzietako lan hitzarmenak 1592 lan ordu urteko zehazten ditu; Zelaiondon, aldiz, langileek urte askotan zehar 1800 ordu baino gehiago lan egin dituzte, hau da, urteko 200 ordu baino gehiago muxutruk. Datu bezala, Zelaiondoko langileek 3800 lan ordu guztira (urtero) kobratu barik egin dituzte.

Bizkaiko Egoitzetako Hitzarmenak dio antzinatasuna, jai egunak, asteburu egunak ordaindu behar direla edo konpentsatu behar direla. Aldiz, Zelaiondon urteetan ez dute hau sekula ere konpentsatu, ezta ordaindu ere; hau da, langileei iruzur eta diru lapurreta egin diete. Bizkaiko Foru Aldundiak eta Hitzarmenak bajak ordezkatu behar direla dioten bitartean, Zelaiondon ez dira ordezkatu langileen bajak. Hala, langile hauen lan karga berez handia bada, areagotu egin izan da. Langileek bete behar ez dituzten funtzioak inposatu dizkiete (garbiketa, adibidez,
edota formakuntza 14 urteetan ez da egin, medikuetara joateko baimenik ez da eman….). Jarrai genezake urteetan Zelaiondon gertatutako esplotazio egoeraz hitz egiten edo, hobeto esanda, feudalismoz, mehatxuz eta jarrera iraingarriekin kudeatzen dutenez. Guztiaren gainetik dagoen zuzendaritza dela uste dute. Baina aurrean topatu gaituzte.

Gustatuko litzaiguke jakitea hainbat urtetan Bizkaiko Foru Aldundia, udalak etab. non egon diren eta zeri egon diren begira erresidentzien ereduaz ahoa betetzen zaien hauek. Ez al du Aldundiak inspekziorik egiten erresidentzietan? Ez zeukaten hainbat urteetan gertatutakoaren berri? Ez dugu sinisten.

30 urteren ondoren, 2023ko apirilean hauteskunde sindikalak deitu genituen, eta LABeko ordezkaritza lortu genuen, enpresak aurkeztutako kandidatura Independientearen kontra. Egun horretatik hona, langileen mesedetan jarri ditugu sindikatuko esfortzu guztiak, gure helburua argia izan da: feudalismotik erresidentzia ateratzea, langileak ahalduntzea, Bizkaiko hitzarmena errespetatzea eta ratio duinak eskatzea.

Ez da erraza izan hauteskundeen prozesua (milaka oztopo hauteskundeak ekiditeko) ezta Zelaiondon delegatua izatea ere (mehatxuak, jazarpena, irainak..). Zuzendaritzaren partetik, egun horretatik hona langileek egunero jazarpen sindikala jasaten dute, kriminalizatuak eta irainduak dira. Haien helburua argia da, langileek haien eskubideak ez eskatzea eta aldarrikatzea eta, nola ez, sindikalismo borrokalariaren kontra egitea.

Hilabete hauetan zehar langileek kaleratze mehatxuak jasan dituzte zuzendaritzaren partetik; Bizkaiko Erresidentzietako Hitzarmena aplikatzeak Zelaiondon langileen kaleratzeak dakartza. Urteetan langileen esplotazioaz aberastu direnen hitzak dira. Abenduan mehatxu hori egi bihurtu da. Olentzero etorri bezperatan langile bat kaleratua izan da eta beste hainbat mehatxatuak izan dira eurei ez dagozkien funtzioak ez egitea eskatzeagatik.

Argi dugu borrokan jarraituko dugula eta argi dugu zaintza ez dela negozio bat, ez ditugula kaleratzeak onartuko eta langileak antolatzen jarraituko ditugula. Zaintza sistema publikoaren bidean langileak lehen lerroan jarriko ditugu. Argi gera dadila zaintzarekin negozioa egiten dutenek zein prekarietatea betikotu nahi duten horiek LAB sindikatua aurrean izango dutela.

AZKEN ALBISTEAK | ÚLTIMAS NOTICIAS

Microliquideko langileen asanbladak enpresaren azken proposamena ontzat eman du

Langileen mobilizazioei esker Enplegu Erregulazio Espedientearen baldintzak hobetu egin dira.

LABeko kideak Mugak Zabaltzen karabanan

Balkanetara eginiko Mugak Zabaltzen karabanan parte hartu dute aurten ere sindikatuko hainbat afiliatuk. Ekimen horren helburua da salatzea Europa insolidario honek armak saltzen dituela eta bere mugak militarizatzen dituela.

Esparru propioa sendotu dute kurtso honetan LABek sustatutako ia 200 borroka sindikalek

Gorantz egin dute enpresetako gatazkek eta irekitako 10 borrokatik 4 itxita daude, eduki anitzagoekin.