2024-04-13
HomeEkintza PolitikoaBizitza duina helburu, Greba Orokorrak aldaketa sozialak eta burujabetza hauspotzeko balio behar...

Bizitza duina helburu, Greba Orokorrak aldaketa sozialak eta burujabetza hauspotzeko balio behar du

GarbiƱe Aranburu idazkari nagusiak agerraldia egin du Bilbon, kurtso hasiera markatzen ari diren aktualitateko gai nabarmenen irakurketa egiteko. Hala, besteak beste, bizitza erdigunean kokatuko duen eredu berri baterako trantsizioa egin behar dela nabarmendu du, eta LABek trantsizio ekosozialista eta feminista aldarrikatzen duela berretsi. “Datozen hilabeteetan, estatuaren lurralde-ereduaren krisiak eta hura bideratzeko beharrak agenda politikoan zentralitatea hartuko duela dirudi. Gure lana izango da borroka politiko horretan langileen interesak bermatzea. Funtsezko gaietan, hala nola enpleguan, pentsioetan edo gizarte-babesean, eskumenak eta legegintza-gaitasuna behar izatea eskatuko dugu”, adierazi du.

Greba Orokor baten beharra planteatu du berriro kurtso honetarako: “Langileok kalean gaude aldaketak bultzatzen eta haien alde borrokatzen. Maiatzaren Lehenean, LABek mahai gainean jarri zuen urrats berriak eman behar zirela ziklo mobilizatzaile horretan, eta adierazi zuen egoerak beste Greba Orokor bati buruzko eztabaida irekitzea eskatzen zuela. Hilabete batzuk geroago, gero eta gehiago dira ideia horrekin bat egiten duten ahotsak. Dagoeneko gehiengo sindikala gara grebaren beharrarekin bat egiten dugunak, pentsiodunak ere zentzu berean azaldu dira”, azaldu du.

Hain zuzen ere, Greba Orokorrak lantokietan eta kalean ematen ari diren borroka sindikalak eta sozialak bultzatzeko eta bateratzeko balioko du. Greba hori ofentsiban planteatu beharko litzateke:

– Patronalari aurre egiteko eta argi uzteko ez dugula onartuko prekaritatea ezartzen jarraitzea, lantokietan enplegu duinaren alde borrokatzen jarraituko dugula argi izan dezan.

– Madrilgo Gobernua presionatzeko balio behar du, lan eta pentsio erreformak bertan behera uzteko eta murrizketa gehiago ez ezartzeko.

– Gobernu autonomikoak interpelatu behar ditu, itunaren eta hitzarmenaren aukerak erabil ditzaten fiskalitatearen arloan bira emateko, zerbitzu publikoak indartzeko eta bestelako politika publikoak bultzatzeko.

– Burujabetza eta esparru propioa edukiz betetzeko dugun eskubidea aldarrikatzeko balio behar du, inolako esku-sartzerik gabe.

Madrilen irekita dagoen Elkarrizketa Sozialaren mahaiari buruz ere hitz egin du. Lan harremanei dagokionez, azken urteetan erreformaz erreforma, prekaritatea legeztatu egin dela aipatu du, negoziazio kolektiboa zentralizatu eta ahultzearen aldeko aukera egin dela eta ia erabateko boterea eman zaiela enpresei, nahieran ari daitezen. Ez dago inolako orekarik.

GarbiƱe Aranbururen esanetan, “eraldaketa handi baten premia dago. Lan guztiak aitortu, banatu eta duindu behar dira, zaintza barne. Horretarako, bertan behera utzi behar dira 2010 eta 2012ko lan erreformak”.

AZKEN ALBISTEAK | ƚLTIMAS NOTICIAS

Guitrans patronalari exijitu diogu blokeoa eteteko

Gipuzkoako salgaien errepide bidezko garraioaren hitzarmena berritu nahi dugu behingoz. 6.000 langile baino gehiagori eragiten dio hitzarmen horrek.

Mecanerren itxiera ekidin eta Euskal Herrian industriaren eta enpleguaren etorkizuna bermatzeko politikak exijitu dizkiegu instituzioei

Urdulizeko automobilgintza lantokiaren jabe den Stellantisek 2023ko irailean jakinarazi zuen enpresa ixteko erabakia, eta orain Enplegu Erregulazio Espedientearen kontsulta epean murgiduta dago Mecaner. Bada, langileek erakutsi dute enpresaren bideragarritasuna eta jarraikortasuna posible direla, eta une erabakior honetan arduradunek esku hartzea premiazkoa da.

0-3 zikloa babestea eskatzeko manifestazioa egin dugu IruƱean

0-3 urtekoen hezkuntza zikloko sindikatu guztiok manifestazioa egin dugu gaur arratsaldean IruƱean, Carlos Gimenok zuzentzen duen Hezkuntza Departamentuari exijitzeko behingoz har dezala ziklo horren ardura, 0-3 zikloa hezkuntza baita. 300 pertsona elkartu dira mobilizazioan.