2024-04-15
HomeZerbitzu PribatuakGarbiketaBilbao Kirolak kiroldegietako garbitzaileak bihar mobilizatuko dira berriro, kontziliaziorako eta 48 orduko...

Bilbao Kirolak kiroldegietako garbitzaileak bihar mobilizatuko dira berriro, kontziliaziorako eta 48 orduko atsedenaldirako eskubidea aldarrikatzeko

LAB, CCOO, ELA eta ESK sindikatuok antolatutako mobilizazioetatik hirugarrena bihar asteartean, azaroaren 19an, izango da, 12:15ean, Bilbao Kirolak-en bulegoen aurrean.

Hauxe da sindikatuok igorritako oharra:

Bilbao Kiroletako kiroldegietako Zaintzen garbiketako langileek mobilizazio egutegiarekin jarraitzen dute, asteko atsedena aldarrikatzeko. Beste astebetez, Bilbao Kirolaken aurrean elkarretaratzen jarraituko dute, kontziliaziorako eta 48 orduko atsedenaldirako eskubidea aldarrikatzeko. Epaiketa abenduaren 3rako dago iragarrita, baina ez garbiketa kontrata den Zaintzen-ek, ez Bilbao Kirolakeko zuzendaritzak berak ere, ez dute gatazkari amaiera emango dion akordioa lortzeko borondaterik erakutsi.

Garbitzaileek, beraz, mobilizazioekin jarraituko dute, ohartarazi zutenez, hauek akordioa lortzearekin bakarrik amaituko baitira. Hori dela eta, datorren asteartean, azaroak 19, 12: 15ean, Bilbao Kirolaken bulegoen aurrean bilduko gara berriro, Bilboko Nafarroa kalean.

Ez dugu ezezko erantzunik onartuko. Gure bizitzek, gure atsedenak zuen gainkostuak baino gehiago balio dute.

ASTEKO ATSEDENALDIA ESKUBIDE BAT DA, BILBAO KIROLAK/ZAINTZEN EXPLOTAZIORIK EZ!
 

 

 

AZKEN ALBISTEAK | ƚLTIMAS NOTICIAS

Bizkaiko esku hartze sozialeko langileek hiru eguneko baraualdiari ekin diote Foru Aldundiaren aurrean

Ekimen honetaz gain, greba eguna deitu dugu LAB eta ESKk apirilaren 17rako, Bizkaiko esku hartze sozialeko hitzarmenaren alde.

50. urteurrenaren harira, Maiatzaren Lehenean manifestazio eta jaialdi nazionala antolatu ditugu IruƱean

LABen 50.urtemugako ospakizun betean dator aurtengo Maiatzaren Lehena. Une gozoa da sindikatuarentzat, zalantzarik ez. Hala ere, ez diogu gure bilakaerari bakarrik begiratzen. Gure misioa langileen lan eta bizi baldintzen alde borrokatzea da, eraldaketa soziala eta aldaketa politikoak eragitea.

Intersindikalarekin mobilizatuko da LAB Maiatzaren Lehenean Baionan, bazterketa gaindituz

Prentsaurrekoa egin dugu Baionako Merkatuan LAB, CFDT, CGT, UNSA, FSU eta Solidaires sindikatuok aurtengo Maiatzaren Lehenean bertan egingo den manifestazioa iragartzeko. Bertan izan da Argitxu Dufau Ipar Euskal Herriko bozeramailea, izan ere, aurten LAB intersindikalarekin batera mobilizatuko gara langileen egunean, urte luzez pairatu behar izan dugun bazterketa gaindituz.