2024-05-25
HomeEkintza SindikalaBasaurin prekarietatearen kontrako tresna eraginkorrak aldarrikatu ditugu: 35 ordu eta 1.200€

Basaurin prekarietatearen kontrako tresna eraginkorrak aldarrikatu ditugu: 35 ordu eta 1.200€

LAB sindikatuak 35 ordutako lan-astea eta 1.200 eurotako gutxieneko soldataren aldeko eta prekarietatearen kontrako 7 orduko mobilizazioa egin du gaur Basaurin. Ekimena sindikatuaren aldarrikapenetarako bozgorailua izan da: 35 ordu eta 1.200 euro. Eta aldi berean, giro eroso eta desberdin batean esperientziak zein gogoetak elkar trukatzeko aukera izan dute bertaratutakoek, eguraldi txarrak batere batere lagundu ez duen arren.

Goiz osoko egitaraua mantendu da, zazpi ordukoa (35ko lan-astea bada, egun bateko lan orduak), eguraldiagatik, ekintzak Trintxera plazatik Solobasoko karpara eramanda.

Goizeko 09:00etan abiatu da mendi-martxa, 7 kilometrotakoa, herritik Malmasineraino, AHTko proiektua inguruan izaten ari den eragina bertatik bertara ezagutzeko aukerarekin.

Prekarietatearen kontrako Ideia faktoria zabaldu da ondoren. Prekarietateaz, arlo ezberdinetatik dakarrenaz eta beroni aurre egiteaz aritu dira 8 hizlari dinamizatzailearen galderei erantzunez. Prekarietatearen aurpegi ezberdinetatik jaso ditugu lekukotzak, gazteria, Indusaleko emakumea diskriminazioaren inguruan, etxeko langileen egoera, autonomo faltsuak, pentsionistak, Incoesatik kaleratutako langabetua. 

Ainhoa Etxaide LABeko Idazkari Nagusiak ere parte hartu du solasaldian eta langileok boterea lortu behar dugula, politika publikoetan determinante bilakatuz. Parte hartzaile guztiek onartu dute 35 ordutako asteak eta 1.200 eurotako gutxieneko soldata itzelezko neurria izango zela duintasunaren alde eta prekarietatearen kontrako bororkan.

Bideo desberdinak proiektatu dituzte solasaldian zehar, LABen urteko ekimenik nabarmenenak jasotzen zituena eta lan osasunaren ingurukoa, besteak beste. Aurten Euskal Herrian lan-istripuz hildako 50 langileek ere lekua izan dute gaurkoan. Argazki eta propaganda euskarrien erakusketa ere ikusgai egon da egun osoan zehar.

Ondoren, mosaiko erraldoia osatu dute bertaratutakoek, “Zure ESKUbideak, actívate por tus derechos” esaldiarekin.

Barrikotea eta bertsolariak izan dira ondoren. Mokadu bat eta salda beroa hartuaz bertsoez gozatzeko aukera. Eta amaitzeko, rumba doinuak. 17:30etan Bilbon izan beharreko TTIP eta CETAren aurkako mobilizaziorako deia eginez amaitu dute 7 ordutako mobilizazioa Basaurin. 
  

 

 

AZKEN ALBISTEAK | ÚLTIMAS NOTICIAS

Iruñea-Tuterako San Juan de Dios ospitaleko langileek ez dute “low cost” langileak izaten jarraitu nahi

Mobilizazioa egin dute Iruñeko Udaletxe plazan, zuzendaritzari negoziatu dezala eskatzeko. Enpresa-batzordeak 5 hilabete daramatza 2022ko abenduan bukatu zen hitzarmen kolektiboa berritu nahian. Soldata duinak eskatu ditu, bizitzaren garestitzearen eta KPIaren arabera eguneratutakoak.

Bergaran lan istripua izan duen langile bat oso larri dago

Atzo arratsaldean lan istripu larria gertatu zen Bergarako Embalan3 enpresan. Enpresako langilea, kamioi bat zamatzen ari zela, zama gainera erori eta azpian harrapatuta geratu zen. Une honetan langilea oso larri zaurituta dago erietxean.

Matia Fundazioko langileek hitzarmena negoziatu ahal izateko blokeoa etetea exijitu dute

Gaur kontzentrazioa egin dugu Matia Fundazioko langileekin batera, fundazioko zuzendaritza salatzeko asmoz, 2024. urtean hasitako negoziazio kolektiboa izoztuta dauka eta.