2024-04-23

TTIP eta CETAri EZ


Udazken osoan zehar nazioarteko merkataritza libreko TTIP eta CETA hitzarmenen aurkako mobilizazioak egin ostean, gaur, azaroak 5, Hego Euskal Herriko hirburuetan mobilizatu gara. Euskal Herriko Eskubide Sozialen Kartak eta TTIP/CETA EZ kanpainak deituta ‘Herriek erabaki. Defendamos nuestra tierra y nuestros derechos’ lelopean kalera irten gara hitzarmen hauek bertan behera utz ditzaten exigituz.

Nazioarteko itun komertzial hauek, Estatu Batuak eta Europaren arteko TTIPa zein Canada eta Europaren arteko CETAk, herritarron eskubideak kaltetuko dituzte. Multinazionalek, beraien negozioa, merkatu askea eta konkurrentzia askearen logika gailentzea nahi dute eta horretarako eskubide sozial, laboral zein ingurugirokoak behetik homologatu nahi dituzte. Bestalde, azpimarratu behar dugu itun hauek guztiz antidemokratikoak direla, bai formen aldetik baita haien edukietan ere. Hain zuzen ere herritar eta herriei bizkar emanez egin dira eta elite txiki baten mesedea bilatzen dute soilik, gehiengo oso baten kaltetan.

Sindikatuak, Euskal Herriko Eskubide Sozialen Karta eta TTIP/CETA EZ kanpainarekin batera, lanean jarraituko du gisa honetako nazioarteko merkataritza itunak baztertuak izan daitezen eta alternatiba baten eraikuntzaren alde non ingurugiroa, pertsonak eta herriak erdigunean egongo diren.

 

 

 

AZKEN ALBISTEAK | ÚLTIMAS NOTICIAS

Babestu egin dugu oraindik aitortua ez zuten Osasunbideko osasun langileentzako Lanbide Karreraren ezartzea, baina osasun arlokoak ez diren langileei zabaltzea eskatzen dugu

Gaur eguerdian Iruñean egin den Osasunbideko mahai sektorialean, LAB sindikatuko kideok aldeko botoa eman diogu C eta D mailetako osasun langileentzako Lanbide Karreraren lege proiektuari. Lege proiektu hau LABek bere garaian Osasun Departamentuarekin lortu zuen akordioaren gauzatzea da, eta neurri garrantzitsua da horren onura jasoko duten 3.000 pertsona baino gehiagorendako. Hala ere, bidegabetzat jotzen dugu osasun arlokoak ez diren langileak kanpoan gelditu izana; beraz, borrokan jarraituko du Osasunbideko langile guzti-guztien lan baldintzak erabat duindu arte.

Osakidetzak ez du Euskara Plana betetzen eta iluntasunez jokatzen du konpromisorik eza ezkutatzeko

Osakidetzak urteak daramatza bere pasibotasunarekin EAEko osasun sistema publikoa benetan euskalduntzea eragozten. Propaganda engainagarriaz harago, eta bertako langileek beren zereginak euskaraz egin ahal izateko euskalduntze prozesua eragozteaz gain, ez du bermatzen erabiltzaile euskaldunek arreta euskaraz jasotzeko duten eskubidea.

Patronalak negoziazioa bideratu eta grafikagintza sektorean grebak saihesteko atea itxi du

Patronalaren jarrera guztiz immobilistarekin topo egin dugu LAB-ELA-CCOO-UGT sindikatuok sektoreko hitzarmenaren negoziazioaren hamahirugarren bileran.