Basauriko udaletxearen eraikinak garbitzen dituzten langileek, hirugarren mobilizazioa gauzatu dute, gaurkoan Uni2 enpresak Larraskitu auzoan dituen bulegoen aurrean.
Helburua, zegokien soldata igoera aldarrikatzea da. Pasa den apirilean argitaratu zen Bizkaiko Eraikin eta Lokalen Garbiketa hitzarmena, 2018. urterako %3ko soldata igoera aurreikusten zuena. Langile hauei, ordea, igoera hau izateko eskubidea ukatu zaie Enpresa Akordio bat existitzen dela argudiatuz, sindikatuen eta Udaletxe beraren iritziaren kontra eginez. Udaletxeak, gainera, espediente berresle bat ireki behar izan du enpresaren aurka. Langileek, bitartean, mobilizazioei ekitea erabaki zuten.
Gaur, kontzentrazioa egiten ari ziren bitartean enpresaren ordezkari bat atera da eta enpresa-batzordeko kideak deitu ditu. Jakinarazi die hurrengo nominan soldata igoera aplikatuko dietela langile eta hemendik azaro bitartean atzerapenak ordaindu.
Langileak oso pozik daude, mobilizazioa bide judiziala baino eraginkorragoa izan delako.