Lana, erretreta eta bizitza duinaren alde mobilizatu gara berriro Baionan, Macronen Gobernuak ezarri nahi duen pentsioen erreformaren aurkako laugarren Greba Orokorrarekin bat, aurreko egunetan egin bezala



Goizean goiz, Medef enpresen elkarteko presidente Philippe Neysen enpresa, ETPM, blokeatu dugu; eta, eguerdian, Baionako kaleak hartu ditugu.

Baionako komisaldegiaren aurrean ere bildu gara, LABeko kide den trenbideetako langile baten atxiloketa salatzeko. Errepresioaren aurrean, mobilizazioak indartzea beste biderik ez dugula adierazi du langileak, aske utzi dutenean. Epailearen aurrean igaro beharko da ondorengo egunetan, gaurko greba egunaren hasieran egindako protesta batengatik.