2018Ko irailetik 2019ko azaroa bitartean eman den negoziazioan jaso den iruzurra salatuko dugu grebaren bitartez, baita EAJ eta Elkarrekin Podemosek adostu dituzten aurrekontuetan borrokatu ditugun edukiak aurrera emateko baldintzarik sortu ez dela ohartarazteko ere. LAB sindikatuko ordezkariak azken mahai negoziatzailetik altxa ginen negoziazioan, baldintzak sortu eta aurrez sinatu zen akordioari (2018.03.06) bide emateko.
STEILAS eta ELA sindikatuei elkarlanerako deia luzatu diegu, baina momentuz ez du emaitzarik eman.
Grebara goaz honako eskaerekin:
-Langileen zerrenda handitzea, lan zamak txikitzeko.
-Kudeaketako langileen ordezkoen araudia, barne sustapeneko dokumentua eta ordezkapenen kasuistika dokumentuak sinatzea.
-Delegaritzako langileekin ekiparazioa langile guztientzat.
-Kontsolidazio prozesu baten hasiera.
Berehala eskatzen dugu mahai negoziatzaile baten deialdia gai hauen inguruan, proposamen berri eta duina mahaigaineratzeko.
Bestetik, Legebiltzarreko Hezkuntza batzordean agerraldia eskatu dugu gatazkaren inguruko azalpenak eman, aurrekontuen legea aldatu eta konpromisoak eskatzeko.
Amaitzeko, hezitzaileen elkartasun mezuak eskertu behar ditugu. Denon artean lortuko dugu. Gora langileon borroka!