2024-05-25
HomeEkintza SindikalaAurreakordioa sinatu dugu Gipuzkoako Papergintzan #LortuDugu

Aurreakordioa sinatu dugu Gipuzkoako Papergintzan #LortuDugu

Akordio honek aurrerapauso handiak ekarriko ditu sektoreko langileentzat:

-Soldata igoerak, lehen bi urtean KPI bermatzen da eta beste bi urtetan KPIaren gainetik igoerak.

-KPIa negatiboa bada, bere balioa ez da kenkari bezala hartuko soldata igoeretan.

-Baimenak: genero indarkeriari lotutako baimen berria. Bikote zein seme-alaben heriotzakasuetan, lehen lanegunetik hasiko da baimena.

-Errelebo kontratua:

Egun indarrean dagoen “industrias manufactureras” delako Errelebo kontratua berrituko balitz hau baldintza berdinetan aplikatuko da. Lege hontatik kanpo geratzen diren langileei Errelebo Kontratu arrunta burutzea derrigorrezkoa izango da langileak hala eskatuz gero.

Lege hau berrituko ez balitzlangile guztientzat Errelebo Kontratu arruntaburutzea derrigorrezkoa izango da enpresentzat langileak hala eskatuz gero.

-Hitzarmen osorako ultraktibitate mugagabea baita anexoentzako ere.

LABek oso positiboki baloratzen du Aurreakordio hau, langileen eros ahalmena bermatzeaz gain, baimenetan aurrerapausoak ematen direlako eta batez ere langile guztiei Errelebo Kontratuan sartzeko aukera ematen dielako.

Datorren astean burutuko diren Langile Asanbladetan Aurreakordio honi baiezkoa ematen bazaio Gipuzkoako Papergintzako Hitzarmena Uztailaren 22an sinatuko da.

Langileek urteetan erakutsitako borrokarako prestutasunari esker lortu dugu Akordio hau lortzea beraz LAB sindikatutik Gipuzkoako Papergintzako langile guztiak zoriondu nahi ditugu.

AZKEN ALBISTEAK | ĂšLTIMAS NOTICIAS

Iruñea-Tuterako San Juan de Dios ospitaleko langileek ez dute “low cost” langileak izaten jarraitu nahi

Mobilizazioa egin dute Iruñeko Udaletxe plazan, zuzendaritzari negoziatu dezala eskatzeko. Enpresa-batzordeak 5 hilabete daramatza 2022ko abenduan bukatu zen hitzarmen kolektiboa berritu nahian. Soldata duinak eskatu ditu, bizitzaren garestitzearen eta KPIaren arabera eguneratutakoak.

Bergaran lan istripua izan duen langile bat oso larri dago

Atzo arratsaldean lan istripu larria gertatu zen Bergarako Embalan3 enpresan. Enpresako langilea, kamioi bat zamatzen ari zela, zama gainera erori eta azpian harrapatuta geratu zen. Une honetan langilea oso larri zaurituta dago erietxean.

Matia Fundazioko langileek hitzarmena negoziatu ahal izateko blokeoa etetea exijitu dute

Gaur kontzentrazioa egin dugu Matia Fundazioko langileekin batera, fundazioko zuzendaritza salatzeko asmoz, 2024. urtean hasitako negoziazio kolektiboa izoztuta dauka eta.