Suhiltzaile zerbitzua noraezean dagoela salatu dugu Gipuzkoako Foru Jauregiaren aurrean, LAB buru duen langile batzordeak deitutako mobilizazioan. Ardurak eskatu dizkiogu Eider Mendoza diputatuari, Aldundiarekin goizean izandako bileraren aurretik.

Bilera ondoren, LABeko delegatu eta suhiltzaile Unai Badiolak berretsi du Aldundiak eta langileek oso ikuspuntu desberdinak dituztela zerbitzuaren antolakuntzari buruz. Langileen aldarrietatik oso urrun dago Aldundiak proposatutakoa, eta, horregatik, beste bilera bat egitea adostu dugu, konponbide bat bilatzeko asmoz.