2024-05-23
HomeEkintza SindikalaAkordio batera ailegatu gara Cementos Rezolako epaiketan eta langileek ez dute inongo...

Akordio batera ailegatu gara Cementos Rezolako epaiketan eta langileek ez dute inongo zigorrik izanen

Gaur egin den epaiketan ailegatu garen akordioaren ondorioz, langileek ez dute zigorrik izanen. Epaitegiaren aurrean langile andana elkartu da auziperatuei babesa emateko.

Grebaren gehiegizko erabileraren aitzakipean, Cementos Rezolak egindako salaketaren ondoriozko epaiketa egin da gaur Donostian. Atzo, langile talde batek lantegiaren aurrean dagoen errepidea moztu zuen salaketa eta elkartasun ekintza moduan. Gaurkoan, elkartasun horrek segida izan du eta epaitegiaren aurrean langile talde handi bat elkartu da epaiketa luzatu den lau ordu guztietan zehar, 92 urteko langile ohi bat barne.

Zorionez akordio batera ailegatzeko aukera egon da eta auziperatuta zeuden 6 langileek ez dute inongo zigorrik izanen grebaren eskubidearen erabileraren ondorioz. Ez dugu ahaztu behar salatuta zeuden greba deialdi horiek hitzarmenaren negoziaketaren harira eman zirela, lanpostu suntsiketaren kontra.

Salatutako ordezkariek eta lankideek garbi dute enpresaren aldetik eman den mehatxu honek ez dituela kikilduko eta lantegiaren etorkizuna bermatzeko ezinbestekoa den lanpostuen defentsaren aldarrikapen hori borrokatzen jarraituko dutela, grebaren bitartez edota beharrezkoa izanen den beste edozein borroka molde erabiliz.

Cementos Rezolako langileek duintasun eta elkartasun erakustaldia egin dute, hauek mantenduz borrokan jarraituko dute, etorkizuna eta lanpostu duin batzuen alde.

AZKEN ALBISTEAK | ƚLTIMAS NOTICIAS

Matia Fundazioko langileek hitzarmena negoziatu ahal izateko blokeoa etetea exijitu dute

Gaur kontzentrazioa egin dugu Matia Fundazioko langileekin batera, fundazioko zuzendaritza salatzeko asmoz, 2024. urtean hasitako negoziazio kolektiboa izoztuta dauka eta.

Jarraipen zabala Bizkaiko grafikagintza sektorearen grebaren laugarren egunean

Laugarren greba eguna Cebek-en egoitzaren aurrean amaitu den manifestazio jendetsu batekin amaitu da. Hain zuzen ere, patronala da maiatzaren 27an sektoreko gatazka desblokeatzeko aukera duena. Bestela, Bizkaiko grafikagintza sektoreko borrokak aurrera jarraituko du

Errepide mozketa egin dugu IruƱean salatzeko patronalak eta UGT eta CCOO sindikatuek Nafarroako Kimiketako hitzarmena guztiz blokeatu dutela

LAB sindikatuko zenbait kidek eta Kimiketako zenbait langilek IruƱeko errepide bat moztu dute gaur goizean, irudikatzeko eta salatzeko patronalak zein UGT eta CCOO sindikatuek erabat blokeatu dutela Nafarroan sektoreko hitzarmen probintziala izateko aukera. LABek iragan urteko ekainean abiatu zuen halako hitzarmen bat negoziatu ahal izateko lanketa, baina aipaturiko eragile horiek guztiz moztu dute bide hori.