2026-11-20
HomeJazarpen sindikalaAbsolbituak izan dira Gernikako piketean parte hartzeagatik auzipetutako 18 lagunak

Absolbituak izan dira Gernikako piketean parte hartzeagatik auzipetutako 18 lagunak

ABSOLBITUAK izan dira 2011ko urtarrilaren 27ko Greba Orokorraren baitan Gernikan izandako gertaeren harira auzipetutako 18 lagunak. Urtarrilaren 10ean Bilbon egindako epaiketaren ebazpena ezagutzera eman da gaur, eta bertan, auzi honetan behin eta berriro errepikatu duguna berresten du epaileak, alegia, 18 auzipetuek ez zutela inongo deliturik egin.

Auzpietuak pikete informatibo batean parte hartzen ari ziren, Ertzantzak erretenitu eta identifikatu zituenean, eta haren ondotik abian jarritako prozesu judizialean 3 urteko kartzela zigorra eta 6.000 euroko isuneko eskaera egina zuen fiskaltzak euren kontra, lanerako eskubidearen urraketa egotzita.

LAB sindikatuak, ezagutu berri dugun epaiaren gainean bere poza adierazi nahi du lehenik eta behin, absoluzioa baitzen martxan jarri behar ez zen prozesu honetatik espero zitekeen emaitza bakarra, 18 lagun horien delitu bakarra lanerako eskubidea defendatu eta aldarrikatzea izan delako.

Lan sindikalaren kriminalizazio saiakeratzat jotzen dugu langileen eskubideen defentsa jopuntuan izan duen epaiketa hau, langileen aldarrikapenak isilarazi, protestak zigortu eta jendea beldurtu beste helbururik izan ez duena.

Epaiaren gaineko irakurketa eta balorazio sakonagoa egingo da datozen egunetan

Bilbon, 2013ko urtarrilaren 15ean 

Ainhoa Etxaide, LABeko idazkari nagusia

 

LAB SAREAN
{module[111]}

    

 

AZKEN ALBISTEAK | ÚLTIMAS NOTICIAS

Plantillak Tubos Reunidos defendatu du, eta orain Espainiako Gobernuari dagokio oztopatzeari uztea eta Eusko Jaurlaritzari enpresaren etorkizunarekin duen konpromisoa zehaztea

Tubos Reunidos Groupeko Amurrioko langileok 301 kaleratzeak, Amurrioko altzairutegiaren itxiera eta logistikaren esternalizazioa eragozteko grebara joatea erabaki genuen argi geneukalako Enplegu Estintzioko Espedientea ez zela Tubos Reunidosen arazoak konpontzeko bidea. Hasieratik defendatu genuen ez plantilla, ezta gure lan baldintzak ere, ez zirela enpresaren egoeraren erantzule. Argi eta garbi esaten genuen enpresaren arazoa bere zorra zela, zuzendaritzaren kudeaketa negargarri batek eta bere akziodun handien diru-goseak eragindakoa.

Arabako ardogintzaren sektorea mobilizatu egin da hitzarmenaren alde

Gaur izan da udazkeneko lehen mobilizazioa.

Anbulantzietan 1400 milioi euroko pribatizazioa geldiaraztea #LortuDugu eta zerbitzuaren publifikazio osoa exijitzen diogu EAEko Osasun Sailari

Kontratuen Inguruko Errekurtsoen Administrazio Organoak (KEAO) arrazoia eman dio sindikatuari, eta bertan behera utzi ditu bai larrialdietako anbulantzien (LGSS), bai anbulantzia ez-asistentzialen lizitazioak. Ebazpenek berretsi dute Osasun Sailak ez duela justifikatu baliabide propiorik ez izatea, eta gogorarazi dute legeak kudeaketa publiko zuzena lehenesten duela.