2024-03-02
HomeZerbitzu PublikoakUdal eta Foru AdministrazioaGipuzkoako suhiltzaileek aldundiaren aurrean egin dute protesta

Gipuzkoako suhiltzaileek aldundiaren aurrean egin dute protesta

"Biztanleen eta baita gure segurtasuna bermatzeko, beti uste izan dugu plantila eskaxa daukagula, eta azkenaldian aldundia ez da ezta gutxienekoak betetzera iristen", salatu dute.

Hauxe da Gipuzkoako suhiltzaileek egindako oharra:

Joan den Abenduaren 8an, Aldundiak Legazpiko suhiltzaile parkea itxi zuen.

Irungo parkean txandako sei suhiltzaile gaude, baina Gipuzkoako gainontzeko beste zazpi parkeetan txandako launa suhiltzaile besterik ez gaude. Eta Aldundiak gutxieneko zerbitzua ere ez du betetzen!

Biztanleen eta baita gure segurtasuna bermatzeko, beti uste izan dugu plantila eskaxa daukagula, eta azkenaldian Aldundia ez da ezta gutxienekoak betetzera iristen.

Guzti honek suhiltzaileoi gabezia hauek bete behar izatera behartzen gaitu. Honen eraginez dagoeneko ordutegiz kanpoko 2.000 ordu baino gehiago pilatuta ditugu. Bitxia da Gipuzkoako Batzar Nagusiek onartuta izatea "Gipuzkoa Babestu 20/30"planaren barruan, beste 70 suhiltzaile gehiagorekin plantila osatzea.

Aldiz, legealdia bukatzen ari da eta 2010ean baino okerrago gaude. Zein zilegitasun eman diezaiokegu "plan" honi? Borondate politikoa edo propaganda?

Honen guztiagatik, gaur Abenduak 11, goizeko 8.45ean, Gipuzkoa plazan elkartuko gara egoera salatzeko.

Iragartzen genuena bete da
LABek aspalditik salatu izan du suhiltzaileen zerbitzuko egoera prekarioa. Proposamenak ere egin ditugu egoera hobetzeko pausoak eman ahal izateko, baina Aldundiaren aldetik ez da mugimendurik egon. Zerbitzuaren egoera kaskarra dela eta Urola Garaiko Korosti suhiltzaile-etxea itxi behar izan denean, berriz, neurri murriztatzaileak ezarri nahi izan dizkigute. Ez dugu onartzen aldebakarrez datozen neurri horien aplikaziorik, eta suhiltzaileen zerbitzu integral baterako bidean, gutxienez, Aldundiak onartutako 20-30 plana betetzeko pausoak eman ditzala exijitzen dugu.

Plan horretan, suhiltzaile etxe bakoitzeko txanda bakoitzean gutxienez sei suhiltzaile egotea adostuta dagoenez, bide hori jorratu behar da, baina gaurtik hasita, biharko utzi gabe.

Gaur, ehundik gora suhiltzaile elkartu eta Funtzio Publikoko zuzendariari idatzi bat helarazi diogu. Bertan, inposiziorik ez onartzeaz gain, norabide egokia hartzeko 48 suhiltzaile lanpostu berri sor ditzala eskatu diogu.

 

 

 

AZKEN ALBISTEAK | ƚLTIMAS NOTICIAS

Bidelanen hitzarmen kolektiboa sinatzea #LortuDugu

2023ko urtarrilean hasi zen negoziazioaren ondoren, Bidelan AP8n hitzarmena sinatu dugu 4 urterako, 2023/2026rako, LAB buru duen batzordearen eta Bidelan enpresaren artean.

Zaintza, enplegua eta ondasunaren banaketa aldarrikatu ditugu Gasteizen, Martxoaren 3ko sarraskiaren 48. urteurrenean

Ekitaldia egin du LABek Gasteizen, Martxoaren 3ko sarraskiaren 48. urteurrenean, Enbor beretik sortuko dira leloarekin. GarbiƱe Aranburu koordinatzaile orokorrak adierazi du 1976 hartan jaio berria zela sindikatua: ā€œHasieratik argi izan genuen gure lekua non zegoen. 76ko martxoaren 3aren parte izan ginen eta LABentzat urtemuga garrantzitsua izaten jarraitzen duā€.

Natra OƱatin aurreakordioa #LortuDugu

Natra OƱatin aurreakordioa lortu dugu. 2022tik hitzarmena berritu gabe pasa eta gero, 2023 osoa negoziatzen egon ondoren, eta enpresaren aldetik mespretxua besterik jaso ez dugun honetan, gaur, 2024ko martxoaren 1ean, aurreakordio bat sinatzera iritsi gara bi aldeak.