2026-11-21
HomeZerbitzu PublikoakZerbitzu SoziokomunitarioaDesgaitasun Hitzarmena: itzal gehiegi, gero eta argi gutxiago!

Desgaitasun Hitzarmena: itzal gehiegi, gero eta argi gutxiago!


Sindikatuen arteko elkarlanaren hausturak eta langileek mobilizazioak alde batera uzteak, Agentziak inoiz baino gutxiago eskaintzea eta enpresek berriro deskuelgeari eustea ekarri digu.

Urriak 28an eta gaiarekin nahasten hilabete luzez ibili ondoren, Agentziak sindikatuak bildu zituen, hitzarmenaren negoziazioan aurrera jarraitzeko dagoen diruaren berri emateko. Gure harridura ikaragarria izan zen eskaintzen zutena entzuterakoan; %1eko igoera 2017rako, %2ra iristeko aukerarekin, funtzionariei %1a igoz gero. Gure soldatak langile publikoenak baino askoz baxuagoak izanda (240€ ZAINTZAILEKO), hauekin alderatzea da beraien proposamena.

Hasiera batean urte askotarako proiektu ekonomiko baten zain zeudela argudiatu arren, hurrengo urteetarako ez dute ezer eskaintzen. Ideia, gu langile publikoen modura tratatzea dela azpimarratzen dute; beraiei ez badiete ezer igotzen guri ezta ere, edo gehienez, beraiei ematen dietena emango digute.

Proposamena, sindikatuok betidanik defendatu izan dugunarengandik oso hurrun geratzen da, baita administrazioak aurreko bileretan datozen urteetarako eskeinitako %8 tik ere.
Egungo egoera oso kezkagarria da. CCOO eta UGT-k Agentziak proposatutakoa onartzeak, sindikatuen arteko ez adostasunak, mobilizazioak alde batera uzteak eta aurretik aipatutako bi sindikatuek, enpresak eta administrazioak darabilten harremanak, sortu du larritasun egoera hau. Agentziaren partetik hirugarren kapazitazio ordainaldia eta 2012 tik indarrean behar lukeen %3,35 eko igoera finantziatzeko konpromezua besterik ez dago…, eta etorkizunerako gutxi gehiago.

Agentzia, bere jokua onartu duten bi sindikatuekin harremanetan jartzen da bakarrik eta negoziazio eszenatoki berri honen hildotik datoz, administrazioak egiten dituen eskaintzak, hasiera batean sindikatu guziek ontzat zituzten irizpideetatik oso urrun daudenak. Guzti honen ondorioz, enpresek Deskualgearen gaia beren alde negoziatzeko baliatzaen dira eta bere partetik administrazioak soldata igoera ukatzen du. Hau da haien artean izandako mila bileren ondorioa.

Gure %1eko igoeraren aurrean, enpresaren irabazia %2,5 ekoa da. Guri kentzen digutenarekin, enpresak aberasten jarraitzen dute. Hori dela eta, sektorean igoera haundiagoak exijitzen jarraitzen dugu, eta kudeaketa publikoko zerbitzuak lortzearen aldeko pausoak ematea eskatzen dugu. Gure lan postuak galdu gabe egiteko modu asko daude.

Langileen aldetik aurrera eramandako borroka izan da azken urteetan lapurtzen ari zigutena berreskuratzen hasteko bide bakarra. Hori dela eta, argi dago zer egin behar den hurrengo urteetarako igoerak nahi baditugu. Plataforma bakarra apurtu zuenak, bereak ez diren sariak berarentzat hartu beharrean, batasunaren aldeko apostua egin beharko luke eta denak elkarrekin mobilizazio eredua berrikusi beharko genuke batu gaituenak lortu ahal izateko: betetzeko bermea izanen duen hitzarmen duin bat.

LAB etik, duela bost urte hasitako bidea bukatzeko gure indar guztia jartzeko prest gaude. Sindikatu sinatzaileek beren bidea bakarrik egiten jarraitzen badute, gutxi egiteko izango dugu…. eta langileentzat ez da batere onuragarria izango.
 

 

 

AZKEN ALBISTEAK | ÚLTIMAS NOTICIAS

Teknikarien sektorean langile borrokaren bidez lortu dugu patronala mugiarazi eta negoziazioa ahalbidetzea

Ikuskizunen eta ekitaldien sektorean 26 eta 27rako aurreikusita zegoen greba bertan behera geratu da gaur; izan ere, behin eta berriro negoziazioak geldiarazten edo oztopatzen ahalegindu den patronala mahaian eser dadin eta teknikarien lan-baldintzei buruz negozia dezan lortu dute langileek beren mobilizazioekin eta presioarekin.

Gipuzkoako helduen egoitzen hitzarmena #LortuDugu

Administrazio publikoko langileekiko ekiparazioaren aldeko urratsak eman eta arrakala murrizten du aurreakordio honek, LABek negoziazio hasieratik mahaian defendatu izan duen bezala.

Lan-ikuskaritzak arrazoia eman digu, eta argi geratu da San Esteban egoitzako langileei eskubideak urratu zaizkiela

Txostenak frogatutzat jo du Getxoko lantokian ez dela errespetatu adinekoen egoitzetako hitzarmena.