2026-11-21
HomeIndustriaMetalgintzaSidenorreko lantegietan asanbladak egitea proposatuko dugu

Sidenorreko lantegietan asanbladak egitea proposatuko dugu

Sidenor Taldeak proposatutako lantegi guztietarako aldi baterako EEEaren negoziazioa gelditzea eta taldeko Akordio Markoaren negoziazioaren hastapenen aurrean, langile guztiak informatzeko, lan zentro guztietan asanbladak egitea proposatuko du LABek.

Egokitzapen Laboraleko Planean (ELP) proposatutako neurriak gehiegizkotzat jotzen ditugu. Zergatik? Lantegi bakoitzeko egoera ekonomiko zein produktiboa kontuan hartu gabe, talde osoko plantillari eragingo liokeen EEEa proposatzen delako eta bere ezarpenak, instalakuntza batzuk kaltetuko lituzkeelako besteen etorkizuna bermatu gabe. Gainera, neurri hauek atzerakoiak dira eta bere onarpenak ekarriko luke aurreko negoziazioetan enpresak hartutako konpromiso batzuk ez betetzea eta Akordio Markoan adostutako beste baldintzak ere kaltetzea.

Enpresak EEEaren negoziazioa eten eta Akordio Markoaren negoziazioari ekin badio helburu batekin izan da, hau da, lan baldintzak okertu eta lantegien kudeaketa esklabutza sistema bihurtzeko, non langileek enpresa eremutik kanpo bizitza pertsonala izateko eskubidea izan ez duten, bizitza laborala eta familarraren arteko kontziliazioa galeraziz.

Taldearen zuzendaritzak ez du bermatzen ELPeko neurriak gauzatuta ere lantegien arazo desberdinak konponduko direnik eta jarraitzen du uko egiten Sidenor Taldeko etorkizuna nondik norakoa markatuko lukeen Plan Industriala aurkezteari. 

Hau guztiagatik, LABek lan zentroetan asanbladak egitea beharrezkoa dela uste du, langileak eurei eragin diezaieketen neurriez informatuak izateko.
 

 

 

AZKEN ALBISTEAK | ÚLTIMAS NOTICIAS

Teknikarien sektorean langile borrokaren bidez lortu dugu patronala mugiarazi eta negoziazioa ahalbidetzea

Ikuskizunen eta ekitaldien sektorean 26 eta 27rako aurreikusita zegoen greba bertan behera geratu da gaur; izan ere, behin eta berriro negoziazioak geldiarazten edo oztopatzen ahalegindu den patronala mahaian eser dadin eta teknikarien lan-baldintzei buruz negozia dezan lortu dute langileek beren mobilizazioekin eta presioarekin.

Gipuzkoako helduen egoitzen hitzarmena #LortuDugu

Administrazio publikoko langileekiko ekiparazioaren aldeko urratsak eman eta arrakala murrizten du aurreakordio honek, LABek negoziazio hasieratik mahaian defendatu izan duen bezala.

Lan-ikuskaritzak arrazoia eman digu, eta argi geratu da San Esteban egoitzako langileei eskubideak urratu zaizkiela

Txostenak frogatutzat jo du Getxoko lantokian ez dela errespetatu adinekoen egoitzetako hitzarmena.