2026-11-16
HomeIdazkaritzakEuskara IdazkaritzaEuskara hutsean aritzen gara zuzendaritza egituretan

Euskara hutsean aritzen gara zuzendaritza egituretan

LABek euskararen erabileraren inguruan ikasturtero egin ohi duen neurketaren azken emaitzak eskuetan ditu jada. Datuek erakusten dute sindikatuak euskara hutsean funtzionatzen duela Komite Exekutibo, Nazio Biltzar eta Nazio Komiteari dagokienez. Hain zuzen ere, neurketak zuzendaritza egiturak hartzen ditu erreferentziatzat, eta kopuruek ez dute zalantzarako tarterik uzten: 2015-2016 ikasturteko euskara erabileraren batez besteko indizea 9 puntukoa da, sabaiatik puntu eskasera.

Komite Exekutiboak euskaraz funtzionatzen du, bilerak erabat euskaraz dira, ez da erdarazko interbentziorik egoten. Interbentzioak bietan egiten direnean, euskara da nagusi, eta erdarazko esamolde edota esaldiak txertatzen dira. Eta bi hizkuntzetan egiten diren interbentzio hauek ere murriztuz joan dira.

Hau da Komite Exekutiboaren bilakaera:

2012/13 ikasturteko batez besteko indizea: 8.9
2013/14 ikasturteko batez besteko indizea: 9.1
2014/15 ikasturteko batez besteko indizea: 9.1
2015/16 ikasturteko batez besteko indizea: 8.9

2012-2013 urtetik aurrera, Nazio Biltzar kide izateko euskara ulertzeko gaitasuna izatea ezinbestakoa da, aldi bereko itzulpengintza zerbitzua kentzea erabaki zelako. 2015-2016 ikasturtean, hiru neurketa egin dira, irailean, urtarrilean eta ekainean; ondorioz, Nazio Biltzarrean egiten den euskararen erabileraren inguruan, zenbait ondorio atera ditzakegu. Aipatutako neurriak abian jarri direnetik, esan dezakegu, Nazio Biltzarraren funtzionamendua euskaraz izatea lortu dugula. Biltzarretan ez da erdara hutsezko interbentziorik egoten, eta, ikasturte honetan egin diren neurketetan, interbentzio guztiak euskara hutsean egin dira.

Hau da Nazio Biltzarraren bilakaera:

2013/14 ikasturteko batez besteko indizea: 9.2
2014/15 ikasturteko batez besteko indizea: 9.4
2015/16 ikasturteko batez besteko indizea: 9.3

Nazio Komiteak euskara hutsez funtzionatzen du, baina, azken bi neurketetan, gehituz joan dira bi hizkuntzetan egindako interbentzioak; gehienetan, erdarazko esamoldeak edota esalditxoak txertatzen direlako izaten da. Euskara da nazio komitearen hizkuntza.

Hau da Nazio Komitearen bilakaera:

2013/14 ikasturteko batez besteko indizea: 8.9
2014/15 ikasturteko batez besteko indizea: 8.9
2015/16 ikasturteko batez besteko indizea: 8.6

 

 

 

AZKEN ALBISTEAK | ÚLTIMAS NOTICIAS

Leioako Foru Egoitzako langileak grebara doaz lankide falta eta baldintzen okertzea salatzeko

Azaroaren 16an deitu dute greba; izan ere, zuzendaritzak planteatutako langile-kopurua ez da nahikoa, lan-baldintzak okertu egin dira eta zuzendaritzak ez du zentroaren benetako beharrei erantzungo dien lanpostu-zerrenda negoziatu nahi.

Mobilizazioaren indarrak mugitzera behartu du Osakidetza, baina proposamenak oraindik ez dira nahikoa

LAB, SATSE, ELA, CCOO eta UGT sindikatuok balioetsi dugu urriaren 30eko greban profesionalek emandako erantzun irmoak Mahai Sektorialean posizioak mugitzen hastera behartu duela Osakidetzako...

Nafarroako Industria Foru Lege berriak inbertitzaile pribatuak lehenesten dituela kritikatzen dugu, baina ontzat jotzen ditugu jabetza publikoa, deslokalizazioa eta lanaldiarekiko aurrerapenak

Parlamentuak atzo onartutako Industria Foru Lege berriak inbertsio pribatua erraztera bideratuta dago, pizgarri, sinplifikazio administratibo eta kanpoko inbertitzaileak erakartzera bideratutako bestelako neurrien bidez. Hala...