LABeko idazkari nagusi GarbiƱe Aranburuk eta Nazioarteko harremanetarako idazkari Koldo Saenzek osaturiko ordezkaritza batek ConfederaciĆ³n Intersindical Galegak (Galizako CIG sindikatuak) Santiagon ospaturiko VIII. Kongresuan parte hartu du asteburuan.
Pandemiak ireki duen agertoki berrian ospaturiko kongresuak klase sindikalgintza abertzalearen sendotasuna bai Galizian zein nazioartean erakusteko balio izan du. 600 kongresu-kideren parte hartzea nahiz mundu osotik etorritako nazioarteko ordezkaritza zabala kongresuaren garrantziaren erakusle izan da.
GabiƱe Aranburuk hitza hartu du kongresuan, eta egungo egoerak eskatzen dituen erronkak nabarmendu ditu: “Herrien autodeterminazio eskubidea defendatzen duen sindikalismoa bat beharrezkoa dugu, aldaketa politikoaren aldeko apustua egiten duena”. Sindikalismo borrokalaria inoiz baino beharrezkoagoa dela berretsi du, eta Greba Orokorraren garrantzis azpimarratu du, erabakimena berreskuratu eta Madrilen esku ez uzteko.
Kongresuaren testuinguruan, LAB sindikatuko ordezkariok bilera egin dugu Galiza-ko CIG sindikatuarekin aktualitatearen inguruko hausnarketa elkar trukatu eta klase sindikalgintza abertzaleak aurretik dituen erronkei erantzuteko elkarlana sustatuko duten harremanetan sakontzeko.
