Duela egun gutxi batzuk, Ilundaingo Behaketa eta Harrera zentruan gazte batek bere buruaz beste egin izanaren berria azaldu zen. Egungo gizarte zerbitzu hauen, laguntza eta gizarteratze gaitasunak zalantzan jartzen dituen berria.
Ikuspuntu ezberdinak gordetzen dituzten berriak irakurri ahal izan ditugu, gaztearen arazoei, zentruko funtzionamendu egokiari edo desegokiari, bertako langileen eginkizunari eta abarri erreparatu diotenak. Faktore hauek baldintzagarriak diren arren, ez dugu uste gertaera saiestezina egin dezaketenik, eta hauetatik haratago, egungo gizarte zerbitzu ereduan jarri nahi dugu arreta, gure ustetan, honek baitu holako gertaera baten oinarrizko ardura.
Egungo gizarteak zailtasun handiak ditu ezberdintasunak kudeatzeko. Gizarte Zerbitzu pribatizatuak ditugu, Administrazio publikoek enpresa pribatuen eskuetan utzi dituztenak, gai sozialei ematen dieten garrantzia agerian utziz, bigarren mailako afera dira beraientzat. Ezin ahaztu ere, zentru hauetan ematen den arreta eredua, erabiltzaileen beharrak betetze bidean etengabeko eztabaidan eta moldaketan egon beharrean, askotan ez atzera ez aurrera, eta erantzunik gabeko praktikekin aurkitzen duguna.
LAB SAREAN
{module[111]}
{module[111]}