2024-02-27
HomeIndustriaMetalgintzaLABek miserable eta lotsagarritzat jotzen ditu SEAk sindikatu honen kontra eginiko akusazioak

LABek miserable eta lotsagarritzat jotzen ditu SEAk sindikatu honen kontra eginiko akusazioak

LABek lotsagarritzat jotzen du SEAk Arabako metaleko hitzarmena desagertzea gure sindikatuari leporatzea. Atentzio desbideratze hutsa da, erantzule zuzenak diren horien aldetik.

SEAk 2 urte eta erdiz ez du inolako proposamenik aurkeztu negoziazio mahaian, bere zeregin bakarra izan da bera blokeatzea eta denbora pasatzen uztea, horrekin bere posizioa indartuko zelakoan. Horrela uztailaren 5ean bukatutzat eman zuen negoziazioa eta 5ean ere Urkulluk aurkeztutako proposamenari SEAk eman ziola ezetza. Soilik berak nahi zuen eszenatoki horretan aurkeztu du proposamen berri bat, UGT eta CCOOekin bilera estraofiziletan bilduta. Zergatik aste honetan eta ez aurretik?

SEAk bere proposamena pasa den asteartean helarazi zigun e-mailez eta ohartarazten zigun asteazkenean, atzo, idatziz zegoen bezala onartu ezean kontaktu guztiak bukatuko zirela. ARGI DAGO ULTIMATUM HORI PROPOSAMENA BAINO, TXANTAIA HUTSA ZELA eta LABek, edozeinek egingo zuen bezala, ez zuen onartu.

SEAk aprobetxatu nahi izan du berak sortutako egoera bere neurrira egokitutako hitzarmena lortzeko, bere aldarrikapen historikoak sartuta:
− Malgutasuna handitzea, 30 orduz, Arabako jardunaldia inguruko luzeena izan arren (1735 ordu). Honen ondorio zuzena kalerapenak izango dira.
− Soldatetan KPIrekiko lotura ezabatzea.
− Ultraktibitatea 18 hilabetekoa izatea, presio eszenatoki hau berriro errepikatzeko (30 hilabete bete ditugu negoziazioetan SEAk mahaia blokeatzen zuen bitartean), onura gehiago lortu nahian.

Hori dela eta, LABen ustez onartezina zen SEAren proposamena, ez edukietan, ez formetan, hori ez baitzen negoziazioa, inposaketa baizik. SEAren neurrirako akordioa da, SEAren interesak babesten duen eszenatokia.

Horren aurrean, atzo iragarri bezala CRL-LHKn aurkeztu genuen hitzarmenaren luzapena 6 hilabetez eta tarte horretan, berdintasunezko eszenatoki batean eta “amildegiaren” mehatxuarik gabe negoziazioekin jarraitzea.

LABek proposamen hori egin du Arabako Metalerako eta gaur bertan parlamentuan PNVk eta PSEk eskaera berdina egin diote patronalari.

Beraz, SEAk azaldu behar die 12000 langileei, beraien senideei eta gizarte osoari ea prest dagoen negoziatzen jarraitzeko, inposaketari uko eginez. Uztailaren 16an posiblea ikusten bazuten zergatik ez hurrengo asteetan?
 

LAB SAREAN
{module[111]}

      

AZKEN ALBISTEAK | ÚLTIMAS NOTICIAS

Nafarroako Kimiketako hitzarmena adosteko patronalak egin beharreko lanketa bizkor dezan exijitzeko mobilizatuko gara

Azken hilabete luzeetan LAB eta ELA aldarrikatzen ari garen Nafarroako Kimiketako hitzarmenaren lanketaren barnean eta intersindikalak egindako eskaera baten ondorioz, pasa den otsailaren 23 eta 26an bi sindikatuak CEN patronalarekin batzartu ziren, nor bere aldetik. Baina enpresaburuen erantzuna mantso doanez eta, gainera, ez doanez bi sindikatu hauek nahi duten ildotik, martxoaren 1ean elkarretaratzea eginen dute CEN-en Iruñeko egoitzaren parean.

Salicako enpresa-batzordeak erabat gaitzesten du enpresak inposatutako Aldi Baterako Enplegu Erregulazio Espedientea

Kontserba-enpresako enpresa-batzordeak agerraldia egin du Bermeon eta bertan azaldu du, joan den azaroan, beste Aldi Baterako Enplegu Erregulazio Espedientea (ABEEE) bat hasteko asmoa zuela adierazi ziola zuzendaritzak, bigarrena jarraian. Honela, 2023an bezala, Salikako langileak dira berriz ere enpresarako plan estrategikorik ez izatearen ondorioak ordaintzen dituztenak. Berriro ere erabiltzen da ABEEEa “tresna” bezala malgutasun handiagoa izateko bide moduan.

Salatu dugu Ausolanek kanpoko enpresa bat kontratatu duela baja medikoak kontrolatzeko

Ausolan enpresako kolektibitateetarako sukaldaritzako eta garbiketako langileek elkarretaratzea egin dute gaur Espartzan (Nafarroa), enpresaren egoitzaren aitzinean, salatzeko posta elektroniko bidez izan dutela kanpoko enpresa bat kontratatzeko alde bakarreko erabakiaren berri. Kanpoko enpresa horrek langileen baja medikoak kontrolatuko ditu. Erabaki hori ez da sindikatuetako ordezkariekin partekatu ez negoziatu. Langileek aldarrikatu dute diru hori prebentziorako erabiltzea, eta ez kontrolerako.