Legegintzaldi hasiera honetan Sailburuak eta PNV-k izandako aurrekariekin LABek ez zuen ezer onik espero Hezkuntza Sailburuak legegintzaldiko ildo nagusiak aurkezteko eman agerralditik. Argi geratu da Madrilekiko menpekotasunean eta hezkuntza zein hizkuntza eskubideen urraketan oinarrituko dela. LABek Hezkuntzako langileak, familiak eta ikasleak deitzen ditu denon artean politika horiek baliogabetzeko.
PNVk eta Hezkuntza Sailburuak jakin badakite egungo hezkuntza eskuduntzek zertarako ematen duten, mugatuak jaio ziren eskuduntzak Madrilek egunero legez eta dekretuz husten ari direnean. Badakite hizkuntz aukeratzeko askatasuna ematea, gaztelaniazko irakaskuntzari bidea zabaltzea dela. Badakite, egoera ekonomikoa eta alor gehienetan aurrekontuak doitu behar direla aipatzen dutenean, egoera sozioekonomiko zailenetan dauden ikasleak eta familiak izango direla nagusiki doikuntza horiek pairatuko dituztenak. Badakite, LOMCErekin, lege horrek ezarriko dituen etapa amaierako ebaluazioekin, enborreko irakasgaien edukiak Madrildik ezartzearekin, Lakuak garatuko duen curriculuma karikatura besterik ez dela izango…
Arestian aipatutako Madrilekiko menpekotasuna eta hezkuntza zein hizkuntza eskubideen urraketen aurrean, LAB sindikatuak ondorioztatzen du, legegintzaldi honetan ere salaketari eta mobilizazioari ekin beharko zaiela PNVren politika horri aurre egiteko, eta zentzu horretan hezkuntzako langileak, familiak eta ikasleak deitzen ditu denon artean politika horiek baliogabetzeko.
{module[111]}