Abuztuaren 26an, Amezketako Aralar paper lantegian istripu larria izan zuen P.R.C. 30 urteko Ibarra Argi Lanak enpresako langile azpikontratatuak, eta atzo hil zen.
Laneko heriotza honen aurrean, 24 ordutako lanuztea deitu du Aralarreko enpresa-batzordeak (LAB-.ELA), atzoko 14:00etatik gaurko 14:00etara.
Lanuztearen jarraipena erabatekoa izan da eta gelditu egin da lantegiaren jarduera. Azpikontratatuako langileek ere parte hartu dute. 11:00etan, mobilizazioa egin dute Amezketako lantegiaren atarian, “Lan heriotzarik ez. Langileen segurtasuna bermatu” lemapean.