Enpresa-batzordeak deituta, kontzentrazioa egin dute gaur Barakaldon, bertako Udaleko enplegu zentro berezia den USOAko langileek. “Prekarietateak hil egiten du, lan istripurik ez” lema zeukan pankartaren atzean salatu dute, astelehenean, abuztuaren 17an, bertako langile bat hil zen lan-istripu ez traumatiko batean. Horrela, 46 dira gutxienez urte hasieratik Euskal Herrian lanean hildakoak, eta Joaquin Beltranek desagertuta jarraitzen du Zaldibarreko zabortegian otsailaren 6tik.
ENPRESA-BATZORDEAREN OHARRA
Doluminak adierazi nahi dizkiegu eta besarkada handi bat bidali gure lagunaren familiari eta hurkoenei.
Gure lankidearen heriotzak urte honetan gertatutako laneko heriotzen 47. zenbakia egiten du. Egoera hori guztiz onartezina da.
Batzordeak azpimarratu nahi du gaur egun lan egiten den lan-baldintzak: estresa, beldurra, prekarietatea, behin-behinekotasuna……. beren lanpostuetan hildako langileen inguruko zifra mingarri horien oinarria direla.
Horri gehitu behar zaio pandemia-egoera batean bizi garela, langileak ahulago bihurtzen direla eta estres, beldur eta segurtasun-falta handiagoa sortzen dutela.
Horregatik guztiagatik, enpresei eta erakundeei exijitzen diegu premiazko neurriak har ditzatela berehala. Laneko Ikuskatzailetzari eta Osalani, prebentzio-neurriak betetzen direla bermatzeko eta kontrolatzeko. Lan-osasunak erabat lehentasunezkoa izan behar du lantokietan.