2024-05-28
HomeUncategorizedUnibertsitatez kanpoko irakasleen lan hitzarmenaren mahai negoziatzailearen balorazioa

Unibertsitatez kanpoko irakasleen lan hitzarmenaren mahai negoziatzailearen balorazioa

Abenduaren 5ean, unibertsitatez kanpoko irakasleon lan hitzarmena eztabaidatzeko Mahai Sektoriala izan dugu Lakuan. Gure hezkuntza sistema itotzen duten murrizketei aurre egitea eskatzen jarraitzen du LABek, baina Hezkuntza Sailak ez du gaur egungo egoerari buelta emateko inongo borondaterik erakusten, gainera Hezkuntza, “HIZKUNTZA POLITIKA” eta Kultura sailak GAZTELERA hutsez aurkeztutako proposamenean murrizketak arautu eta betikotzen ditu.
Abenduaren 5ean, unibertsitatez kanpoko irakasleon lan hitzarmena eztabaidatzeko Mahai Sektoriala izan dugu Lakuan. Gure hezkuntza sistema itotzen duten murrizketei aurre egitea eskatzen jarraitzen du LABek, baina Hezkuntza Sailak ez du gaur egungo egoerari buelta emateko inongo borondaterik erakusten, gainera Hezkuntza, “HIZKUNTZA POLITIKA” eta Kultura sailak GAZTELERA hutsez aurkeztutako proposamenean murrizketak arautu eta betikotzen ditu.

Azken bilera honetan, nahiz eta ez duen ezer garbi esaten, berriro ere argi gelditu da administrazio honek ez daukala inongo intentzio, ez borondaterik Madriletik inposatutako murrizketei (erretiroa hartzeko baldintzak, IT bajak, soldatak, errekurrituta dagoen ratioen afera, plantilak, soldata izozketak, lanaldi igoera) aurre egiteko, gainera mahai orokorrean, administrazioak berak, men egin die murrizketa guzti hauei, orduan zer geratzen zaigu negoziatzeko?

Nazkatuta gaude adar jotze honetaz, eta gaurkoan beste sindikatuekin adostu da Hezkuntza sail honi gauzak argi eta garbi esatea exijitzea. Horrela, lan hitzarmenaren bizkarrezurra diren puntuetan beraien behin betiko jarrera azaltzea exijitu zaie: plantilak, ratioak, ordezkapenak, erretiro baldintzak, soldatak, IT bajak, … Datorren bileran berdin jarraitzen badute, ezer garbirik esan gabe edota mahai orokorretik inposatutako murrizketa denak aplikatu behar baldin badituzte, neurriak hartuko ditugu.

Irakasleon lan baldintzak, eskolako funtzionamendu eta hezkuntza sistemaren osasuna kolokan ipini dute eta LABen argi daukagu jarrera horren kontra egingo dugula. Azkeneko ikasturteetan Hezkuntza Sailak hartutako neurriak arazoak areagotzeko baino ez dute balio izan. Testuinguru honetan langileok egoerari aurre egiteko ditugun tresna guztiak erabili beharrean gaude.

Orain da momentua, sailak honen inguruan duen erantzukizuna eskatzeko eta gure lan baldintzengatik borrokatzeko, azken finean gure eskubideak zapaltzen dituztelako eta hezkuntza kalitateari zuzenean eragiten diolako.

Euskal Herrian, 2013ko abenduaren 6an

 

LAB sarean
{module[111]}

 

 

AZKEN ALBISTEAK | ÚLTIMAS NOTICIAS

Indarkeria matxista lantokietako prebentzio planetan sartzeko eskatu dugu

Lan Osasuneko ebaluazioetan arrisku bezala identifikatu eta landua izan dadin, Osalan zein NOPLOIra eramango dugu proposamena.

CCC: 85 urteetako bilakaera zaborretara eta, ondorioz, 50 langile kalera

Urrutiko formakuntza eskaintzen duen CCC Donostia enpresan haserrea agerikoa da. Duela hiru urte, 1939an Donostian sortu eta 85 urteetan zehar Gipuzkoan errotuta egon den gure enpresa Grupo Crescendo deituriko inbertsio-funtsak xurgatu zuen. Geroztik, Donostiako lan-zentroaren hustutzea bizi izan dugu, oinarrizko sailak (ikasleari arreta, informatika, kontabilitatea, marketing-a eta arlo komertziala) Madrilera eraman baitituzte: 2020an bertan lan-zentro bat ireki zuten; hori bai, Donostiako CCC-ko lan esperientzia baliatuz eta irabaziak lortuz, hemen gauzatzen genituen gestioei esker.

Bizkaiko ostalaritzan akordioa #LortuDugu: erronda hau beraien kontu!

Soldatak desizozteaz gain, sektoreko urraketak, iruzurrak eta gehiegikeriak oztopatzen dituen akordioa lortu du LABek. Sektore gutxitan gertatzen dira honetan adina irregulartasun eta iruzur; hori dela eta, hitzarmena baldintzak erregularizatzeko tresna izan behar da, eta hori izan da bere lehentasuna negoziazio honetan.