2024-06-25
HomeZerbitzu PublikoakNafarroako AdministrazioaUME: Sua piztu eta gero, itzaltzera?

UME: Sua piztu eta gero, itzaltzera?

Batetik, iaz Tafallaldean UME (Unidad Militar de Emergencias) deiturikoari, 3500 ha. kiskali zituen suaren kontra aritzeko beranduegi deitu omen zitzaiola, eta bestetik, UME eta Nafarroako Babes Zibila eta Suhiltzaileak zerbitzuaren artean kontaktuak ematen ari direlarik, Nafarroako Babes Zibila eta Suhiltzaileak arloko LAB sindikatuaren irakurketa.

• Iaz esan genuen bezala, UMEri Artaxoko sutean aritzeko berandu deitu zitzaiola esaten dutenek, arerio politikoari kalte egitearren esaten dutela eta ez zerbitzu publikoaren aldeko ekarpena bezala.
• Nafarroan UME baso suteetan egon den lau aldietan ez du parte-hartze erabakigarririk izan. Beraz, gure iritziz, inoiz ez zen deitua izan behar.
• Espainiako armadako partea da UME. Gure lurraldetik ibiltzen denean, ejertzitoa bera da ibiltzen dena. Guk Nafarroan dauden instalakuntza militar guztien deuseztapena nahi dugu, tiro egiteko zelaiak barne. Ezinezkoa baita, izan ere, Bardeak bonbardatu edota Ezkaba mendian, tiro praktikak medio, 1986 eta 2000. urteetan suteak eragin, eta natura defendatzen dutela esatea.
• Nahiz eta ulergarria den giza bizitzak, jabegoak eta natura bera oso larriki konprometituta daudenean, arlo honetako arduradunek eskura dituzten baliabide guztiak aktibatzea, inolaz ere ez dugu uste kontaktu edota prestakuntza ekimenik sustatu behar denik. Egunotan UME Nafarroatik dabil Nafar Gobernuarekin dituen itunak garatu asmoz. Honela ba, Nafar Gobernuari UME-rekin dituen elkarlanerako akordioak indargabetzeko eskatzen diogu.
• Nafarroan Babes Zibila eta Suhiltzaileak indartzen jarraitu behar dugu garaikako baso-kanpainak sendotuz, eta honetan egiteko asko dago. Azkenik, ematen diren su handien aurrean gure baliabideak anbizio gehiagorekin kudeatzeko ahaleginak egin behar direla uste dugu, eta, historikoki egin den bezala, lurraldeen arteko elkartasuna aktibatzea ere gure esku dago.
• UME gehien bat armadaren propagandarako talde bat da, eta Larrialdietako gainontzeko taldeak ahultzen ditu sistema Publikoko aurrekontuetatik ateratzen den diru mordoa xahutuz bere giza eta baliabide material ikaragarriak mantendu ahal izateko.

Hau horrela izanda, LAB sindikatuak Nafar Gobernuari bere laguntza eskaintzen dio Nafarroako Larrialdiak indartzeko. Honetarako indarrean jarriko dituen politiketan aurkituko gaitu, baita UME-rekin aurreko UPNren exekutiboak sinatu zituen Elkarlanerako Itunak baliogabetzeko ere, arestian azaldutako arrazoiengatik.
 

 

  .

AZKEN ALBISTEAK | ÚLTIMAS NOTICIAS

Espainiar Estatuko langile publikoentzako soldata igoera inposatua da eta erosahalmenaren galeran sakontzen du Hego Euskal Herriko langileentzat

LABen ez dugu ontzat ematen bihar Espainiako Gobernuko Ministro Kontseiluak Estatu osoko langile publikoentzako (*) onartuko duen %2ko igoera gehi %0.5eko baldintzatutako gehigarria.

Zumarragako posta zerbitzuaren egoera onartezina da

Plantillari dagokionez, lanpostu huts ugari daude; adibide gisa, goizeko txandako langileen egoera; izan ere, egun batzuetan 5 pertsona baino ez daude bete beharreko 13 lanpostutarako, hau da, % 62 ez da betetzen. Zoritxarrez, egoera hori oso ohikoa da lantoki honetan. Plantillak hainbat elkarretaratze egin ditu langile-falta salatzeko, baina arazoa ez da hobetzen hauteskunde-aldiaren ondoren, eta enpresak ez du inolako asmorik kontrataziorik egiteko. Uztailaren 7an oporraldian sartuko gara eta oporretara joango diren langileak inork ez dituela ordezkatuko aurreikusten da.

Nafarroako Zurgintzako hitzarmena sinatu dugu, eskubideetan aurrerapenak baititu eta erosteko ahalmenari eusten baitio

Gaur goizean LAB sindikatuak Zurgintza sektoreko Nafarroako hitzarmena sinatu du, 2023 eta 2025 urte bitarteko indarraldia izanen duena. Hitzarmen honek eskubideak handituko ditue eta langileen erosteko ahalmenari eutsiko dio; nahiz eta negoziazioak iraun bitartean patronala behin eta berriz saiatu den lan baldintzak okerragotzen praktiketako kontratuen soldatak txarragotzeko edo soldata igoera KPItik aldentzeko bezalako neurriekin.