2024-02-27
HomeJazarpen sindikalaU27ko Greba Orokorreko auziperatuak: «Instituzioek eta kapitalak gure eskubideak zapaldu ez ezik,...

U27ko Greba Orokorreko auziperatuak: «Instituzioek eta kapitalak gure eskubideak zapaldu ez ezik, hauen aurrean erantzutea ere inposizio bidez ezabatu nahi dute»

Auziperatuen oharra.- «2011ko Urtarrilaren 27an Hego Euskal Herrian Pentsioen erreformaren kontra burututako greba orokorrean kalera irten ginen 18 kide gara. Pikete informatibo lanetan ari ginela, polizia autonomikoak ordu betez erretenituta izan ostean identifikatuak izan ginen.  Bi urte pasa ondoren, langileen aurkako akusazio orokor eta zentzugabe batean oinarrituta, epaiketa fartsa bat burutu zuten gure kontra. Atzo guztion absoluzioa etorri zen epai bidez. »

«Lehenik eta behin, eskerrak eman nahi dizkiegu, errepresioaren gainetik, azken bi urtetan elkartasuna adieraziz, gurekin borrokan jarraitu duten Busturialdeako zein Euskal Herriko eragile, langile eta herritar guztiei.

Pozik gaude, noski epaiarekin, baina honek ez du kentzen, prozedura judizial honen guztiaren aurrean egin beharreko irakurketa.

Egiturazko krisi honen ondorioz, egoera sozioekonomikoaren gainbehera bizi izan dugu azken bi urteotan. Inposatutako eredu ekonomiko eta sozialari erantzunez, mobilizazio eredu ezberdinak bizi izan ditugu, tartean bi greba orokor. Gure prozedura judiziala ere Greba Orokor hauen atarietan aktibatua izan da. Lehenik 3 urte eta 9 hilabeteko eskaera heldu zitzaigun 2012ko martxoko greba aurretik, eta epaiketako data eta zehaztasunak urte bereko iraileko greba deialdiaren testuinguruan.

Zalantzarik gabe interes politikoak daude honen guztiaren atzean. Azken urteetan greba eta piketeen aurka sufritutako kriminalizazioaren erakusle. Instituzioek eta kapitalak gure eskubideak zapaldu ez ezik, hauen aurrean erantzutea ere inposizio bidez ezabatu nahi dute.

Herri honetako eskubideak zapalduak daudenik ezin dugu ukatu. Etxebizitza eskubide bat den heinean, etxegabetzeek egunkarietako orrialdeak betetzen dituzte. Lana bera ere eskubidea dela diote, baina erreformek eta langabezia tasek kontrakoa erakusten dute.

Ezinbestekoa da euskal instituzioek, banketxeek eta patronala babesten duten politika ekonomikoak alde batera utziz, herritarron eskubideen defentsara bideraturiko politika ekonomiko eta sozialak abian jartzea, bestelako botereen aurrean planto eginez.

Prozedura honek piketeak eta greba indarkeriaz lotu eta bestelako eredu ekonomikoa aldarrikatzen dugunon kriminalizazioa bilatu du. Jendartea desmobilizatzeko saiakera argia izan da.

Guk argi daukagu egoera hau aldatzeko kalera irten behar garela, eta prozedurak prozedura gu desmobilizatzerik ez dutela lortuko. Erantzuna epaitegietan kokatu nahi duten arren, ezinbestean langile eta herritarrok aldaketa sozialaren bidean borrokan jarraitu behar dugu.

Auziperatuok
Gernikan, 2013ko urtarrilaren 16an 
»

 

LAB SAREAN
{module[111]}

    

AZKEN ALBISTEAK | ÚLTIMAS NOTICIAS

Martxoaren 3ko ekintza bateratuak aurkeztu ditugu

Datorren igandean betetzen dira 48 urte martxoaren 3ko sarraskitik. Eta gaur, agerraldia egin dugu LAB, ELA, ESK eta STEILAS sindikatuok, Martxoak 3 elkartearekin batera, igandean egingo ditugun ekintzak aurkezteko. 12:00etan, ekitaldia egingo dugu Plazan, monolitoaren ondoran, eta 12:30ean, bertatik abiatuko da Gasteizko kaleak zeharkatuko dituen manifestazioa.

Osakidetza eta garbiketa enpresa esleipendunei eskatzen diegu uztailean sinatutako aurreakordioa bete dezatela

Joan den udan, Osakidetzak azpikontratatutako garbiketa-zerbitzuko langileek egindako borroka eredugarri eta duinaren ondoren, enpresa esleipendunak eta gehiengo sindikala aurreakordio batera iritsi ginen. Bertan, sektoreak hitzarmena berritzeko egin zituen aldarrikapen nagusiak jaso genituen: bertako langileen baldintzen homologazioa blindatzea, karrera profesionala eskuratzea, txanda-kontratua eskuratzea, bakanteen arautzea…

LABek Nafarroa Garaian inoizko emaitzarik onenak lortu zituen 2023ko hauteskunde sindikaletan: 1.223 delegatu ditu eta %18tik hurbil dago

Nafarroako Gobernuak azkenean zabaldu dituen emaitza ofizialen arabera, LAB sindikatuak maximo historikoak lortu zituen 2023ko hauteskunde sindikaletan. Azken datuen arabera, LABek 1.223 delegatu ditu Nafarroa Garaian, eta %17,96ko ordezkaritza. Lau sindikatu nagusien artean, azken urtean LAB izan da delegatu kopuru gehien lortu dituena, bai eta ehunekoan gora egitea lortu duen bakarra ere.