Enpresa komitearen oharra:
Pasa den ostiralean otsailaren 26an, Garbialdiko Enpresa Komiteak egun horretarako deituta zegoen greba mugagabea bertan behera uzteko komunikazioa erregistratu zuen Lan Delegaritzan, enpresarekin akordiora heldu ostean ondorengo edukietan:
– Enpresak 2016ko urtarrilaren 10ean sortu zen bakantea argitaratu eta beteko du. Bestaldetik, hemendik aurrera sortu daitezkeen bakanteak argitaratu eta betetzeko konpromisoa hartu du.
– Enpresak asteburuetako txandan sortuko den bakantea beteko du.
– Enpresak egutegi bat adostuko du Komitearekin, langileei zor zaizkien norberaren gauzetarako baimena eta antzinatasungatiko lizentziak disfrutatzeko 2016 urtean zehar, Auzitegi Gorenaren sententzia betez.
– Ezintasun Iragankorretako osagarrietan enpresak aplikatu zituen deskontuak ordainduko ditu, Auzitegi Gorenaren sententziak hala aginduta eta 2012ko paga estra ordaintzeko egutegi bat adostu da.