Tolosako La Asuncion Klinikako langileek Eusko Jaurlaritzako Osasun Departamentura eta Arartekora jo dute ospitalaren egoera kezkagarria salatzeko. Hain zuzen ere, idatziak erregistratu dituzte bi erakunde horietan, La asuncionen eskaintzen den arreta eta segurtasuna bermatuta ez daudela ohartarazteko. Langile eta baliabide kopuru ezak zerbitzuaren kalitatea zeharo narrastu duela jakinarazi dute. Momentuz, Manuel Lezertua arartekoak erantzun die, eta "beharrezko jarduerak" abian jarriko dituela aurreratu du.

Hauxe da Arartekoari zuzendutako idatzia, egoeraren berri emateko:

Tolosaldeako E.S.I. osatzen duten herritarrentzako arreta zerbitzu bereziei dagokien kexai buruz Arartekora zuzentzen gara.

Tolosaldeak 65.000 biztanle inguru dituela kontutan hartuta, beste herrialdeek jasotzen duten arreta berbera jasotzeko eskubidea daukagu. Langile izateaz gain, gainera langile asko osasun arreta honen erabiltzaileak gara. Ez ditugu eskubide berdinak ez langile kopuru, ez fakultatibo kopuruan, ez pertsonalaren prestakuntzan ezta ere pazientearen segurtasunari dagokionez ere. Ezta ere erabiltzen dugun materialean, ezta ere euskararen erabileran ere.

Gaur egun, beste ospitaleekin alderatuz (Bidasoa, Zumarraga, eta Mendaro ospitaleak) Asunzion klinikak langile 1/3 bat gutxiago dauka.

Langile kopuruarena ez betetzeaz gain, eskualdeko ospitale kontzertatu bezala, erizainak gutxitzen ari dira, honela pazientearen kalitatezko arreta eta segurtasuna bermatu ezinik geratzen dira.

Berrikuntza lanen ostean egokiak ez diren baldintzetan lan egiten dugu (tinbre desegokiak, pazieenteen intimitatea bermatu gabea ez dagoelako kortinarik…).

Zuzendaritza honi itxura bakarrik axola zaiola dirudi, eta ez osasun arreta egokia, ezta ere segurtasuna, ez langile ezta pazienteentzat ere.

Gaur egun zuzendaritzak aurrera eraman nahi dituen aldaketak pazientearen segurtasun eta osasun kalitateari larriki eragiten die.

Aldaketetako batek kirofanoko zerbitzuari eragin nahi dio: zehazki, erizain pertsonalari lan baldintzetan aldaketa garrantzitsuak inposatu nahi zaizkie:

-Lan jardueraren ordutegi aldaketa, ordu fisikoak gutxituz, zuzendaritzak dioen segurtasun neurriekin bateraezina… Aldiz, lokalizatutako guardia gehiegizkoak inposatu nahi dituzte, jai egun eta gauak kontutan hartu gabe.

-Soldataren jatsiera garrantzitsua, Osakidetzako langileekin oraindik ere gehiago handituz diferentzia.

-Pertsonalaren murriztea kirofanoko bakoitzean, kirofano bakoitzeko erizain bakarra egonik laguntzarik gabe. Neurri hau bateraezina da enpresak aipatzen dituen segurtasun neurriekin.

Aipatu baita ere gaur egun zentruak ez duela inolako segurtasun protokolori,k ez eta eguneratutakorik.

Adibidez, euri garaian, kirofanoko zerbitzuan sortutako ur filtrazioak, zerbitzuaren egoeran larriki eragiten dute.

Euskararen ezagutza izan gabe fakultatibo ugariren etengabeko kontratuak mediku espezializazio guztietan. Tolosaldeko eskualdeko herritar orori arreta egokia ematea ezinezkoa da barne medikuntzako 4 mediku eta neurologo batekin.

Ez dugu ulertzen Tolosaldeako ESIko partaide izanik nola baldintza hauetan lan egiten dugun, estresa eta segurtasun eza sortuaz lanean. Urteak daramatzagu erakunde publikoetan gertakari hauek salatuz Eusko Jaurlaritzan, Tolosako udaletxean, osasun sailean… eta arazoa konpondu beharrean geroz eta baldintza eskasagoan lan egiten dugu.

Aurretik aipatutako guztiaren haritik,  Inviza enpresari onartutako prestazio publikoaren helburuen alde egiteko, bertan azaltzen diren hutsuneak agerian uzteko eta behingoagatik Eusko Jaurlaritzako osasun sailari bere ikuskatze ahalmena martxan jartzeko eskatzen dizugu.