2024-06-19
HomeIndustriaMetalgintzaSiemens-Gamesak enplegua sortu behar du, ez suntsitu

Siemens-Gamesak enplegua sortu behar du, ez suntsitu

Enpresak hasieratik enplegua suntsitu nahi zuen Enplegua Erregulatzeko Espediente baten bidez; eta horixe lortu du, hain zuzen. Enplegua Erregulatzeko Espediente baten bidez 226 langile bidaliko dituzte lanetik, horietatik erdia baino gehiago Hego Euskal Herrian.

Hau guztia inolako gatazkarik gertatu ez dela eta UGT, CCOO sindikatuen adostasunez egin da. ELAk azkenean ez du sinatu eskatzen zuen enplegu bermea ez duelako lortu, baina EEE-arekin ados zegoen. 266 langile kaleratu ondoren, enplegu bermeaz hitz egiteari broma lazgarria deritzagu. Sindikatu hauek enpresan langilerik ez zegoela sobera eta greba mugagabea aldarrikatzetik, haien oniritziaz 226 langile sobera daudela esatera igaro dira. Horixe bai dela aldaketa!

LABen ustean, ezetza ezetza da. LABek iruzurra egin zaiola sentitzen du, beste sindikatuekin batera mobilizatu zelako, oso ideia argia adierazten zuen pankarta baten atzean: Siemens-Gamesan ez dago inor sobera! Arrazoiz bustiak gaude haren alde egiteko:

-Begien bistakoa dirudien arren, gogora ekarri behar dugulako Gamesa eta Siemens enpresak ez daudela krisian, aitzitik, hazten ari diren bi enpresa erraldoiak direla. Zehaztearren, Gamesak iaz fakturazio eta irabazi errekorra izan zuen (301 milioi euro, iaz baino %77a gehiago).

-Duela 6 hilabete eskas fusionatu ziren “hazkundeari” eusteko, berriro nabarmendu ostean eta erakundeen laudorioen artean, enplegua ez zela kaltetuko.

-Gamesako akziodunek 1.045 milioi euro eraman zuten euren poltsikoetara enpresa saltzearen ondorioz. Gero, hedabide jakin batzuetan aditu behar izaten dugu “luxuzko” borondatezko bajak hitzartu direla langileentzat.

-Egiaztatu da langilerik ez zegoela sobera. Enpresak ez du justifikatu, agertu dituen neurrien beharra, ez eta haien eragina ere. Berdin zaio lanpostuaren izaera nahiz lantoki bakoitzean egin daitekeen banaketa ere. Kopuru bat lortzea zen haien helburu bakarra, nortzuk eta nondik datozen axola barik.

-Enpresak, joan den hilean, bere plan estrategikoa iragarri zuenean, dibidenduak banatzen jarraituko duela adierazi zuen.

Siemens-Gamesak, bere sektorean duen garrantzia dela eta, Euskal Herrian, kalitateko enplegu sortzaile bilakatu behar du; ez, ordea, enpleguaren suntsitzaile. Sindikatuok, aldiz, enplegua babestu behar dugu, ez dezakegu haien suntsipenean lagundu. Ezin dugu ontzat eman enpresaren jarrera arduragabea. Ez dezakegu onartu, gutxi batzuk, askoren langabeziaren bizkar, aberasten direlako.

Egoera horren aurka orain arte aritu ez dena, nekez egingo du etorkizunean.
 

 

 

AZKEN ALBISTEAK | ƚLTIMAS NOTICIAS

Aurrerapenak lortu ditugu Astigarragako etxez etxeko laguntzaren publifikazioan, lan baldintzen ekiparaziora hurbilduta

Lan-baldintzetan hainbat aurrerapen jasotzen dituen akordioa lortuta, sindikatuan ildo horretan lanean segiko dugu.

Cementos Rezolak Enplegu Erregulazioko Espediente bat martxan jarri nahi du AƱorgako lantokian, deskarbonizazioa aitzakiatzat hartuta

Gaur, ekainaren 18an, Cementos Rezola (Heilderberg Materials) enpresako zuzendaritzak bilera deitu du 56 langileri eragingo dien EEErako mahaia osatzeko, AƱorgako planta deskarbonizatzeko aitzakiapean.
00:02:18

Salatzen dugu Hezkuntza Sailak bertan behera utzi dituela martxan zeuden negoziazio mahaiak eta ez duela Akordio Laborala bete

Orain urtebteko ekainaren 1an LABek Akordio Laborala sinatu zuen INTERINOK sindikatuarekin eta Hezkuntza Sailarekin, bi aldeek akordioan jasotako edukiak mahai negoziatzaileetan depositatu eta garatu behar zirelarik.