Espainiako espetxe politika salatzeko irten gara gaur kalera, ezker abertzaleak deituta, Xabier Rey preso politikoa gogoan. Hain zuzen ere, iruindarraren heriotzaren atzean salbuespen politika dagoela nabarmendu dugu berriro; urrunketa, sakabanaketa eta isolamendua bezalako erabaki politikoak, alegia. Hori dela eta, LABetik berretsi dugu premiazkoa dela euskal presoek jasaten dituzten salbuespenezko neurriak desaktibatzea, preso guztiak etxerako bidean kokatuko dituen prozesu baten baitan.
Iruñeko kaleak hartu dituzte gaur ehunka lagunek, ezker abertzaleak deitutako manifestazio nazionala dela eta. LABeko ordezkaritza bat izan da bertan, Garbiñe Aranburu idazkari nagusia buru, eta, bezperan egin bezala, Xabier Reyren heriotza eta Espainiako espetxe politika salatu ditugu.