2023-12-02
HomeIndustriaMetalgintzaSan Eloy taldeko langileak borrokon bazkide eta gerentziak kolokan jarri dituzten 230...

San Eloy taldeko langileak borrokon bazkide eta gerentziak kolokan jarri dituzten 230 lanposturen defentsan

San Eloy Taldeak bi enpresa dauzka, San Eloy Elorrion eta Iketz Abadiñon. Bazkideek ekainean enpresak finantza egoera oso larrian zeudenaren zurrumurrua zabaldu zuten eta, ordutik, beraien gestio erabakiak direla eta, egoerak nabarmen okerrera besterik ez du egin. Berriki Konkurtsoa eskatu dute bi enpresentzako.
Hilabete hauetan, bazkideek enpresa bien zorra handitu besterik ez dute egin; hornitzaileei ordaintzeari utziz, eta egoera finantzieroa nabarmen okertuz; ondorioz, atzeraezinezko pausuak emanez. Hori aitzakiatzat hartuta eta bazkideek sortutako egoera jasangaitza babesteko, Konkurtsoa eskatu dute bi enpresentzako.

Enpresaren jabeek, konponbide bakarra eman nahi die langileei, bazkideek eta gerentziak sortutako miseriak langileek irentsi ditzatela. Urteetan sortutako aberastasunarekin ihes egin nahi dute.

Enpresa pribatu bati Bideragarritasun Plana egiteko eskatu diote eta emaitza, hain zuzen ere, beraiek marraztu dute; soldatak %25 jaitsi behar direla. Baina bitartean enpresaren etorkizunari bizkar eman diote hornitzaileei ordaintzea utzita.

LABen argi dugu bide bakarra gure eskubideen alde borrokan jarraitzea dela eta, beraz, ezin dugu onartu urte luzetan zehar langileen kontura aberastu diren horiek orain ihes egitea, beraiei dagokie, beraien erantzukizuna da konponbide erreal eta duin bat eskaintzea.

LAB hitz egiteko prest dago, akordiotara iristeko prest gaude, baina ez musu-truk beraien miseriak ordaintzeko prest. Horregatik, mobilizaziotan hasi gara. Larunbatean bertan, urriaren 6an, langileen asanblada batekin batera, Kontzentrazioa egin genuen Elorrioko plazan. Gainera, Duranagon San Fausto jaiak direla eta, egingo ditugun deialdi ezberdinetan parte hartzera deitzen ditugu herritar guztiak.

AZKEN ALBISTEAK | ÚLTIMAS NOTICIAS

Prozesu historiko baten emaitza izan den atzoko egunaren arrakastaren ondoren, erantzukizunen ordua heldu da: zaintza sistema publikoa, orain!

Atzoko Greba Feminista Orokorraren ondoren, agerraldi bana egin dugu Gasteizen (EAEko Lehendakaritzan) eta Iruñean (Nafarroako Gobernuan), atzoko egunaren balorazioa egin eta hemendik aurrerako bidearen berri emateko. Zaintzaren inguruko Herri Akordioa lantzeko bidean, bilera bana eskatu diegu Hego Euskal Herriko instituzio nagusiei.

GREBA FEMINISTA OROKORRA HERRIZ-HERRI

Greba Feminista Orokorrean egindako ekimen ezberdinen argazki galeria herriz-herri.

Zaintzaren iraultza martxan da

“Zorionak Euskal Herria!” hitz horiexekin hasi dute mugimendu feministako ordezkariek hainbat eta hainbat hiri eta herritan arratsaldean egin diren mobilizazioen osteko manifestua. Goizean goizetik jo eta sua aritu dira milaka grebalari lurralde osoan barrena, zaintza sistema publiko komunitarioa aldarri eta kaleak astintzen. Oraindik amaitu ez den prozesu baten mugarri historikoa izan da gaurkoa.