2024-03-29
HomeIndustriaPapergintzaLABek salaketa berri bat jarri du Lan Ikuskaritzan Smurfit enpresaren jarrera salatzeko

LABek salaketa berri bat jarri du Lan Ikuskaritzan Smurfit enpresaren jarrera salatzeko

Iurretako Smurfit Nervión S.A-n LABen kontrako jazarpen sindikala, ez da kontu berria, aspaldikoa da, baina bereziki azkeneko hauteskunde sindikaletatik, egoera asko okertu da, jasaingaintza bilakatu delarik.

Lehenik eta behin, enpresako komitea ELA eta LABen delegatuez osatuta dago, ELA-k gehiengoa daukalarik.

Urte honetan, Otsailean konkretuki, LAB Sindikatuko delegatuek Lan Ikuskaritzan salaketa bat jarri zuten informaziorik jasotzen ez zutela argudiatuz (Langileen Estatuak erregulatzen du eskubide hori). Salaketa tarteratu baino lehen LAB-ek bilera bat eskatu zuen zuzendaritzarekin, gai hau lantzeko, konponbide bat lortzeko asmoarekin, ezezko borobil bat jaso genuen.

Inspektoreak enpresari gomendio batzuk eman zizkion informazioa bi sail sindikalei helarazteko. Enpresak Inspektorearen gomendioak alde batera utziz, haratago joan zen. Izan ere, enpresako hitzarmenaren negoziazioan murgildurik geundelarik, ELAko ordezkariek eta enpresak aurre-akordio bat sinatu zuten, LABek ez zuen aurre-akordio hori sinatu hitzarmenaren blindajea eta lan erreforma aplikatuko ez zutenaren konpromisorik ez baitzen kontenplatzen. Hori dela eta, enpresak ELAko ordezkariekin bilerak egiten aritu zen, hitzarmenaren amaierako akordiorarte, negoziazio kolektiboaren prozedimendua urratu zutelarik, amaierako akordioaren bitartez lortzen baita hitzarmen kolektiboa, eta ez da posible batzorde negoziatzailea osatzen duen alde bat barik, kasu honetan LAB sindikatua….albo batera utziz hitzarmen kolektibo bat sinatzea.

Hori gutxi balitz, bereziki jazarpen honen eraginik zuzenena ebentualek pairatzen dute, enpresak bere afiliazioaren (edo afiliatu izan barik, baina LAB sindikatuko jarraitzaile izanda) susmoa baldin badu, ez dio kontratua berristen edota kaleratua edo zehatua da edozein aitzakipean, kasu hau ondo ezagutzen dugu, aurten gure afiliatu bat kaleratua izanda ebentuala izanik, eta lehenengo instantziako epaitegiaren aburuz bidegabeko kaleratze baten aurrean gaudela zehaztu du emandako epaian, kontratazioan iruzurra eman dela adieraziz. Enpresak sententzia errekurritu du, eta irmotasunaren esperoan gaude.

Azkeneko gertakariak irailaren 26ko greba orokorrean eman dira, enpresak greba eskubidea urratu du, salaketa bat jarri dugu Lan Ikuskaritzan, grebaren ondorioz enpresaren jokaera eta jarrera salatuz, izan ere, enpresaren helburua lan zentrua irekita izatea izan da, funtzionamendu normala aztoratu gabe, greba eskubidea urratuz.

Egoera konpontzen ez den bitartean neurriak hartzen jarraituko dugu eremu legalean eta publikoan; ez dugu ez LABen aurkako, ez gure delegatuen aurkako eta are gutxiago, gure afiliazioarenganako jarraipenik onartuko.

AZKEN ALBISTEAK | ÚLTIMAS NOTICIAS

0-3 urtekoen zikloko sindikatuak berriz mobilizatu dira, Hezkuntza Departamentuari eskatzeko behingoz har dezan alor honetako ardura

Nafarroako 0-3 hezkuntza zikloko sindikatu guztiek (LAB, ELA, STEILAS, AFAPNA, UGT eta CCOO) elkarretaratzea egin dute gaur Iruñean, Hezkuntza Departamentuaren egoitza nagusiaren parean, Gobernuak ziklo honi dagokionez erakusten duen jarrera axolagabea salatzeko. Ildo berean, apirilaren 11n manifestazioa eginen dutela iragarri dute, Departamentuaren egoitzatik 17:30ean abiatuko dena.

Grebak Arabako aisialdi hezitzailea eta animazio soziokulturalean apirilaren 2a eta 4an, hitzarmenaren negoziazioan akordiorik ez dagoelako

Agerraldia egin dute gaur Gasteizen sektoreko langileek bi greba egunak iragartzeko. Hitzarmen duinik ez badago, zerbitzurik ez dela egongo adierazi dute.

Iruñeko eremu urdinean jarduera ia geldirik egon da grebaren hiru egunetan

Enpresa Batzordeak (LAB, ELA, UGT eta CCOO) astelehenetik egiten ari den grebaren balorazio positiboa egin du, eta ohartarazi du Dornierrek ez badu aurrerapausorik ematen lan baldintzak hobetuko dituen hitzarmenaren negoziazioan, mobilizazioekin jarraituko dutela.