2024-04-15
HomeUncategorized"Guk LABekin bat" egitea euskal langileok behar dugun alternatibaren eraikuntzan aurrera urratsa...

“Guk LABekin bat” egitea euskal langileok behar dugun alternatibaren eraikuntzan aurrera urratsa ematea da

LAB hauteskunde sindikalen prozesuari anbizioz ekiteko prest da. Prozesuaren atarian gaudenean kanpainaren aurkezpen publikoa egin du gaur Bilbon sindikatuak. Ordezkaritza sindikalaren egungo argazkitik abiatuta, LABen erronkak, kanpainaren nondik norakoak eta prozesuaren beraren garrantzia izan dute hizpide LABeko kideek. Ekainaren 21an delegatuekin ekitaldia burutuko da Euskaldunan.

AInhoa Etxaide idazkari nagusiak, Sonia Gonzalez komunikazio idazkarak eta Gorka Berasategi hausteskunde sindikaletako arduradunak LABek atarian diren hauteskunde sindikaletan lehiatzeko sindikatuak prestatutako kanpaina aurkeztu dute gaur medioen aurrean.

"Guk LABekin bat" lelopean sindikatua enplegua eta gazlite guztion eskubideak defendatzeko, pobrezia eta langabeziaren aurka egiteko eta Euskal Herrira aldaketa politiko eta soziala ekartzeko alternatiba bezala aurkeztu da.

Kanpainari hasiera emateko eta hauteskunde sindikaletarako motorrak berotzeko, datorren ekainaren 21ean LABeko delegatuak Euskaldunan izango den ekitaldi batera daude deituak.

HAUTESKUNDE SINDIKALEN GARRANTZIA
Ainhoa Etxaidek hauteskundeen epealdi trinkora LAB indartsu iristen dela adierazi du, eta momentu honetan eztabaida sindikala markatzen duena LAB dela gaineratu du. Eman diren aldaketa kuantitatiboen aurrean agenda propioa eta konfrontazioan oinarritutako eredu sindikala indartzen ari dela esan du Etxaidek, eta egun lehian diren bi estrategia sindikalak ELA eta LABen artekoa direla gehitu du.

LABek helburu bezala hauteskunde hauetan bigarren indarra izatera pasatzea bilatzen du, modu honetan ELA eta LABen arteko aliantzaren bidez Euskal Herria haintzat hartzen duen eta eredu berri bat eraikitzeko bide propioa egin nahi duen sindikalgintzari hegemonia emanez.

Lan honetan LAB eredu sozial berria eraikitzeko prozesu soberanista bultzatuko den sindikatu independentista bezala aurkezten da. Alternatiben inguruan akordio sozial eta politikoak eraikitzeko prest dagoena eta eskaintzak egiteko gaitasuna eta akordioetara iristeko prestutasuna duena. Modu berean, Etxaidek LAB, gaurdaino bezala, patronalaren asmoei aurre egiteko eta politikak aldatzera behartzeko borrokan izango dela esan du.

LABen lehentasuna langileon egoera hobetzea izango dela adierazi dute LABeko kideek eta helburutzat Euskal Herria eta euskal langileok behar dugun alternatibaren eraikuntzan aurrera urratsa ematea. Gatazka konpontzea, ukazioa eta zatiketa gainditzea, eta alternatiba eraikitzeko eskubidea eskutan langileon Euskal Herria eraikitzea.

Langileei hauteskunde hauei begira proposamen bat luzatu die LABek: borroka honetan inplikatzea eta konpromisoak hartzea LABen alde eginez eta LABen antolatuta borrokatzeko urratsa ematen dutenei babesa ematea.
 

 

 


AZKEN ALBISTEAK | ĂšLTIMAS NOTICIAS

50. urteurrenaren harira, Maiatzaren Lehenean manifestazio eta jaialdi nazionala antolatu ditugu Iruñean

LABen 50.urtemugako ospakizun betean dator aurtengo Maiatzaren Lehena. Une gozoa da sindikatuarentzat, zalantzarik ez. Hala ere, ez diogu gure bilakaerari bakarrik begiratzen. Gure misioa langileen lan eta bizi baldintzen alde borrokatzea da, eraldaketa soziala eta aldaketa politikoak eragitea.

Intersindikalarekin mobilizatuko da LAB Maiatzaren Lehenean Baionan, bazterketa gaindituz

Prentsaurrekoa egin dugu Baionako Merkatuan LAB, CFDT, CGT, UNSA, FSU eta Solidaires sindikatuok aurtengo Maiatzaren Lehenean bertan egingo den manifestazioa iragartzeko. Bertan izan da Argitxu Dufau Ipar Euskal Herriko bozeramailea, izan ere, aurten LAB intersindikalarekin batera mobilizatuko gara langileen egunean, urte luzez pairatu behar izan dugun bazterketa gaindituz.

Amazonen borrokan jarraitzen dugu

Enpresaren jarrerak ezin itxiagoa izaten jarraitzen du, langileon beharrizanei entzungor egiten jarraitzen duelarik. Hala ere, borrokan, lanuzteak egiten eta kalera ateratzen segitzen dugu. Atzo, igandea, hilaren 20ra arte luzatuko den lanuzte-aldia abiatu genuen Trapagarango lantokian, eta gaur goizean goiz manifestazioan atera dira langileak Bilboko kaleetan barrena.