2024-07-14
HomeIrakaskuntzaHezkuntzaPSEren Gobernuak hezkuntzan zuzendariei berariazko ordainsaria behin betikotzeko bidea hartu izana salatzen...

PSEren Gobernuak hezkuntzan zuzendariei berariazko ordainsaria behin betikotzeko bidea hartu izana salatzen du

Behin-behinekoz, gobernu berria eratu bitartean dagoen PSEko gobernuak, hauteskundeen ostean zilegitasun guztia galdu duen arren, 2012ko urriaren 26ean EHAAn argitaratutako Dekretu baten bidez, Hezkuntza Sailak zuzendariei kargu horregatik jasotzen duten berariazko ordainsaria behin betikotzeko bidea ireki du. Hau da, zuzendari izateagatik jasotzen den gehigarria betirako izateko bidea ireki dute.

LABek bere aurkako jarrera azaleratu nahi du. Ekimen honek irakasle kidego bakarraren bidean oztopo gisa ikusten dugu eta dagoeneko zatikatuta dagoen kolektibo bat gehiago zatikatzera dator. Hezkuntzako langileak elkarlanean, maila berean eta parte hartzea bultzatuz ikusten ditugu, eta ez mailetan sailkatuta eta delegazionismoan erorita, azken finean helburu berdina dutelako langile guztiek eta aldi batean edo bestean denetik egitea tokatzen zaie guztiei, mailaketak hierarkizazioa bultzatu eta ardurak partekatzea eragozten baitu.

Horregatik, ez genuen ongi ikusten gehigarririk ematea zuzendari edo tutoreei, azken finean, egin beharreko lana egiteko baliabide falta diruz ordezkatu eta “saritu” nahi baita etorkizunean ere lan baldintzak okertzen jarraitzeko bidea irekiz, eta ez dugu begi onez ikusten egiten ez den lan bategatik dirua jasotzen jarraitzea, zuzendari lanak egiteko baliabide eta baldintzak eskaintzea baino “sufritutako” egoera konpentsatzea bilatzen duelako ezberdintasun gehiago sortuz eta parte hartzea, elkarlana eta ardura partekatzea erasotuz. Gainera, bizi dugun krisi egoera honetan, eta horren aitzakian egiten ari diren murrizketen aurrean, horrelako berriak entzutea benetan mingarriak eta lotsagarriak iruditzen zaizkigu.

Euskal Herrian, 2012ko azaroaren 7an

AZKEN ALBISTEAK | ÚLTIMAS NOTICIAS

Niessenen enpresa ituna adostea #LortuDugu

Langileen borrokari esker Oiartzunen kokatuta dagoen ABB Niessen enpresan itun berria sinatzea lortu dugu, enpresa batzordearen babes osoarekin, non LABek 4 ordezkari dituen, ELAk 3 eta UGTk 2. Uztailaren 10ean burutu den langile batzarrean gehiengo osoz onartua izan da ituna, bozkatutako 120 langiletik 119 langileek aldeko bozka eman dute.

Bizkaiko Foru Aldundiko garbitzaileentzako akordio historikoa #Lortudugu

Foru Aldundiko eraikinak garbitzen dituzten langileentzako hitzarmena sinatu dugu Optima azpikontratarekin. Soldata igoera garrantzitsuez gain, bizitza erdigunean jartzeko, sektore feminizatu batean garrantzitsuak diren lan baldintzak lortu ditugu, hala nola, lanaldi partzialak atzean utzi ahal izateko bakante sistema eta zaintzarako lizentzia hobeak.