Arrasateko lorezainek 10. greba eguna bete zuten atzo, lan baldintza duinen aldeko borrokan. LAB sindikatutik, lan akordioa adosten saiatu gara Prezero enpresarekin, baina ez dute konponbiderako borondaterik azaldu.
Arrasateko Udaleko ordezkariekin (EAJ-PSE) bildu gara, bitartekari lanak egin dezaten eskatzeko. Azpikontratatutako udal zerbitzua izanda, ardura politikoak dituztelako. Atzo egin genuen bilera eurekin.
Gaur egun, sektoreko hitzarmena estatala da eta ez ditu Arrasateko bizi baldintzak bermatzen. Horregatik, azken hilabeteak lan akordio duin bat negoziatzen egon gara enpresa eta udalarekin, baina enpresak ez du inongo borondaterik akordioa ixteko. Hortaz, borrokan jarraituko dugu lan akordio duin bat lortu arte.