Santa Ageda bezpera da gaur, kantari ateratzeko eguna Euskal Herrian, aspalditik. LABetik ere gure ekarpena egin nahi izan diogu egunari eta honen barruan, mezu argia luzatu diegu langileei, zure eskubideen alde, aktiba zaitez! Egin aurre prekarietateari. Horretarako jarri dugu martxan “ZureESKUbideak, ¡actívate por tus derechos!” egitasmoa martxan.
LAB sindikatuak badauka tresna indartsu bat prekarietateari aurre egiteko, langileriaren aktibazioa, bost aldarrikapenen inguruan eraikia. “Prekarietatearen aurrean, eman bostekoa” esaten dugu guk, eman lanaren banaketa eta 35 orduko lan astea, eman 1.200 eurotako gutxieneko soldata, eman aukera berdintasuna, eman lan osasuna eta eman hizkuntza eskubideak.
Instituzioak eta patronala interpelatuko ditugu gaur. Erabaki ausartak behar ditugu gaur, politiken errotiko aldaketa. Eusko Jaurlaritzan gaude orain, Confebaskera joko dugu gero eta Foru Aldundiaren aurrean amaituko dugu gure kantu-jira aldarrikatzailea.
Gaur ez diogu Santa Agedari abestuko, txikitzen ari zaigun prekarietateari aurre egiteko antolaketa eta borrokari baino. Gure koplen leloak dioen bezala “prekarietatean nahi gaituzte, ikusi kondenatuta, baina guk kontra egingo dugu borrokan antolatuta”.
LABesbatza Bilboko Plaza Zirkularrean #zureESKUbideak pic.twitter.com/wypLw8X8Hl
— LAB sindikatua (@LABsindikatua) February 4, 2016
