2024-04-18
HomeZerbitzu PublikoakIrakaskuntzaNafarroako Hezkuntzako LEParen kudeaketa desastre hutsa izan da

Nafarroako Hezkuntzako LEParen kudeaketa desastre hutsa izan da

LEParen kudeaketa desastre hutsa izan da . Denboran gehiegi luzatu da inolako justifikaziorik gabe. Gaurko proposamen hau ez da erabaki teknikoetan oinarritu, tempus politikotik gehiago du, merkadeo tamalgarrian bukatuz. LABek, prozesu hau kudeatu duen Hezkuntza Departamentuko lantaldearen dimisioa eskatzen du, baita Mendoza Kontseilariarena ere, prozesu hau bideratzeko ahalmena ez duelako erakutsi, negoziazio faltsuetan aritu delako eta kudeaketa traketsa lideratu duelako. 

Abenduko Mahai Orokorrean onartutako LEPtik Haur Hezkuntzako eta Lehen Hezkuntzako euskarazko 120 plaza desagertu dira. LEP honen helburu bakarra, eta ez bestelakorik, Nafarroako Hezkuntza sistemak dituen beharrak asetzeak izan beharko luke. Kolokan jartzen dira orain arte Hezkuntza Departamentuak berak azaldu dituen argumentazio teknikoak.

Gobernuak berak arduragaberiaz jokatu du, eta Podemos eta Izquierda/Ezkerraren papera lotsagarria izan da, klientelismoan erori dira. Ezin ahaztu “erregimena” sostengatu duten sindikatu eta alderdiek egindako presioaren ondorio ere badela egun dugun egoera. Merkadeoak, gezurrak eta manipulazioak nagusi izan dira prozesu honetan, eta Uxue Barkosen Gobernua ere “erregimen” beraren besarkadan erori da.

Irakasle lanpostuen zerrenda kudeaketa arautzen duen 60/2009 Foru Dekretuaren aldaketa ezinbesteko baldintza izan zen sindikatu guztientzako. Ondorioz, koherentziaz, ezetz esan beharko liokete sindikatu guztiek LEP honi.

LABek LEP honi ezetz esaten dio, zerrenda bakarraren ezinbesteko baldintza ez delako betetzen. Zerrenda bakarrarena ez onartzeak erakusten du nola Hezkuntza Departamentuak UPNren lekukoa hartu duen euskaldunen hizkuntz eskubideen ukazioan. Napartheidak jarraitzen du.

Guzti honek berresten digu LABen hasierako planteamendua egokiena zela. Ikasturte hau Nafarroako hezkuntza sistemaren beharrak identifikatzeko izan behar zen. Diagnostikoa oraindik egiteke dago.

Hortaz LABek, prozesu hau kudeatu duen Hezkuntza Departamentuko lantaldearen dimisioa eskatzen du, baita Mendoza Kontseilariarena ere, prozesu hau bideratzeko ahalmena ez duelako erakutsi, negoziazio faltsuetan aritu delako eta kudeaketa traketsa lideratu duelako.
 

 

 

AZKEN ALBISTEAK | ÚLTIMAS NOTICIAS

Haurreskoletan lan baldintzak hobetuko dituen akordioa sinatu dugu

Akordioa indarrean dago jada, eta ekoizpenagatik kontratuen luzapena, lanpostuen zerrenda handitzeko prozedura eta adinagatiko murrizketaren garapena dakartza berekin.

Salatu dugu 2023an billabesetan eginiko aparteko orduek 16 lanpostu ezabatu zituztela

LABek Iruñerriko hiri garraioan duen atal sindikalak —herritarrek ‘billabesak’ deitzen dituztenak eta egun TCC enpresak kudeatzen duena— ohar batean azaltdu eta salatu du 2023an eginiko aparteko eta osagarrizko orduen batura 27.608 ordukoa izan zela; kopuru eskandalagarria guztiz, lanaldi osoko 16 lanpostu ezabatzen baititu, eta hori lanaren bidezko banaketaren aurkakoa da erabat.
00:02:29

Amazon eta Alpha North Logistics enpresekin borrokan

Amazon enpresak Trapagaranen duen lan zentroan dauden langileek beste greba ziklo bat hasi dute lan-baldintzak duintzeko. Urtebetetik gora daramate enpresarekin prekarietate gordinetik ateratzeko Hitzarmena negoziatu nahian. Baina multinazionalak jarrera entzungorra izaten jarraitzen du eta negoziazio mahaia hasieratik blokeatu du. Aldarrikapenen artean, Amazonek bere salgaien garraiorako dauzkan enpresa azpikontratatutakoen langileen lan-baldintzak egonkortzea eta enplegua bermatzea dago.