2025-04-26
HomeIrakaskuntzaHaur EskolakPNVk Haurreskoletan gaztelania inposatzen du

PNVk Haurreskoletan gaztelania inposatzen du

PNVk atzo Eusko legebiltzarrean hartutako erabakiaren aurka LAB sindikatuak elkarretaratzeak deitu ditu astelehenean, hilak 11, arratsaldeko 18.00etan, Gasteiz (San Prudencio 18), Bilbo (Gran Via 85) eta Donostian (Andia 13), Hezkuntza Delegazioen aurrean.

Atzo Eusko legebiltzarrean atzera pausu izugarria eman zen PNVri eta UPyD-ri esker, PPk aurkeztutako erabili behar diren hizkuntzei buruz legez besteko proposamena onartzerakoan. Onartutako proposamenean EAEn bi hizkuntza ofizial daudela eta herritar guztiek horiek ezagutzeko eskubidea dutela esaten da. Horregatik, Haurreskolak Partzuergoko hezkuntza proiektuak hizkuntza biak (euskara eta gaztelania) barneratu behar ditu dauden haurren ama hizkuntza errespetatuz.

Azkenengo urteetan PPko politikariek horrelako astakeriak entzutera ohituta gaituzte baina jada ez dute inor engainatzen. Eskatzen dutena ez da haurren hizkuntza aukeratzeko askatasuna, baizik eta gaztelania inposatzea euskararen kaltetan.

ISEI Irakats-Sistema Ebaluatzeko eta Ikertzeko erakundeak eta Soziolinguistika Klusterrak aurkeztu duten Arrue ikerketak dio kalean eta beste eremu batzuetan baino gehiago erabiltzen dela euskara eskoletan. Horrek ezinegona sortzen du alderdi politiko batzuetan, PP eta UPyDn hain zuzen. Hauxe harrigarria bada ere, PNVk kontu honetan eduki duen aldeko jarrera lotsagarria baino lotsagarriagoa iruditzen zaigu. Madrilen Werten legearen kontran agertu, modu lausoan izan arren, eta Euskal Herrian aipatutako legea indarrean egon gabe, haurreskoletan aplikatuko dute hizkuntz trataerarekin.

LAB Sindikatua pertsona eleanitzea osatutako Euskal Herria euskaldunaren alde dago eta hori bultzatzen du, baina PNVk onartu duena ez da gure haurrak eleanitzak izatea baizik eta kontrakoa, euskararen ezagutza kaltetu eta gutxitu eta gaztelania inposatzea. Espero dugu erabaki hau ez izatea PNVk ordaindu behar izan duen bidesaria hurrengo Parlamentuko aurrekontuak aurrera ateratzeko.

Egun 0-3ko hezkuntzan Haurreskolak Partzuergoak, etxeko hizkuntzak diren heinean, haurren ama hizkuntza desberdinak errespetatzen ditu. Gure zentroetan bestelako lan pedagogikoa egiten dugu, haurren sozializazio prozesuan euskararen ezagutza barneratuz.

Haur hezkuntzako O-3 zikloari benetako aitortza da gakoa, unibertsala, doakoa, euskalduna eta kalitatekoa izan beharko dena. Gauzak horrela, aurrekontuaren handitzea, hedapena zabaltzea edota lan hitzarmenaren negoziazioa da benetako eztabaida. Politikarien betebeharra arazoak konpontzea izan beharko litzateke eta ez arazoak sortzea.

Beraz, LAB sindikatuak Legebiltzarrean dauden politikariei Haurreskolak Partzuergoak dituen benetako gabeziak konpontzea exijitu nahi die, eztabaida faltsuak albo batera utzita. Horregatik, LABek dei egiten die Haurreskoletako langileei, familiei, sindikatuei, eragile sozialei eta alderdi politikoei hurrengo egunetan herri gisa erantzutera.

LAB sindikatuak dei egiten du astelehean, otsailak 11, arratsaldeko 18.00etan, Gasteiz (San Prudencio 18), Bilbo (Gran Via 85) eta Donostian (Andia 13), Hezkuntza Delegazioen aurrean inposaketan honen aurka deitu dituen elkarretaratzeetan parte hartzera.

HAURRESKOLEN GAINETIK EZ DIRA PASAKO!! Haurreskolak, unibertsalak, doakoak, EUSKALDUNAK eta kalitatekoak nahi ditugu! 

 

LAB SAREAN
{module[111]}

    

AZKEN ALBISTEAK | ÚLTIMAS NOTICIAS

ELA, LAB, CCOO, UGT, ESK eta USO sindikatuek Enplegu Zentro Berezien EAEko lehen lan hitzarmena exijitzeko elkarretaratzera deitu dute apirilaren 28an

Apirilaren 28an Enplegu Zentro Berezien lehen lan hitzarmena negoziatzeko hirugarren mahai negoziatzailea izango da Bilbon. Sindikatuek, bileraren harira, elkarretaratzera deitu dute, patronalak orain arte izandako jarrera salatzeko eta asteleheneko mahai negoziatzailean aurrera pausoak egoteko. 12:45ean izango da elkarretaratzea, Bilbon, Lan Harremanen Kontseiluaren aurrean.

LABek LEP partzialaren eta behin-behinekotasuna murriztearen aldeko botoa eman du Nafarroako Mahai Orokorrean

Euskararen eta Europar Batasuneko hizkuntzen ezagutza zein lanpostutan baloratuko den jasotzen duen plantillaren aldaketa, ordea, aurrera atera da, bertan zeuden sindikatuetako bakar baten babesik gabe.

[IRITZIA] Sindikalismo feminista internazionalista: Rana plaza gogoan

Jarraian irakur dezakezue Amanda Verrone Nazioarteko Idazkaritzako kidearen eta Elixabete Etxeberria eta Maddi Isasi Idazkaritza Feministako kideen artikulua.