2024-03-29
HomeLan Osasuna IdazkaritzaAmiantoaPleurako mesoteliomaren eraginez 2010eko uztailean hil zen Begoña Garcia Egiluzen kasua aztertzeko...

Pleurako mesoteliomaren eraginez 2010eko uztailean hil zen Begoña Garcia Egiluzen kasua aztertzeko epaiketa zazpi hilabete atzeratu dute epaitegiek

Gaur, azaroak 13, LAB sindikatuko ordezkariak Bilboko epaitegiaren aurrean elkartu gara; bertan epaiketa zen egitekoa, gure sindikatuko afiliatua izan zen Begoña Garcia Eguiluzen heriotzaren inguruan. Pleurako mesotelioma batek eragin zion heriotza 2010eko uztailean; Osakidetzan lan egin zuen urteetan (Gurutzetako eta San Eloyko ospitaletan) amiantoaren eraginpean lan egin izanak eragin zion gaixotasuna, eta aitorpen hori aldarrikatuz jo du LABek epaitegietara.

Gaurkoan, ordea, epaiketa ez da egin. Atzeratu egin da, “forma defektu bat” tarteko. Eta bertan aipatutakoaren arabera badirudi epaiketa data berria 2013ko ekainera arte atzeratuko dela. Amiantoak eragindako gaixotasunen aitortza lortzeko bidea berez gogorra bada, gaurkoaren moduko gertaerek are latzago egiten dute prozesua, gaixoak berak, edota kasu honetan beren familiak zigortuz: 2010ean hil zen langilea, bi urte geroago egitekoa zen epaiketa egin ahal izateko orain Begoña Garciaren sendiak beste zazpi hilabete zain pasa beharko ditu.

Eta hori guztia, kasu larri baten aurrean egonik, Begok ez baitzuen gai edo material honen arriskurik jasan behar. Sasoi hartako osasun publikoaren zabarkeriagatik eta prebentzio neurri ezagatik, lanak eta erreformak egiten zituzten, langileek beren lanpostuetan ziharduten bitartean. Hautsez jositako giroetan lan egin behar zuten, hots, osagarrien artean amiantoa zuten materialekin lanak eta erreformak egin izanak hauts mordoa askatzen zuen, eta erreforma-lanak egiten zituzten langileek nahiz bertako lanpostuetan zihardutenek arnastu zituzten askatu ziren amiantoko hauts-zuntzak. Eta urteak joan ahala, honek guztiak, Bego Garciari jazo moduan, gaixotasuna eta heriotza ekarri du.

Inork ez die itzuliko amiantoaren biktimei jasan behar izan duten mina eta oinazearen ordaina. Dena dela, espero dugu epaiketa honen bidez eta etorkizunean egingo diren epaiketen bidez, eragin kaltea eta laneko jatorria onartuko dela, eta honi loturiko ardurak garbituko direla. Ezin dugu ahaztu errealitate hau, askotan patronalak eta herri-administrazioek nahi izan duten moduan. Sortu den minetik ikasi behar dugu, berau errepika ez dadin.

 

 

AZKEN ALBISTEAK | ÚLTIMAS NOTICIAS

0-3 urtekoen zikloko sindikatuak berriz mobilizatu dira, Hezkuntza Departamentuari eskatzeko behingoz har dezan alor honetako ardura

Nafarroako 0-3 hezkuntza zikloko sindikatu guztiek (LAB, ELA, STEILAS, AFAPNA, UGT eta CCOO) elkarretaratzea egin dute gaur Iruñean, Hezkuntza Departamentuaren egoitza nagusiaren parean, Gobernuak ziklo honi dagokionez erakusten duen jarrera axolagabea salatzeko. Ildo berean, apirilaren 11n manifestazioa eginen dutela iragarri dute, Departamentuaren egoitzatik 17:30ean abiatuko dena.

Grebak Arabako aisialdi hezitzailea eta animazio soziokulturalean apirilaren 2a eta 4an, hitzarmenaren negoziazioan akordiorik ez dagoelako

Agerraldia egin dute gaur Gasteizen sektoreko langileek bi greba egunak iragartzeko. Hitzarmen duinik ez badago, zerbitzurik ez dela egongo adierazi dute.

Iruñeko eremu urdinean jarduera ia geldirik egon da grebaren hiru egunetan

Enpresa Batzordeak (LAB, ELA, UGT eta CCOO) astelehenetik egiten ari den grebaren balorazio positiboa egin du, eta ohartarazi du Dornierrek ez badu aurrerapausorik ematen lan baldintzak hobetuko dituen hitzarmenaren negoziazioan, mobilizazioekin jarraituko dutela.