2026-11-18
HomeZerbitzu PublikoakOsasungintzaPlantilla egoki bat aldarrikatu dugu Gurutzetako Ospitaleko atarian

Plantilla egoki bat aldarrikatu dugu Gurutzetako Ospitaleko atarian

Urdulizeko Ospitalea izateagatik 200 lanpostu galduko omen dira Gurutzetako Ospitalean. Berregituraketa hutsa da, non asistentzia kalitatea galduko ez dela ziurtatzen digute. Prozesu horretan, sindikatuok parte hartu behar dugu, gure ardura delako. Beraz, ez dugu beste irtenbiderik onartuko. Ebaluaketak egin eta negoziazio prozesu bat zabal dezaten borrokan jarraituko gara.

Urteak daramatzagu Gurutzetako plantillak daukan lan karga izugarrizkoa dela salatuz, Urdulizeko Ospitalea ireki baino lehen. Beraz egoera honek bi beharrak dakarzkigu, lan zamen ikerketa eta lan arrisku psikosozialen ebaluaketa.

Bai lan arrisku psikosozialen ebaluaketa eguneratua eta bai lan karga ikertzea guztiz beharrezkoak dira, langile kopurua murriztu nahi izatekotan. Ezin da lan sama orekatu ez badakite zein diren gaur dauzkagun baldintzak.

Bizi dugun egoera hauxe da: Urdulizeko Ospitale berria ireki dela eta, Gurutzetako Ospitalean ematen den arreta gutxitu egin behar dela onartu behar dugu. Hau guztia, ikerketa sakon bat egin gabe, fedezko ekintza bezala hartu behar dugu. Eta beste fedezko ekintza baten bidez zuzendaritzek berregituraketa ahalik eta hoberen egingo dutela sinetsi behar dugu.

Gurutzetako sindikatuok (LAB, SATSE, ESK, ELA, SME, UGT, CCOO eta SAE) ez dugu fedezko ekintzarik egingo, beraz berregituraketa egin baino lehen lan zamak ikertzea eta lan arrisku psikosozialen ebaluaketa eguneratua exijitzen ditugu. Ez dugu aldaketarik onartu bi baldintza hauek bete gabe. Bi txosten horiek mahai gainean izanda, gurekin negoziazio prozesu bat planteatzen dugu, gu langileen errepresentazioa garelako.

Lan zama eta arrisku psikosozialen ebaluaketa esaten dugunean, hainbat gauza kontuan izan behar dituzte, besteak beste, Osanaia, Osabide Global, paziente bereiztea, teknologia berrien erabilera, sistemaren abiadura edo erabiltezinik ibiltzea. Gaur egungo teknologiaren menpekotasuna kontuan hartuta eta oso garrantzitsua den pazientearen segurtasuna ere bai.

 

 

 

AZKEN ALBISTEAK | ÚLTIMAS NOTICIAS

Bertako LGS behar dugu, Euskal Herriko langileen errealitateari erantzuteko

Espainiako Gobernuak gaur onartu du Lanbide arteko Gutxieneko Soldataren (LGS) igoera, baita langile publikoen soldaten %4,5eko igoera ere. LABen ustez, erabaki horiek langile batzuen egoera ekonomikoa hobetuko badute ere, Hego Euskal Herrian eragin mugatua izango dute, eta ez diete gure langileen beharrei erantzungo. Gainera, langile publikoen soldaten igoera Madrildik inposatua eta ez-nahikoa da.

Beste mobilizazio egun bat Osakidetzan

Mahai Sektorialean aurrerapauso nahikorik ez dagoenez, LAB, SATSE, ELA, CCOO eta UGT sindikatuok elkarretaratzeak deitu ditugu gaur lan zentro guztietan: 11:00etan ospitaleetan eta 13:00etan Lehen Mailako Arretan.

Ikuskizun eta ekitaldien sektoreak beste bi greba egun iragarri ditu Hego Euskal Herrian, azaroaren 26an eta 27an

LABek, ikuskizun eta ekitaldien sektorean Nafarroan ordezkaritzaren %100 duen sindikatuak, EAEko beste sindikatuekin batera (Teknikariok, ESK, ELA CCOO, UGT eta CNT) bi greba egun berri deitu ditu negoziazioak desblokeatzea eta sektoreko lehen hitzarmen kolektiboa sinatzea eskatzeko. Deialdi bateratuak bi lurraldeetan partekatzen den aldarrikapen bati erantzuten dio: prekarizatutako sektore baten erregulaziorantz aurrera egitea.