2024-02-28
HomeErrepresioaPeriko Solabarriaren eta Ernaiko sei gazteren inputazioa gehiengo sozialaren alde dihardutenen kontrako...

Periko Solabarriaren eta Ernaiko sei gazteren inputazioa gehiengo sozialaren alde dihardutenen kontrako erasoa dela salatzen du LABek

LAB sindikatutik gure elkartasuna eta gure besarkadarik beroena helarazi nahi diegu Periko Solabarriari eta berarekin batera inputatutako Ernai gazte erakundeko sei kideei.

Euskal langileriak behar zuen eta behar duen LAB sindikatua errealitatea da gaur egun Periko moduko lagunengatik. Horregatik gaude hemen eta horregatik borrokatzen gara belaunaldiz belaunaldi langileriaren eta Euskal Herri justu eta aske baten alde.

Ez da lehenengo aldia espainiar Estatuak Perikoren kontra egiten duena, ez da lehenengo aldia makinaria judizial-errepresiboa bere kontra martxan ipintzen duena. Eta, hala ere, elkartasun, justizia eta askatasunaren aldeko borroka ez du sekula utzi. Gure herriarentzako duintasun, militantzia eta kemen adierazle argia izanagatik izan da kolpatua. Era berean, bide hori jarraitzeagatik izan dira seinalatuak berarekin batera Madrileko Entzutegira deituak izan diren gazteak. Eurei ere gure elkartasuna helarazi nahi diegu.

Kriminalizazio eta errepresio gehiago, hori da espainiar Estatuak ematen dion erantzuna konponbide, askatasun eta justizia sozial egarriz dagoen herri honi. Gehiengo sozialaren alde aritzen direnen kontrako erasoak gehiengo sozial osoaren kontrako erasoak dira eta gehiengo sozial osoa izango dute aurrean horrelako errezetetan tematzen diren bitartean. Ez dago bere etorkizunerantz martxan dagoen herri oso bat geldiarazteko gai den salbuespeneko auzitegirik, ez eta errepresio neurririk ere.

Periko Solabarriaren eta euskal gazteriaren kontrako prozedurak oro bertan behera uzteko exijitzen dugu eta euskal langileria osoari deitzen diogu eraso honen kontra erantzun dezaten eta mobilizazioetan parte har dezaten.

Euskal Herrian, 2013ko irailaren 18an
  

LAB sarean
{module[111]}

       

AZKEN ALBISTEAK | ÚLTIMAS NOTICIAS

Nafarroako Kimiketako hitzarmena adosteko patronalak egin beharreko lanketa bizkor dezan exijitzeko mobilizatuko gara

Azken hilabete luzeetan LAB eta ELA aldarrikatzen ari garen Nafarroako Kimiketako hitzarmenaren lanketaren barnean eta intersindikalak egindako eskaera baten ondorioz, pasa den otsailaren 23 eta 26an bi sindikatuak CEN patronalarekin batzartu ziren, nor bere aldetik. Baina enpresaburuen erantzuna mantso doanez eta, gainera, ez doanez bi sindikatu hauek nahi duten ildotik, martxoaren 1ean elkarretaratzea eginen dute CEN-en Iruñeko egoitzaren parean.

Salicako enpresa-batzordeak erabat gaitzesten du enpresak inposatutako Aldi Baterako Enplegu Erregulazio Espedientea

Kontserba-enpresako enpresa-batzordeak agerraldia egin du Bermeon eta bertan azaldu du, joan den azaroan, beste Aldi Baterako Enplegu Erregulazio Espedientea (ABEEE) bat hasteko asmoa zuela adierazi ziola zuzendaritzak, bigarrena jarraian. Honela, 2023an bezala, Salikako langileak dira berriz ere enpresarako plan estrategikorik ez izatearen ondorioak ordaintzen dituztenak. Berriro ere erabiltzen da ABEEEa “tresna” bezala malgutasun handiagoa izateko bide moduan.

Salatu dugu Ausolanek kanpoko enpresa bat kontratatu duela baja medikoak kontrolatzeko

Ausolan enpresako kolektibitateetarako sukaldaritzako eta garbiketako langileek elkarretaratzea egin dute gaur Espartzan (Nafarroa), enpresaren egoitzaren aitzinean, salatzeko posta elektroniko bidez izan dutela kanpoko enpresa bat kontratatzeko alde bakarreko erabakiaren berri. Kanpoko enpresa horrek langileen baja medikoak kontrolatuko ditu. Erabaki hori ez da sindikatuetako ordezkariekin partekatu ez negoziatu. Langileek aldarrikatu dute diru hori prebentziorako erabiltzea, eta ez kontrolerako.