2024-06-18
HomeEkintza PolitikoaPentsionistak Martxanek Herri Ekimen Legegilerako beharrezkoak diren sinadurak bildu ditu

Pentsionistak Martxanek Herri Ekimen Legegilerako beharrezkoak diren sinadurak bildu ditu

Nafarroako Pentsionistak Martxan plataformak 6.500 sinadura baino gehiago bildu ditu dagoeneko, publikoki adierazi duenez. "Horri esker", esan dute, "aurkez dezakegu Herri Ekimen Legegilea Nafarroako Parlamentuan. Hartan eskatzen dugu, bertzeak bertze, lege bat eratu behar dela, non haren bidez, pentsio osagarri txikiagoa eta hileko 1080 €tako gutxiengo pentsio ezarriko liratekeen. Kopuru horri, gaur gaurkoz, duintasuneko gutxiengo sarreratzat irizten diogu".

Honekin batera "Sarrerok bat datoz Europako irizpideekin, horien baitan, gutxieneko diru-sarrera hori mantenurako, elikatzeak, janzteak, etxebizitzak, medikazioak, energiek,… eragindako gastuei aurre egiteko, behar diren gutxiengo oinarrizko premiak asebetetzeko adina den. Horrez gain, Herri Ekimen Legegileak proposatzen du Pentsio. Babes eta Gizarte Segurantzaren Erakunde Publikoa sortu behar dela, ahalmen arautzaile osoa izanen duena, non hiritarren pentsioak eta Babes Sozialaren diru sarrerak eta gastuak antolatu eta kudeatuko diren" adierazi dute.

"Gure poza eta esker ona adierazi nahi diogu Nafarroako gizateari ekimen honek jaso duen onespen handiagatik. Horren haritik, erabaki dugu sinadurak biltzeko epea luzatuko dugula; horrela, kalean iraunen dugu sostengu gehiago biltzen, eta aldaketa soziala sustatu nahi izanen duen pertsona ororen artean behar adinako indarra pilatzeko proposamenari estaldura emanen diogu. Honela, Nafarroan, Babes eta Gizarte Segurantzako berezko sistemaz hornitzeko helburura hurbilduko gara, eta bertan sortzen diren baliabideak eta aberastasuna ukan eta kontrolatu ahal izanen ditugu".

"Erran, Espainiako estatuaren pentsio sistemak ez dituela bermatzen pentsiodunen eskubideak, pentsio duinak eskuratu ahal izatea eragozten duela, erakunde pribatuen pentsioak sustatu eta garatzen dituela. Egungo legeriak eta honen joera murriztaileak dira, etorkizun hurbilean, pentsioa eskuratu ahal izateko, haren haszkundea mugatzen du, eta epe labur batean, txirotze handiago batera eramaten gaitu. Gure oinarrizko eskubide sozialen defentsan, herri aktibazio indartsuaren beharra dugu".

"Nafarroan, non eta pentsiodunok dagoeneko biztanleriaren %25 osatzen dugun, ez daukagu gaitasunik gure pentsioak kudeatzeko sistemarik egokiena erabakitzeko".
 

 

 

AZKEN ALBISTEAK | ÚLTIMAS NOTICIAS

Nafarroako etxebizitzen alokairuari buruzko datuek erakusten dute premiazkoa dela gaia legez arautzea eta parke publikoa zabaltzeko konpromiso handiagoa hartzea

Iragan ortziralean Nafarroako Estatistika Institutuak Etxebizitza alokatzeari buruzko estatistika argitaratu zuen. LAB sindikatuaren iritziz, ikerketa horrek berresten du merkatuak ez duela alokairuaren prezioa behar bezala erregulatzen eta premiazkoa dela lege eta administrazio neurriak hartzea. Azterlan horren arabera, alokairuaren hileko batez bertzeko prezioa 541,6 eurokoa da, baina azterketak berak onartzen du datu horrek ez duela islatzen alokairuko etxebizitza bat eskuratzeko prezio erreala, etxebizitza librearen prezioa askoz ere garestiagoa baita.

Gernikako Ospitalean erizainen eta erizaintzako laguntzaileak falta direla eta egoera kritikoa dela salatu dugu

Larrialdietako paziente kritikoei arreta ematean, triajean eta boxetan dauden pazienteen segurtasuna arriskuan jartzen da.

Eskola garraioaren hitzarmena desblokea dezatela exijitzeko mobilizazioa egin dugu

Kolektibitateen sektoreko patronalaren enpresetako bat den Eulenen aurrean izan da elkarretaratzea, Eusko Jaurlaritzako Hezkuntza Sailaren mendeko ikastetxeetako eskola-garraioko eta jolastokiko zaintzaileen hitzarmen kolektiboaren negoziazioaren blokeoa salatzeko.