2024-02-26
HomeEkintza SozialaHelduak eta PentsiodunakPentsioen balioa handitzeko erreklamazioak aurkeztuko ditu LABek gizarte segurantzako bulegoen aurrean

Pentsioen balioa handitzeko erreklamazioak aurkeztuko ditu LABek gizarte segurantzako bulegoen aurrean

Pentsioen balioa handitzeko erreklamazioak aurkeztuko ditu gaur LABek, gizarte segurantzaren Donostiako, Gasteizko eta Bilboko delegazioetan. Gainera, LABek erreklamazio horiekin epaitegietara ere joko du. Erreklamazioak aurkezten dituzten unean, elkarretaratzeak egingo dira.

LAB sindikatuaren pentsiodunen arloa gizarte murrizketen aurka eta geure pentsio sistemaren alde mobilizatzen ari da. Orain, gainera, erabaki dugu auzitegietara jotzea, Madrilen, Rajoyren Gobernuak “dekretuz” ukatu diguna eskatzeko, alegia, gure pentsioek KPIaren arabera handitu behar dutela aldarrikatzeko.

Madrileko “dekretazoak”, gure pentsioen izoztea ezartzen duen dekretuak, agindu zituzten legezko konpromisoekin eteten du.

2013ko urtarrilean jaso behar genukeen pentsiodunok 2012. urtean gertatu zen KPIaren desbideraketak eragindako diru-konpentsazioa. KPIa %2,9an handitu zen, gure pentsioak, aldiz, soilik %1 handitu ziren. Honek eros-ahalmenaren galera dakar, eta pentsiodunen kolektiboa osatzen dutenen pobretzeari eragiten dio. Gogoratu behar dugu Hego Euskal Herrian badirela 430.000 pentsiodun hileko 700 euro baino gutxiago kobratzen dutenak, oinarrizko beharrei erantzuteko 1.000 euro azpitik ez kobratzea beharrezkoa litzatekeen arren.

LAB sindikatuko pentsiodunen arloan uste dugu Madrileko Gobernuak gure pentsioak izozteko hartu duen erabakiak ez duela euren legeria betetzen: balio handitzearen eskubidea pentsiodunok 2012. urtean finkatu genuen eskubidea delako, gizarte segurantzaren lege orokorrean berean adierazitakoa betez. Hortaz, Madrileko araudia legez eskuratu ditugun eskubideen aurkakoa da.

Pentsioen balioa handitzeko erreklamazioak (pentsiodunek sindikatuaren bidez egindakoak) aurkeztuko ditu gaur LABek, gizarte segurantzaren Donostiako, Gasteizko eta Bilboko delegazioetan. Gainera, LABek erreklamazio horiekin epaitegietara ere joko du.

Erreklamazioak aurkezten dituzten unean, elkarretaratzeak egingo dira GIZARTE SEGURANTZAren aurrean, eguerdiko 12.00etan, honako lekuetan:

BILBO. Gran Vía 89. ADIERAZPENAK egingo ditu LABeko pentsiodunen arloko kide CARLOS RUIZek.

DONOSTIA. Podavines kalea, 1.

GASTEIZ. Dato kalea, 36.  

 

LAB SAREAN
{module[111]}

    

AZKEN ALBISTEAK | ÚLTIMAS NOTICIAS

Osakidetza eta garbiketa enpresa esleipendunei eskatzen diegu uztailean sinatutako aurreakordioa bete dezatela

Joan den udan, Osakidetzak azpikontratatutako garbiketa-zerbitzuko langileek egindako borroka eredugarri eta duinaren ondoren, enpresa esleipendunak eta gehiengo sindikala aurreakordio batera iritsi ginen. Bertan, sektoreak hitzarmena berritzeko egin zituen aldarrikapen nagusiak jaso genituen: bertako langileen baldintzen homologazioa blindatzea, karrera profesionala eskuratzea, txanda-kontratua eskuratzea, bakanteen arautzea…

LABek Nafarroa Garaian inoizko emaitzarik onenak lortu zituen 2023ko hauteskunde sindikaletan: 1.223 delegatu ditu eta %18tik hurbil dago

Nafarroako Gobernuak azkenean zabaldu dituen emaitza ofizialen arabera, LAB sindikatuak maximo historikoak lortu zituen 2023ko hauteskunde sindikaletan. Azken datuen arabera, LABek 1.223 delegatu ditu Nafarroa Garaian, eta %17,96ko ordezkaritza. Lau sindikatu nagusien artean, azken urtean LAB izan da delegatu kopuru gehien lortu dituena, bai eta ehunekoan gora egitea lortu duen bakarra ere.

Bizkaiko grafikagintzako patronalak atzerapauso gehiago dituen proposamena egin berri du

Otsailaren 22an, Bizkaiko grafikagintzako hitzarmeneko bederatzigarren negoziazio bilera egin da. Patronalak proposamen berri bat aurkeztu du, aurretik aurkeztutakoak baino baldintza txarragoekin honeko edukietan: iraunaldian, soldata igoeretan eta oporretan. Era berean, atzerapausoak mantentzen jarraitzen dute honako gaietan: lanaldiaren banaketa irregularrean, antzinatasuna, aldi baterako ezintasunen osagarriak, etab.