2024-02-24
HomeIndustriaMetalgintzaPatronalaren inmobilismoaren aurrean, mobilizazioak inoiz baino beharrezkoago jotzen ditu LABek negoziazioak desblokeatzeko

Patronalaren inmobilismoaren aurrean, mobilizazioak inoiz baino beharrezkoago jotzen ditu LABek negoziazioak desblokeatzeko

Gaurko bileran UGT eta CCOO proposamen bana aurkeztu badute ere, negoziazioak blokeo egoeran jarraitzen du, SEA ez baita milimetro bat ere mugitzen bere posiziotik. Proposamenok, ñabadurak ñabadura, LABek aurkeztu zuenaren puntuak jasotzen dituzte (soldata igoera, hitzarmenaren minimoen izaera, ultraktibitatea eta enpresen deskuelgeak, derrigorrezko arbitrajea alboratuz) baina gure ustez, hitzei buelta asko eman arren, SEA ez da mugituko negoziazio mahaian. Are gehiago, patronala behin eta berriro saiatzen da hitzarmenaren balizko desagerpena sindikatuoi leporatzen eta denbora pasa ahala gero eta negoziatzeko tarte txikiagoa daukatela diote, nortzuk eta 2 urtean inolako aurrera pausurik eman ez dutenak!

Gauzak horrela, LABen ustez inoiz baino beharrezkoagoa da mobilizazioa eta borroka negoziazioak desblokeatzeko. Ildo horretan, gogorarazi nahi dugu gure sindikatuak gaur bertan deialdi bat luzatu diela gainontzeko sindikatuei mobilizazio amankomunak adosteko, 3 herrialdetako metaleko hitzarmenen egoera ikusita. Horretarako, aste honetan bertan, beste sindikatuokin harremanetan jarriko gara eta espero dugu mobilizazio amankomunok posible izatea, langileok hala eskatzen digutelako. 

 

LAB SAREAN
{module[111]}

    

AZKEN ALBISTEAK | ÚLTIMAS NOTICIAS

LABek Nafarroa Garaian inoizko emaitzarik onenak lortu zituen 2023ko hauteskunde sindikaletan: 1.223 delegatu ditu eta %18tik hurbil dago

Nafarroako Gobernuak azkenean zabaldu dituen emaitza ofizialen arabera, LAB sindikatuak maximo historikoak lortu zituen 2023ko hauteskunde sindikaletan. Azken datuen arabera, LABek 1.223 delegatu ditu Nafarroa Garaian, eta %17,96ko ordezkaritza. Lau sindikatu nagusien artean, azken urtean LAB izan da delegatu kopuru gehien lortu dituena, bai eta ehunekoan gora egitea lortu duen bakarra ere.

Bizkaiko grafikagintzako patronalak atzerapauso gehiago dituen proposamena egin berri du

Otsailaren 22an, Bizkaiko grafikagintzako hitzarmeneko bederatzigarren negoziazio bilera egin da. Patronalak proposamen berri bat aurkeztu du, aurretik aurkeztutakoak baino baldintza txarragoekin honeko edukietan: iraunaldian, soldata igoeretan eta oporretan. Era berean, atzerapausoak mantentzen jarraitzen dute honako gaietan: lanaldiaren banaketa irregularrean, antzinatasuna, aldi baterako ezintasunen osagarriak, etab.

Mecanerreko trantsizio ekosozialerako plana aurkeztu dugu

Enpresa-batzordean gehiengoa dugun LAB eta ESKk enpresaren trantsizio-planaren jendaurreko aurkezpena egin dugu Urdulizko Kultur Etxean. Enpresaren itxiera saihesteko eta haren etorkizuna ziurtatzeko egindako txostena eta trantsizio ekosozialerako proposamenak ezagutarazi ditugu. Plana enpresa batzordeak egin du Garua kooperatibaren eskutik, eta Urdulizko Udalaren laguntza izan du.