Beste behin ere notizia da Panda Security. Eta beste behin langileak tratatzen dituen moduagatik. Dagokigun aintzinatasuna lapurtzeaz gain, Epaitegi Goreneko epai bati entzungor eginez, ondoen egiten dutenarekin datoz berriro: enplegua suntsitu.
Atzo Madrileko bulegoko 9 langile kaleratu zituzten eta Bilboko bulegoko 3. Bilbon kaleratu dituzten lankideen kasuan, urte luzetan euren lana kalitatez eta profesionaltasunez bete dute. Baina ezer ez da nahikoa Pandako kudeatzaileentzat kosteak aurrezteaz ari direnean, eta enpresak kaleratze diziplinarioa ezarri die horretarako aipatutako argudioak faltsuak direla jakin arren.
Beste behin ere notizia da Panda Security. Eta beste behin langileak tratatzen dituen moduagatik. Dagokigun aintzinatasuna lapurtzeaz gain, Epaitegi Goreneko epai bati entzungor eginez, ondoen egiten dutenarekin datoz berriro: enplegua suntsitu.
Atzo Madrileko bulegoko 9 langile kaleratu zituzten eta Bilboko bulegoko 3. Bilbon kaleratu dituzten lankideen kasuan, urte luzetan euren lana kalitatez eta profesionaltasunez bete dute. Baina ezer ez da nahikoa Pandako kudeatzaileentzat kosteak aurrezteaz ari direnean, eta enpresak kaleratze diziplinarioa ezarri die horretarako aipatutako argudioak faltsuak direla jakin arren.
Hau ez da egoera berria. Panda Securityk denbora asko darama honelako kaleratzeak egiten eta kaleratutako langileak umiliatzen. Geure buruei galdetzen diegu zergatik egiten diren gauzak horrela, hain modu trakets eta iraingarrian, eta non dauden Pandaren buruan daudenek ustez izan behar dituzten printzipio moralak.
Pandako zuzendaritza taldea kaleratzeak egiterakoan erakutsitako krudeltasunaren erantzule zuzena da. Kontseilari Ordezkaria, Diego Navarrete, eta Giza Baliabideetako zuzendaria, Veronica Lozanok, Pandako langileok geure buruari egiten dizkiogun galderak erantzun beharko lituzkete. Eta honen arabera jardun.
Pandako zuzendariok: arazo larria daukazue. Gurekiko giza baliabideen politika aldatzen ez baduzue, ondorioei aurre egin beharko diezue.
Egoera honen aurrean protesta egiteko, Pandako Enpresa Batzordeak (bere osotasunean LABeko kideek osatua) kontzentrazioa egingo du gaur 14:30etik 15:30era enpresa atarian (Gran Via, 4 – Bilbo).