2026-02-07
Blog Page 945

Nafarroako Kirol Kudeaketako langileak kalera irten dira hitzarmenaren defentsan

admin
-
0
Nafarroako Kirol Kudeaketako langileak kalera irten dira hitzarmenaren defentsan


Nafarroako Kirol Kudeaketako langileek elkarretaratze bat egin dute Artikaberriko Kirol Hiriaren sarreraren parean, sektore honetako Nafarroako hitzarmaren defentsan. "Gure lan baldintzak bikainak izatetik urrun daude; soldata oso baxuak eta lanaldi partzialak eguneroko ogia dira guretzako", salatu dute.

Hauxe da LAB, ELA, CCOO eta UGT sindikatuek kaleratutako oharra, Nafarroako Kirol Kudeaketako langileen izenean:

DAUKAGUN ALTERNATIBA BAKARRA MOBILIZAZIOA DA

Sektore honetan gure lan baldintzak bikainak izatetik urrun daude; soldata oso baxuak eta lanaldi partzialak eguneroko ogia dira guretzako.

Azkenengo urteetan gizarteak pairatu dituen murrizketen ondoriak ere sufritu egin ditugu; enpresek gure soldatak merketzeko arazorik ez zuten izan, jendea kaleratzeko edota lanaldiak murrizteko ere. Enpresa hauek bitartean haien mozkinak jasotzen jarraitzen duten bitartean.

Gure lan baldintzak duinak izatea nahi dugu. Bidezkoa dela uste dugu. Galdutako erosahalmenaren zati bat berreskuratzea eta horrenbeste urte atzeraka joan ondoren pixkat hobetzea da gure helburua. Baina ezinbestekotzat ikusten duguna gure hitzarmena defendatzea da eta gaur egun patronala hau negoziatzera ukatzen da.

Mobilizatzera behartuak gaude elkarrizketak ezinezkoak direlako. Negoziatzera ukatzearen bidetik gure lan baldintzak betirako izoztuak izatea lortzen dute. Haiei interesatzen zaien bakarra euren mozkinak jasotzea da beraz, lan baldintza duinak haientzat oztopoak besteak ez dira.

Mobilizazioei hasiera eman diegu beste bide bat utzi ez digutelako eta hauekin jarraitzea beharrezkoa ikusten dugu gure helburua lortu arte: Hitzarmen duin bat sinatzea.

Hasierako mobilizazio hauek nahikoak ez badira grebara jo beharko dugu.

Kalitatezko zerbitzu publiko bat ezin da baldintza prekarioetan eman, mobilizazio hauetan hori arriskuan baitago.

Hurrengo mobilizazioak:

-Asteartea 21 arratsaldeko 18:00etan Idaki polikiroldegian (Antsoain).

-Osteguna 23 arratsaldeko 18:00etan Orkoieneko polikiroldegian.
 

 

 

Migranteen bizirauteko borrokari buruzko mahai inguru bat antolatu dugu astelehenerako

admin
-
0
Migranteen bizirauteko borrokari buruzko mahai inguru bat antolatu dugu astelehenerako

"El peso de la Manta" dokumentala proiektatuko dugu astelehenean (martxoak 20), 12:00etan, LABeko Bilboko egoitzan (Errekalde Zumarkalea 62-behea). Ikus-entzunezkoaren ostean, mahai inguru bat egingo dugu, hau guztia martxoaren 21eko Xenofobia eta Arrazakeriaren Kontrako Nazioarteko Egunaren bezperan. Solasaldian, Mbolo elkarteko eta Kataluniatik etorritako Sindicato Popular de Vendedores Ambulantes-eko ordezkariek parte hartuko dute.

Bartzelonako kaleetan, etorkinek bizirauteko borrokan dihardute egunero, saltzaile ibiltari ilegal modura. Kalean ikusgai dauden arren, ikusezin bilakatu dituzte. Arrazismo bortitzaren biktima, poliziaren jazarpena pairatzen dutelarik, urte luzeetako isiltasuna alde batera utzi eta sindikatu bat sortu dute. Beraien aldarriak sinpleak dira: kontzientzia, duintasuna eta elkar ulertzeko prestutasuna. Otoxo Productions ekoiztetxearen dokumentala beraien borrokaren jarraipena da.

Pertsona hauek parte hartu dute filma idatzi, filmatu, zuzendu eta editatzeko orduan: George Brereton, Francesca Romana Degl’Innocenti, Aisha Doherty, John English, Julie France, Tom Garner, Clelia Goodchild, Leanne Hayman, David Innes, Rebecca Lamich, Prunelle Mathet Girardeau, Toulla Mavromati, Cynthia Parker eta James Phillip Royle. 35 minutuko iraupena du lanak.
 

 

 

Zamaketariek borrokan jarraituko dute Euskal Herriko portuen kudeaketa publiko eta propioaren alde

admin
-
0
Zamaketariek borrokan jarraituko dute Euskal Herriko portuen kudeaketa publiko eta propioaren alde

Espainiako parlamentuak derogatu egin du gaur, kontrako 175 botorekin eta aldeko 142rekin, PPren gobernuak zamaketarien inguruan prestatutako Errege Dekretua. EAJ eta PP guztiz bakarrik geratu dira Errege Dekretuaren defentsan. Aipatu dekretuak etorkizun iluna ekarriko luke milaka enplegurentzat eta itzelezko prekarizazioa ekarriko luke sortuko liratekeen berrientzat. Hori bai, portuetan diharduten enpresen irabaziak ez dira zalantzan jartzen, eta enpleguaren eta langileen lan baldintzen kontura areagotu nahi dituzte.

Errege Dekretu honen bidez Zamaketa sektoreko milaka langileen kaleratze masiboa bilatzen dute bakarrik, jarduera are baldintza prekario eta kaskarragoetan egin dadin.

Langileria osoa pobretzea nahi dute; oraingoan, langile hauei egokitu zaie tenorea. Erreformaz erreforma, hauen asmo bakarra esku gutxi batzuetan mozkin gehiago pilatzea da, eta aberastasun banaketa handiagoa egiten den lekuetan, legeak egiten dituzte hau suntsitzeko.

PPren gobernuak, EAJren laguntzarekin, sektore oso baten kaleratzea legeztatu nahi zuen, Enplegu Espediente Erregularziorik gabe, galdetzeko eperik gabe, eta kalte-ordainak funtsa publikoen bidez ordainduko direla ezarriz, portuetan diharduten enpresa pribatuak kalteordainak ordaintzetik ere salbuesten dituzte. Hortaz, altxortegi publikoari egiten zaion lapurreta berri baten aurrean gaude.

LABek arbuiatu egiten du Errege Dekretu hau eta Parlamentuan ordezkaritza daukaten euskal alderdi politikoei eskatzen diegu hura arbuia dezaten. Santurtziko eta Pasaiako portuetako langileekin dugun atxikipena erabatekoa da, baita Ezkerraldeko eta Oarsoaldeko ekonomiekin ere. Era berean EAJri exijitzen diogu PPren makulu izateari utz diezaion eta Euskal Herriko langileriaren interesen defentsari ekin diezaion, euskal agenda baten pidez politika eta eredu propioak garatuz.

LABek eutsi egiten dio “bertan lan egiten dugunez, bertan erabaki dezagun” esaldiari. Baina hori gauza dadin, portuen kudeaketak gure esku egon beharko luke, eta horrela adostu ahal izango genituzke, berriki sinatu den Lanbide arteko Akordioaren babesean, lan baldintzak Euskal Herrian, burujabetasun ariketa eginez. Horixe da hain zuzen euskal langileriak haren ordezkaritza politikoari eman agindua. LABek bat egingo du Santurtzin nahiz Pasaian deitu diren grebekin, lanpostuen alde nahiz oraingo eta etorkizuneko lan baldintza duinei eustearren. Era berean borrokan jarraituko dugu behingoz gure portuen kudeaketa lortzearren, Estatu espainoleko lege eta inposizioen aginduetara egoteari utziz.
 

 

 

BBVAk langileak bidegabeki kaleratzen ditu, zuzendaritzako kideak neurrigabe aberastu eta erantzukizunik onartzen ez duen bitartean

admin
-
0
BBVAk langileak bidegabeki kaleratzen ditu, zuzendaritzako kideak neurrigabe aberastu eta erantzukizunik onartzen ez duen bitartean

Gaur, martxoaren 17an, BBVAko CIG (Galizia), ELA, LAB eta Catalunyako SCAT eta SEC kontzentrazioa egin dute Bilbon, bankuaren akziodunen batzar nagusiaren bezperan. “BBVAn despidorik ez” izan da mobilizazioaren lema.

Hauxe da BBVAko CIG, ELA, LAB, SCAT eta SEC sindikatuek gaur kaleratu duten oharra:

BBVAko lehendakari den Francisco Gonzalez-ek eta bere menpeko zuzendaritza batzordeak BBVAren “eraldatzea” indarrez behartzen jarraitzen dute. Interneta da dena! Mugikorra da dena! Teknologia berrietara egokitzea garrantzitsua denik ez dugu zalantzan jartzen, baina sortzen ari diren banketxe birtual horretan pertsonok lekurik gabe geratuko ote garen beldur gara.

Iaztik hona, BBVAk langileen aurkako presioan eta bildurrean oinarritutako politikarekin darrai, aurre-ohartarazpenik gabeko kaleratze “expressen” bidez; “bihar ez zaitez etorri, hemen daukazu kaleratze agindua” bezalakoak esanez. Hau burutzeko, langileon arduradunei menpekoak zerrendatzera derrigortzen diete, modu zeharo subjektiboan, enpresarekiko konpromiso eza baloratu behar dutelarik. Era subjektibo eta bidegabe batean, azpimarratu nahi dugu. Izan ere, behin lankideak kalera bidalita, BBVAk, lasai asko, onartu izan du kaleratzeen bidegabekeria.

Guzti honekin nahikoa ez, eta bankua langilegoaren likidazio sistematiko eta programatu bat burutzen ari da. Itxuraz borondatezkoak diren irteerak aurkezten zaizkie langileei, neurririk gabeko presioa eragin eta gero, eta jarraitzeko aukerarik gabe utziaz. Bakarka, bulegoko atea itxita, beraien arduradunarekin eta giza baliabideetako arduradunarekin batzartuak eta ordezkari sindikalei sartzen utzi gabe. Kaleratze “garbiak”: Bankuak kaleratzeak lortzen ditu eskuak zikindu gabe, borondatezko itxurarekin.

BBVAko zuzendaritzak, beraien soldata izugarriekin (Francisco Gonzalezek 5.000.000 € tik gora jasoko ditu aurten). Erabaki dute, urtean 30.000 euro gordin edo gutxiago irabazten dituzten langileentzako enpresa honetan lekurik ez dagoela, nahiz eta beraien lana modu arduratsuan burutu, bankuak nahi duen, soldatarik gabeko jardunaldi mugagabea egin nahi ez dutelako.

BBVAko zuzendaritzak ez du ardurarik onartzen 2008an jasan genuen hondamendi finantzieroarengatik. Beraien arduragabekeriak eta diruzalekeriak eraman gintuen zorigaitzeko krisi horretara, eta bertatik ateratzeko diru publikoa erabili zuten, gastu soziala murriztuz eta pertsona askoren pobretzea eraginez. Irabaziak pribatizatu zituzten baina gastuak eta arriskuak berriz soziliazatu zituzten. Ez dira egiten hipoteken interesen zoru- klausula eta beste lardaskeri finantzieroen erantzule, baina beraiek eskatutako helburu lortuezinak betetzen ez dituen langileari aldiz, ardurak eskatzen zaizkio eta gainera, zigortu egiten dute bere bizibidea mehatxatuz.

BBVAko akziodunen batzar nagusia burutzen ari den honetan, zuzendaritza eta akziodunentzako miloikada euroen banaketa onartu duten egunotan, zuzendaritza batzordearen jokaera krudela salatu nahi dugu, eta gizarte ongizatera bideratutako banku arduratsua exijitzen dugu. Kaleratuak beronartzea eskatzen dugu.
 

 

 

CCOOk eta UGTk beren “fronte sindikala” dagoeneko eginda daukate

admin
-
0

Hedabideetan entzun dugun, negoziazio kolektiboa berreskuratzeko “fronte sindikala” osatzeko proposamenaren aurrean eta martxoaren 23ko deialdiaren harira, ELAk eta LABek adierazi nahi dugu orain arte proposamen horren berririk ez dugula izan. Nolanahi ere, erabat bateraezina litzateke honako egitateekin:

• Uztailaren 22an delako “elkarrizketa sozialeko mahaian” sinatu zen Akordioa; honetan Eusko Jaurlaritzak, Confebaskek, CCOOk eta UGTk agintzen dute gutxiengoan sinatutako akordioak sustatu eta zabalduko dituztela. Gutxiengoen akordioak babesteak patronalaren posizioa besterik ez du indartzen, honek lehenago ere aski pribilegio bazuen arren azken bi lan erreformei esker; horrela lan-hitzarmenak merkatu eta lan harremanak areago prekarizatzen dira. ELAk eta LABek nabarmendu nahi dugu mahai horretan iritsi den akordio bakarraren xedea izan dela euskal eremuko hauteskunde sindikalen emaitza indargabetzea.

• CCOOk eta UGTk negoziazio kolektiboa estatalizatzeko duten borondatea: Zapateroren lan erreforma garatzen ari dira, hots, estatuko hitzarmenek bertokoen gainetik aplikatzeko lehentasuna izatea. Bi sindikatu horiek Estatuan hitzarmenak sinatzen dituzte gure negoziazio kolektiborako eskubidea galarazi nahian. Hau euskal langileen erabakitzeko eskubidearen aurka doa, baita negoziazio kolektiboko eremu propioaren alde.

• “Elkarrizketa sozialeko mahaian” duten presentzia; eurek esan dute, ordea, EAEn elkarrizketa sozialik “ez dela izan”. Honen adibide argia da arlo publikoan ez dagoela negoziazio kolektiborik. Mahai horretako solaskide Jaurlaritza dute; bada, gobernu horixe da negoziazio kolektiboa ukatzen duen lehena.

Azkenik, ELAk eta LABek berriro adierazi nahi dute Lan Harreman eta Babes Sozialeko Euskal Esparruaren alde lan egiteko borondatea, herri honetako langile-klasearen arazoak konpontze aldera. Gai honek lehentasuna izan behar du, eta ezin da baztertu autogobernuari buruz hasi nahi den eztabaidan. Ez dago autogobernurik bere negoziazio kolektiboko eremurik gabe, eta ezin da esan autogobernua dugunik geure eremuan euskal langileen baldintza soziolaboralak erabaki ezin diren artean; hotBabes Sozialeko Euskal Esparrurik gabe.

 

 

 

Foru Hobekuntzaren mugak onartzeak 78.000 nafar 1080 euro azpiko pentsioak jasotzera kondenatzen ditu

admin
-
0

Beste batzuen artean LABek babesten duen Pentsionistak Martxan plataformak sustaturiko Herri Ekimen Legegilea eztabaidatu eta bozkatu da gaur Nafarroako Parlamentuan. Jakina denez, EH Bildu eta Podemos-Ahal Duguk aldeko bozka eman dute baina Geroa Bai eta Izquierda-Ezkerrak UPN, PP eta PSNren blokearekin bat egin dute.

Continue

Garoña itxi, orain eta betiko

admin
-
0
Garoña itxi, orain eta betiko

LABek bat egiten du larunbatean Gasteizen Garoña orain eta betiko ixtea exijitzen duen manifestazioarekin, eta dei egiten langile guztiei eta jendarte osoari Andra Mari Zuritik 19:00etan irtengo den mobilizazio honetan parte hartzera, eta aurrerantzean deituko direnetan ere.

Garoñako zentral nuklearraren bizitza luzatzeko aukera zabaldu da, aukera hau, euskal herritarron segurtasunaren, osasunaren eta ingurumenaren aurkako mehatxu garbia da, eta aukeraren alde egiten duten administrazio eta enpresak, genozidak direla deritzogu.

Zentral nuklear hau Euskal Herritik hurbil dago, Bilbotik 60 kilometrotara eta Gasteiztik 47 kilometrotara, Ordunteko urtegitik 37 kilometrotara, eta Arabako urtegitik ere hurbil. Garoñako zentral nuklearra zaharkitua dago, Fukushimakoa bezalakoa da. Beraz, Japonian ikusi genuen bezala, ez da batere segurua. Garoñako zentralak korrosio arazoak dauzka. Argi eta garbi diogu, berriz irekitzea kriminala litzateke, gobernu genozida baten erabakitzat hartuko genuke. Istripua izanez gero milaka euskal herritar hilko ginateke, eta Bizkaia eta Arabako eremu handitan ezin izango litzateke sekula inor bizi.

Euskal Herrian energia burujabetza behar dugu. Eredu energetiko berriak garbia eta demokratikoa izan behar du. Euskal herritar bakarra ere ezin da energiarik gabe gelditu, pertsonok derrigorra dugulako beroa bizirik irauteko. Beraz, energiak kontrol eta jabetza politiko eta publikoa izan behar du. Eredu energetiko berriak garbia izan behar duela ere badiogu. Aire garbia eta osasun publikoa bermatu behar ditu, eta horretarako lehen urratsa, energia nuklearra baztertzea da.

Euskal Herriko jendarteak argi dauka energia nuklearra baztertu beharra dagoela eta ez dela erregai fosilen alternatiba. Horri esker ez zen eraiki Lemoiz, eta ordutik hona, hainbat izan gara Garoña behingoz ixteko exijitzeko mobilizatu garen eragile sindikal, sozial eta politikoak.

LABen apustua energia nuklearra baztertzea da, eta energia aurrezteari eta eraginkortasunari benetako bultzada ematea, energia berriztagarri garbiak eta instalazio sakabanatuak sustatzeaz gain. Ildo horretan, herri industrialdunok aurrerapausu handiak eman ditzakegu energia aurrezteko, batez ere, elektrizitateari dagokionez.

 

 

 

DEIALDIAK ZERRENDA

admin
-
0

{module [671]}

Bat egingo dugu zamaketako lanpostuen defentsan deitu dituzten grebekin, portuak Euskal Herrian kudea daitezela eskatzeko

admin
-
0
Bat egingo dugu zamaketako lanpostuen defentsan deitu dituzten grebekin, portuak Euskal Herrian kudea daitezela eskatzeko

Espainiako Parlamentuan gaur bozkatuko dute PPren Zamaketa lanetako Errege Dekretua. Uste dugu, PSOE, Ciudadanos eta EAJ bezalako alderdien gardentasun ezak milaka enpleguren etorkizuna zalantzan jarriko duela, eta sortuko diren lanpostu berriei erabateko prekarizazioa ekarriko diela. Hori bai, portuetan diharduten enpresen irabaziak ez dira zalantzan jartzen, eta enpleguaren eta langileen lan baldintzen kontura areagotu nahi dituzte.

Errege Dekretu honen bidez Zamaketa sektoreko milaka langileen iraizpen masiboa bilatzen dute bakarrik, jarduera are baldintza prekario eta kaskarragoetan egin dadin.

Langileria osoa pobretzea nahi dute; oraingoan, langile hauei egokitu zaie tenorea. Erreformaz erreforma, hauen asmo bakarra esku gutxi batzuetan mozkin gehiago pilatzea da, eta aberastasun banaketa handiagoa egiten den lekuetan, legeak egiten dituzte hau suntsitzeko.

PPren gobernuak sektore oso baten kaleratzea legeztatu nahi du, Enplegu Espediente Erregularziorik gabe, galdetzeko eperik gabe, eta kalte-ordainak funtsa publikoen bidez ordainduko direla ezarriz, portuetan diharduten enpresa pribatuak kalteordainak ordaintzetik ere salbuesten dituzte. Hortaz, altxortegi publikoari egiten zaion lapurreta berri baten aurrean gaude.

LABek arbuiatu egiten du Errege Dekretu hau eta Parlamentuan ordezkaritza daukaten euskal alderdi politikoei eskatzen diegu hura arbuia dezaten. Santurtziko eta Pasaiako portuetako langileekin dugun atxikipena erabatekoa da, baita Ezkerraldeko eta Oarsoaldeko ekonomiekin ere.

LABek eutsi egiten dio “bertan lan egiten dugunez, bertan erabaki dezagun” esaldiari. Baina hori gauza dadin, portuen kudeaketak gure esku egon beharko luke, eta horrela adostu ahal izango genituzke, berriki sinatu den Lanbide arteko Akordioaren babesean, lan baldintzak Euskal Herrian, burujabetasun ariketa eginez. Horixe da hain zuzen euskal langileriak haren ordezkaritza politikoari eman agindua.
LABek bat egingo du Santurtzin nahiz Pasaian deitu diren grebekin, lanpostuen alde nahiz oraingo eta etorkizuneko lan baldintza duinei eustearren.
 

 

 
1...944945946...1,590Page 945 of 1,590

COOKIAK | COOKIES

LEGE OHARRA ETA PRIBATUTASUN POLITIKA | AVISO LEGAL Y POLÍTICA DE PRIVACIDAD

www.lab.eus