Tubacexeko LAB, STAT eta LSB-USO sindikatuok elkarretaratze bat egin dugu gaur Laudioko enpresaren atarian. Negoziazioak blokeatuta jarraitzen du, enpresak dioelako langileek baztertutakoa dela bere azken eskaintza. Egoera salatzeko bildu gara.
Blog Page 823
Emakumeon Mundu Martxak babesa erakutsi die pentsiodunei
Euskal Herriko Emakumeon Mundu Martxak bat egin du larunbaterako pentsiodunek deitutako mobilizazioekin. Elkarretaratze bat egin dute gaur Bilbon, Eusko Jaurlaritzaren aurrean, eta bertan eman dute euren atxikimenduaren berri.
"Gure lana aitortu, pentsio duinak emakumeontzat!" oihuak entzun dira gaur Bilboko Eusko Jaurlaritzaren egoitzaren aurrean. Eskaera argia egin diete euskal instituzioei, eta gogoratu dute arazoa pentsioak baino harago doala; sistema kapitalista heteropatriarkala dela arazoa, alegia. Horren aurrean, emakumeei kalera ateratzeko deia egin diete, larunbateko manifestazioak direla eta.
Hain zuzen ere, pentsiodunek manifestaziora deitu dute maiatzaren 26rako Bilbon (Jesusen Bihotza, 18:00), Gasteizen (Artium, 12:00), Donostian (Cervantes plazatik, 17:30) eta Iruñean (Gaztelu plaza, 18:00).
Hauxe da Euskal Herriko Emakumeon Mundu Martxak gaur irakurri duen adierazpena:
Bizitza osoa lanean pasa ondoren, lan honek guztiak ez du ezertarako balio: ez dizu eskubiderik ematen. Eskubideak dituzu, egia da. Zerbitzu publikoak erabili ditzazkezu, herritarra zarelako. Dirulanguntzak eskatu ahal dituzu, bazterketa sozialaren arriskuan bizi zarelako. Baina ez duzu eskuberik sortu langile izan zarelako. Langilea izan zara, bizitza osoan, eta zure lanak ez du pentsio eskubidea lortzeko balio. Ez duzu kotizatu, lan egin arren, eta zure lana bizitzarentzat ezinbestekoa izan arren.
Emakumeok asko borrokatu dugu lan merkatuan sartu ahal izateko. Enplegu bat edukitzeko. Borroka horren emaitza da emakumeok, behingoz, pentsio baterako eskubidea lortzea. Pentsio propioa, soldatapeko lanaren emaitza da, eta ez ezkondu garelako lortzen duguna. Pentsioa askoz ere txikiagoa da ordea, kotizatu duzu bai, baina gutxiago: soldata txikiago zelako, zaintza ardurek lan merkatutik ateratzera behartu zaituztelako, edo kontratu partzialekin lan egitea beste aukerarik izan ez duzulako, besteak beste.
Feminismoak milaka eta milaka emakume atera zituen kalera martxoaren 8an, ikusezinak eta bigarren mailakoak egiten gaituen sistema hau aldatzera goazela ozen esatera. Pentsionistak astero astero ateratzen ari dira sistema honek jubilazio duin baterako duten eskubidea lapurtu nahi dielako. Bidelagun ikusten ditugu mobilizazioaren bidez aldaketak lortu ahal direla sinesten dugulako, mobilizazioaren bidez egin ditugulako ikusgarriak sistema kapitalista heteropatriarkal honek ezkutatu nahi dituen egoera bidegabeak.
Martxoaren 8an kalera atera ziren emakumeei dei egiten dizuegu maiatzaren 26an ere kalera ateratzeko, pentsionisten mugimenduarekin bat egitera.
• Emakumeon lana aitortzea eta eskubide iturri bihurtzea izango da pentsio duin bat ziurtatzeko bidea. Borroka konpartitzen dugu!
• Soldata arrakalaren arrazoiak gaindituz emakumeon lan eskubide guztiak ziurtatzea izango da pentsioak hobetzeko biderik emankorrena. Borrokan bat egiteko arrazoiak ditugu!
• Pertsonak politiken erdigunean jartzea izango da bizitza duin baterako aukerak ziurtatuko dizkiguna, izan umeak, gazteak, helduak edo zaharrak.
Sistema hau ez badago bizitza duinak ziurtatzeko prestatuta, adaltu dezagun sistema. Arazoa ez gara gu, ez dira gure pentsioak. Arazoa sistema kapitalista, heteropatriarkal, arrazista eta kolonialista da. Hau dela eta, Euskal instituzioei ex itzen diegu, legez, pentsio duin propioak izateko eskubidea bermatzeko bitartekoak sortu ditzatela, eta euskal pentsio publikoaren aldeko apustua egin dezatela.
Borroka berdina konpartitzen dugulako, maiatzaren 26an, bizitza duinaren alde, emakumeok ere KALERA!
“Bizi egunak” dinamika Donostiara iritsiko da igandean
Merkataritza, hiri eta kontsumo ereduari buruz gogoeta egitea bilatzen duen ‘Bizi egunak’ dinamikak Donostian du geltoki berria. Bilbo eta Iruñeatik pasa ostean, igande honetan Gros auzoko Katalunia Plazan izango da igande eta jai egunetan jai egiteko dugun eskubidea aldarrikatzeko.
Ekimenari goizeko 11:30etan emango zaio hasiera eta besteak beste, bertatik pasatzen den edonori izan ditzakeen kezkak argitzeko Infogune bat izango eguerdiko 13:30ak arte. Goiza aurrea doan heinean, 12:00etan, jai egunetan jai egitearen zergaitiak azalerazteko Photocoll eta Murala osatuko dugu. Goiza, igandea izaki, jai giroan pasako dugu eta horretarako musika eta janaria izango da gerturatzen den guztiarentzako
Argi dugu! Igande eta jai egunetan itxita! Etorri eta aldarrikatu dezagun denok batera igande eta jai egunak "BIZI EGUNAK" direla.
Adegiren jarrerak grebara eramaten gaitu Gipuzkoako eraikuntzan
Gaurko Gipuzkoako eraikuntzako hitzarmenaren bilera egin da eta Adegiren jarrera tamalgarria izan da. Joan den astean aurkeztu zuen proposamena berretsi du inongo hobekuntzarik egin gabe, sindikatuok ez nahikotzat jo genuen arren.
Hau guztia ezezik, hitzarmenaren aplikagarritasuna hobetzeko ELAk eta LABek aurkeztutako proposamen bateratua ere baztertu du. Proposamen honekin zera lortu nahi dugu:
– Hitzarmena ez betetzeagatik, langileek jaso ez dituzten soldatak azkarrago eta errazago kobratzea nahi dugu.
– Hitzarmena betetzen dela egiaztatzeko batzorde bat sortu obrak bisitatu ahalko dituena.
– Hainbat neurri prebentibo proposatzen ditugu hitzarmena bete dadin: obra publikoen langileen sarrerak eta irteerak kontrolatzea, lan egutegi bat, aparteko orduak ezabatzea edota mugatzea, laneko parteak edota prebentzioa egiteko baliabideei formakuntza espezifikoa ematea.
Adegik ez ditu onartu. Bakarrik onartu du azpikontrata batek hitzarmenaren soldatak ordaindu ez dituela egiaztatu ondoren enpresa nagusiak ordaintzeari etengo diola, hau da, legeak dioena, besterik ez.
Adegik hitzarmena betetzen ez dela aitortu ostean, hau proposatzea benetan eskasa iruditzen zaigu. Beraz, egoera larri honen aurrean, hitzarmena aplikagarria izateko benetako neurriak hartzea ezinbestekoa da eta, horretarako, grebaren eta mobilizazioaren bidea baino ez zaigula gelditzen uste dugu. Greba ekidin daiteke Adegik hitzarmena aplikatzeko borondate zintzoa baldin badu. Bestela, borrokara joango gara eta LABek proposamen bat helaraziko dio ELAri ekainean grebaren izaera eta egunak finkatzeko.
Datorren ostegunean izango da Gipuzkoako eraikuntzako hitzarmenaren hurrengo bilera. LABen ustez, Adegi denbora luzatu nahian dabil langileen erantzuna eragozteko. Aski da!
Baionako kaleak hartu ditugu zerbitzu publikoen defentsan
Zerbitzu publikoen defentsan, eta Emmanuel Macronen gobernuaren erreformen kontra, beste mobilizazio egun bat antolatu dugu gaur sindikatuok. Hain zuzen ere, manifestazio bat egin dugu Baionako kaleetan, eta, bertan, irakasleek, osasun zerbitzuko langileek, trenbidetako langileek… zerbitzu publikoetako hainbat eta hainbat langilek hartu dute parte.
Pobreziaren kriminalizazioa salatu dugu Bilbon
Hainbat eragilek, LABek barne, elkarretaratze bat egin dugu gaur Bilbon, Eusko Jaurlaritzaren egoitzaren aurrean, eskubide sozialen defentsan.
Bildutakoek Diru Sarrerak Bermatzeko Errentaren inguruan hartutako neurriak salatu ditugu, eraginkortasunaren eta kudeaketa onaren izenean, kontrol neurriak ezarri baitituzte; hala nola, hatz marken bidezko kontrola, besteak beste.
Graficas Estella-k azpikontrataturiko LINSER LOG enpresak Lan Erreforma erabili eta langile bat kaleratu du gaixo egoteagatik
LINSER LOG enpresak Graficas Estella-ren logistika eramaten du eta iragan astean langile emakume bat kaleratu zuen bakar-bakarrik gaixo egoteko zorigaitza izan zuelako, zegokion osasun etxera joan zelako eta medikuak aldi baterako ezgaitasuna eman ziolako.
Azken urteetako erreformetako batek dio langile bat kaleratzeko arrazoia izan daitekeela langilea gaixotzea eta Gizarte Segurantzako medikuak gaixo agiria ematea. Horixe gertatu zaio LINSER LOG enpresako langile emakume bati, eta enpresako zuzendaritzak ez du langilea kaleratzeko batere erreparorik izan.
Aipatu beharra dago enpresa horretan (LINSER) eta lantoki horretan (Graficas Estella) azkenaldian hainbat langile emakume tokiz aldatu dituztela edo zuzenean kaleratu dituztela, eta haien ordez langile gizonak jarri dituztela.
LAB sindikatuak gogor salatu nahi du langile klaseari orokorrean eta bereziki emakumeei egin dieten bertze eraso hau, eta dei egiten du LINSER-eko enpresa batzordeak Graficas Estella-koaren babesarekin eginen duen mobilizazioan parte hartzera. Elkarretaratzea maiatzaren 23an izanen da, asteazkenarekin, Graficas Estella-ko ateen parean (Salvat zaharra), 13:30etik 14:30era.
Ez dugu onartzen, eta ez dugu inoiz onartuko, gaixotzeagatik inor kaleratzea, eta exijitzen dugu kaleraturiko langilea lehenbailehen hartzea berriz.