Zailtasun sozialeko egoeran dauden adin txikikoak artatzeko zerbitzua kudeatzen duten Xilema eta Nuevo Futuro enpresetako langileek eta LABeko delegatuek agerraldi bat egin zuten atzo, Iruñean, PAGNA agentziaren egoitza parean, Nafarroako Gobernuak zerbitzu hori berriz esleitzeko erabili zuen baldintza-agiriak dituen gabeziak agerian uzteko. "Langile kopuru eskasa mantentzen den bitartean, etengabeko sartzea eta ateratzea egongo da lantokietan. Adingabeen beharrak eraginkortasunez asetzea ezinezkoa da horrela", ohartarazi dute.
Hauxe d agerraldian irakurritako adierazpena:
Hemen elkartu garenak, Nuevo Futuro eta Xilemako langileak gara.
Babesgabetasunean eta esklusioan dauden adingabekoekin lan egiten dugu. Nahiz eta oso gazteak izan, dagoeneko oso esperientzia larriak eta gogorrak bizi izan dituzte. Bizi dituzten gertakizunak irrealak eta bortitzak badirudite ere, haien errealitatea da.
Arlo honetako profesionalak garenok hauekin lan egiteko prestatuak gaude, bai aholkatzeko, hezitzeko eta beraien prozesu pertsonalean laguntzeko. Aldi berean, hauen egoera pertsonalak gure baitan efekturik ez izateko prestatzen gara, gure lana eraginkorragoa izateko. Maila teorikoan, praktikoan eta emozionalean asko eskatzen duen lanbidea da. Beraz, egindako lanaren errekonozimendua eta soldata duinak edukitzea eskatzen dugu.
Gure lan baldintzak oso prekarioak dira. Ez dira gauekotasuneko zein txandaketetako plusak aitortzen eta oso gutxitan, jai egunetakoak. Gainera, askotan 12 ordu baino gehiagoko jardunaldiak eta guardiak egiten ditugula kontuan izan gabe.
Langileon ordezkari sindikalak hainbat bilera izan ditugu Nafarroako Gobernuarekin, zerbitzuetako errealitatea azalduz, gure lanaren kalitatea eta lan baldintzak hobetzeko.
Urte eta erdi itxaron eta gero, Nafarroako Gobernuak pliegoak publikatu ditu eta hauen emaitza dezepzio handia izan da guretzako.
Pliegu hauen hobekuntza batzuk ontzat hartzen ditugu, aldi berean, Kontzertu Sozialak gaur eguneraino ezinezkoak ziren hobekuntzak ahalbidetzen dituelarik. Baina, guzti hauek salbuespenak dira, orokorrean, beharrak asetzen ez direlako. Lan prekarietatea mantentzen da nahiz eta Miguel Laparrak prentsan kontrakoa esan. Lan baldintzen hobekuntza hitzarmen sektorialari lotuta geratzen da eta gaur egun, hau kea besterik ez da.
Hezitzaile laguntzailearen postua mantentzen da, izen aldaketa batekin. Praktikan, langile hauen funtzioak eta hezitzaileenak ia berdinak izan arren, 200 euro baino gehiagoko ezberditasuna dago soldatan. Langile hauek, gehiengoetan gauez lan egiten dute, 650 eta 800 euro bitarteko soldata jasotzen dutelarik. Kategoria hau mantentzearen helburu bakarra prezioaren merketzea da.
Arreta zuzena da kalitatezko lana egiteko puntu garrantzitsuena. Gehiengoetan, arreta zuzeneko langile kopurua mantentzen da, beste batzuetan jeitsi ere egiten da errekurtsoetako beharrak kontuan hartu gabe. Langileok gehiegizko lan zama izateak ondorio txarrak ditu esku-hartzean, adingabekoetan eta langileetan modu negatiboan eragiten duelarik.
Administrazioak ez ditu kontuan hartu langileetatik jasotako oinarrizko beharrak, hauek oinarrizko hobekuntzak ekarriko zituztelarik. Hobekuntza hauek arrisku psikosozialen ebaluazioak emandako emaitza negatiboak leuntzeko balioko zuten. Emaitza hauek, lanean jasaten dugun estresaren, antsietatearen, eraso fisiko eta psikologikoen ondorio dira.
Zentroetan, sexu-abusuak jasan eta eragin dituzten adingabekoak ere badira. Langileok, genero ikuspuntua kontuan hartu behar dela uste dugu eta zentro basikoen zati bat, sexuaren arabera bereiztuta egotearen beharra ikusten dugu. Era honetan, adingabeak babestuagoak egongo dira eta gertaera larri hauek saiestea erraztuko da. Nafarroako Gobernua ez da iritzi berekoa eta beste pauso bat eman du bere zentzugabekerian: Errekurtso bereziak mistoak bilakatzea. Orain arte, arazo sozial eta psikologiko larriak zituzten mutilekin lan egiten zen hauetan. Zein da errekurtso honetan sartzean, neskak izango duten babesa? Ez da bidezkoa soilik neskentzako izango den errekurtso berezi bat sortzea?
Laburbilduz, hainbeste denboraren ostean ateratako pliego hauek babes etxeetan eta babes sisteman dauden arazoak konpontzen ez dituela salatzeko gaude hemen. Langile kopuru eskasa mantentzen den bitartean, etengabeko sartzea eta ateratzea egongo da lantokietan. Adingabeen beharrak eraginkortasunez asetzea ezinezkoa da horrela.
