2024-03-28
HomeZerbitzu PublikoakZerbitzu SoziokomunitarioaAstebeteko grebara deitu dugu Gipuzkoako helduen egoitzetan, apirilaren 29 eta 30 eta...

Astebeteko grebara deitu dugu Gipuzkoako helduen egoitzetan, apirilaren 29 eta 30 eta maiatzaren 2, 3, 4 eta 5erako

LAB sindikatua eredua alda dadin lanean eta mobilizatzen aritu eta arituko da, jendartearen funtsezko eskubideak hobetzeko, ez interes ekonomikoak saritzeko. Helduen egoitzetako sektorea zerbitzu sozialen esparruan txertatzen den heinean, zerbitzu publikoa izan behar duela defendatuko dugu, orain arte bezala enpresa pribatuen interesen araberako erabakiak har ez daitezen. Horregatik, negoziazio honetan herrialdeko hitzarmen bat lortu nahi dugu.

Denbora aurrera doa eta Gipuzkoako helduen egoitzetako 5.000 langilek herrialdeko hitzarmenik gabe jarraitzen dute, eta sektoreko arduradun Gipuzkoako Foru Aldundia, NON DAGO? Ahoa betetzen zaio helduen egoitzetako zerbitzuaren inguruan hitz egiten, baina ezinbesteko zutabea diren langileak baztertzeko erabakia hartu du.

Langileak dira helduen egoitzetako zerbitzua sostengatzen dutenak, beraien lanari esker egoiliarren oinarrizko eskubideak betetzen eta errespetatzen dira, eta momentu askotan langileek osasuna galtzen dute.

Egoera hau izanik, Gipuzkoako Foru Aldundiak, beste aldera begiratzeaz gain, negoziazio prozesuan joku zikina bultzatzen du; ADEGI eta MATIA 2020 patronalak, ELA sindikatuarekin batera, beste negoziazio paralelo bat egitera gonbidatuz, mahaiaren eta langileen gainetik pasatuz. Eta zer lortu dute? Negoziazio mahaiari balioa kentzea, mahaia blokeatzea, eta sektorean mesfidantza sortzea.

LAB sindikatua eredua alda dadin lanean eta mobilizatzen aritu eta arituko da, jendartearen funtsezko eskubideak hobetzeko, ez interes ekonomikoak saritzeko. Helduen egoitzetako sektorea zerbitzu sozialen esparruan txertatzen den heinean, zerbitzu publikoa izan behar duela defendatuko dugu, orain arte bezala enpresa pribatuen interesen araberako erabakiak har ez daitezen. Horregatik, negoziazio honetan herrialdeko hitzarmen bat lortu nahi dugu, zeinaren ardatz nagusiak diren:

• Oinarrizko soldata toki eta Foru Administrazioen menpe dauden langileen batez bestekoarekin homologatzea.
• Kontratazioa zuzena, mugagabea eta aldi osokoa izatea.
• Langileen ratioak eta mailak ezarriko dituen lan batzorde parekidea sortzea.
• Prestakuntza kontutan izateko puntu garrantzitsua izatea.

Honengatik guztiagatik, LAB sindikatuak astebeteko greba deialdia deitu du, apirilak 29, 30 eta maiatzak 2 ,3, 4 eta 5erako. Beraz, sektoreko langile guztiei herrialdeko hitzarmen duin baten alde mobilizatzeko deia egiten diegu.

 

 

 

AZKEN ALBISTEAK | ÚLTIMAS NOTICIAS

0-3 urtekoen zikloko sindikatuak berriz mobilizatu dira, Hezkuntza Departamentuari eskatzeko behingoz har dezan alor honetako ardura

Nafarroako 0-3 hezkuntza zikloko sindikatu guztiek (LAB, ELA, STEILAS, AFAPNA, UGT eta CCOO) elkarretaratzea egin dute gaur Iruñean, Hezkuntza Departamentuaren egoitza nagusiaren parean, Gobernuak ziklo honi dagokionez erakusten duen jarrera axolagabea salatzeko. Ildo berean, apirilaren 11n manifestazioa eginen dutela iragarri dute, Departamentuaren egoitzatik 17:30ean abiatuko dena.

Grebak Arabako aisialdi hezitzailea eta animazio soziokulturalean apirilaren 2a eta 4an, hitzarmenaren negoziazioan akordiorik ez dagoelako

Agerraldia egin dute gaur Gasteizen sektoreko langileek bi greba egunak iragartzeko. Hitzarmen duinik ez badago, zerbitzurik ez dela egongo adierazi dute.

Iruñeko eremu urdinean jarduera ia geldirik egon da grebaren hiru egunetan

Enpresa Batzordeak (LAB, ELA, UGT eta CCOO) astelehenetik egiten ari den grebaren balorazio positiboa egin du, eta ohartarazi du Dornierrek ez badu aurrerapausorik ematen lan baldintzak hobetuko dituen hitzarmenaren negoziazioan, mobilizazioekin jarraituko dutela.