2026-07-12
Blog Page 680

Bizkaiko metalgintzako grebek 250 enpresa baino gehiagoren atxikimendua jaso dute

admin
-
0
Bizkaiko metalgintzako grebek 250 enpresa baino gehiagoren atxikimendua jaso dute

Pasa den asteako mahai negoziatzaileko azken bileraren amaieran adierazi bezala patronalaren jarrera ikusi ondoren, LAB, ELA, CCOO, eta UGT berretsi egiten gara Bizkaiko metalgintzako sektorea mobilizatzeko beharrean, erregistratu ditugun 5 grebekin, hitzarmen sektorial duina lortzeko.Grebek, 250 enpresa baino gehiagoren atxikimendua lortu dute honezkero.

Horregatik, jakinarazten dugu sektoreko enpresetan deialdiok zabaltzeko egindako lehen harremanen aurrean, 250 enpresa baino gehiagotako langileek egin dute bat honezkero aurkeztutako plataformarekin eta erregistratutako mobilizazio eta greba egutegiarekin.

Zalantzarik gabe, gora egingo du enpresa kopuruak atxikimendu gehiago jaso ahala eta sektoreko enpresa guztietara jaso ahala eta noski, greba egunekin hasi ahala.

Atxikimendua adierazi duen enpresa kopurua garrantzitsu honek berretsi egiten gaitu gure planteamenduetan, FVEM patronalak behartzen gaituen negoziazio kolektibo sektorialaren blokeoari aurre egiterakoan.

Hortaz, dei orokorra egiten diegu Bizkaiko metalgintza sektoreko langile guztiei, izan ordezkaritza ala ez, aldarrikapen hauekin bat egin dezaten eta elkarrekin borrokatu hitzarmen duina lortu ahal izan dadin.

Era berean, dei egiten diogu FVEMi behingoz mahai negoziatzailean eseri dadin benetako negoziazioa egiteko, Bizkaiko metalgintzako sektorerako hitzarmen duina lortzea ahalbidetuko duena.

Hori dela, greba sektorialeko lehen eguna datorren maiatzaren 23a izango da. Egun honetan, MANIFESTAZIO HANDIA egingo da Bilbon, 11:30ean Jesusen Bihotzetik aterako dena eta Euskadi plazan amaituko dena, Iberdrola Dorrearen ondoan, FVEM patronalaren egoitzaren ondoan.

Honetaz gain, bihar, maiatzaren 22an, Durangaldeko metalgintzako enpresetan ordezkaritza duten sindikatu guztien kontzentrazioa egingo da Durangon. 19:00etan izango da, Andramariko arkupeetan.

Bilbon, 2019ko maiatzaren 21ean

* Eranskina: Atxikimendua eman duten enpresen zerrenda

1. ABB
2. ABD MONTAJES ELECTRONICOS
3. ACELEC
4. ACEROS INOXIDABLES OLARRA
5. ACHA ORBEA
6. ACLARA METERS
7. AEROSPACE
8. AGRIA
9. AIRLAN INDUSTRIAL
10. ALCONZA
11. ALFE
12. ALGA
13. AL-KO
14. ALSTOM ELECTRONICS
15. ALUDIUM
16. AMILIBIA
17. ANTEC
18. ARIETA ORBE
19. ARALUCE
20. ARCELOR ETXEBARRI
21. ARCELOR SESTAO
22. ARTECHE HERMANOS
23. ARTECHE SMART
24. ASCENSORES IMEM
25. ASCENSORES REKALDE
26. ASMOTUR
27. ASTILLEROS MURUETA
28. ASTILLEROS ZAMAKONA
29. ATOS IT, IBERIA SL
30. AUTOS AMABE
31. AUTO TALLERES GIL
32. AUXILIARES HIRUKOBAT
33. AXOR RENTALS
34. AZPIARAN BERRIZ
35. AZPIARAN ZALDIBAR
36. B LUX
37. BABCOCK WANSON
38. BELGICAST
39. BETSAIDE SAL
40. BILBO BERRI
41. BRUSS
42. CABLES Y ALAMBRES
43. CAF
44. CALOR BIZKAIA
45. CARROCERIAS FIDEL
46. CARROCERIAS OKA
47. CEMVISA VICINAY
48. CERRAJERIA SOMERA
49. CIE EGAÑA
50. CIE INDUSTRIAS AMAYA TELLERIA
51. CIE INYECTAMETAL
52. CIE UDALBIDE
53. CNC
54. COMFICA BIZKAIA
55. CONSONI
56. CUPRUM
57. DECOLETADOS Y MECANIZADOS
58. DEPRESA
59. DIBAL
60. DISBAINU SAL
61. DISMON ELECTRONICS
62. DOISTUA
63. DYF
64. EATON
65. ECIA XEMEIN
66. EGT GAMESA
67. ELECTRICIDAD GAVI
68. ELECTRONICA Y NEUMATICA INDUSTRIAL – ENI
69. ELDU
70. ELECNOR
71. ELMET
72. EMBZA SL
73. EMPRONOR
74. ENERSYS
75. ESTAMPACIONES METALICAS EGUI
76. ESTAMPACIONES BIZKAIA GESTAMP
77. ESTAMPACIONES DURANGO
78. ESTAMCAL
79. ETRA NORTE
80. FAMECAL
81. FERROSER CENTRO GUGGENHEIM
82. F.H.T.
83. FORGIBAL
84. FORGING
85. FORJAS DE BERRIZ
86. FORJAS UNIDAS
87. FUCHOSA
88. FUMBARRI
89. FUNDACIÓN TECNALIA
90. FUNDICIONES FUNALCO
91. FUNDICIONES GARBI
92. FUNDICIONES METAL SMELTING
93. FUNDICIONES PALACIO
94. GALVANIZADOS IZURZA
95. GAME TELECOMUNICACIONES
96. GAMESA ENERGY TRANSMISSION
97. GECSA
98. GENERAL ELECTRIC
99. GESTMAT
100. GESTAMP TOOLING SERVICE AIE
101. GOSALA, SL.
102. GOSAN
103. GRUBER HERMANOS, S.A.
104. GS HYDRO
105. GTE
106. GTH GESTAMP
107. GTO GESTAMP
108. GUIVISA
109. HAIZEA WIND
110. HARSCO – SIDENOR
111. HERGOROS S.L.
112. HEROSLAN, SAL.
113. IBERSIHP
114. INDEFUNSA
115. IDESA
116. INDUMETAL
117. INDUSTRIAS ARRUTI
118. INDUSTRIAS GOL
119. INDUSTRIAS MECANICAS DURANGO
120. INDUSTRIAS MEYPU
121. INDUSTRIAS SUBIÑAS
122. INERVOL
123. INGETEAM POWER TECNOLOGY
124. INOXIBAR
125. INSPECCIONES Y LECTURAS
126. INTEGI
127. INTENANCE
128. IRUDI
129. ITA
130. ITP
131. ITP EXTERNALS
132. ITP AERO
133. JUNTAS BESMA
134. KAREALDE
135. KATIAK
136. KELVION
137. LA MAGDALENA
138. LAIP
139. LAMINADOS LOSAL, SA
140. LAMINCER
141. LARZEP
142. LAUSERINT
143. LAUNIK
144. LAYDE
145. LEIOA WAGEN
146. LEJARZA
147. LINCE
148. LINEKER
149. LORPA
150. MB TOOULING
151. MANUFACTUAS GES
152. MATRICERIA DEUSTO
153. MCG STAMPING
154. MECANER
155. MECANIFRAN
156. MECAR
157. MEGA
158. MERYTRONIC
159. MESA
160. METAL PERFORMERS SA
161. METALTERMICA GAI
162. METRIA
163. MFS, TRAPAGA SINTERINGI, S.L.
164. MICRODECO
165. MICRODECO BORP
166. MIESA MANTENIMIENTO
167. MIESA MONTAJE
168. MINTEGUI
169. MONTAJE EISSEN
170. MUELLES ZALDUA
171. NAVACEL
172. NECO
173. NEMAK SPAIN, SL
174. NERVACERO
175. NOVALTI
176. NUEVA INCAL
177. OJA-REM
178. ONA
179. OÑATE
180. ONURA
181. OPEL GOÑI
182. OPERACION Y MONTAJE
183. ORMAZABAL
184. OUT SERVICO UTILITIES
185. PCB BARAKALDO
186. PIERBURG
187. PINE
188. POLY PAL
189. PRODUCTOS TUBULARES
190. PROGECO
191. PRONUTEC
192. PUERTAS Y CIERRES
193. PUERTAS PORTIS
194. RDI
195. RECUBRIMIENTOS BERRITZEN
196. REPARACIONES MASER
197. ROFER
198. SACHS
199. SANTA ANA BOLUETA
200. SCORPIO
201. SEKOOP
202. SERCOIN
203. SERMANFER
204. SERRATU
205. SERVICIOS SIDERURGICOS INTEGRALES SL (SSI)
206. SIEMSA
207. SIDENOR BASAURI
208. SUEZ
209. SMARMEC
210. SSI
211. SUBESTACIONES ARRUTI
212. SUNRISE
213. SUSENSA
214. TACOMI
215. TALIS
216. TALLERES BERASATEGI
217. TALLERES ELECTRICOS OYAL
218. TALLERES ERMUA
219. TALLERES FELAS
220. TALLERES GORLAN
221. TALLERES HERNANDEZ MARTIN
222. TALLERES IRUDI
223. TALLERES LA SALVE
224. TALLERES LEKANDA
225. TALLERES OROBIO
226. TALLERES SAGARETXE.
227. TALLERES TARAMONA
228. TALLERES MECÁNICOS GERNIKA SA
229. TAMOIN
230. TDG
231. TECMAN
232. TECNIA ELORRIO
233. TECNICHAPA
234. TECNICAS HIDRAULICAS
235. TECUNI, S.A.
236. TENNECO AUTOMOTIVE
237. TENNECO INNOVACION
238. TMC
239. TRABAJADORES/AS DE EMPRESAS CONTRATISTAS DE PETRONOR
240. TROGER
241. TROGER IURRETA
242. TROQUELERIA ODIM SA
243. TSM
244. TSK
245. TUERCAS
246. UGATEBURU
247. URIARTE SAFY BOX
248. VICINAY SESTAO
249. VGRS
250. VOLQUETES FELICES
251. WARTSILA IBERICA SA
252. WINOA
253. WEC
254. ZABALA MEKANIKO TAILERRA SA
255. ZETA

 

 

 

Gipuzkoako Foru Jauregia okupatu dugu, helduen egoitzetan hitzarmen duin bat aldarrikatzeko

admin
-
0
Gipuzkoako Foru Jauregia okupatu dugu, helduen egoitzetan hitzarmen duin bat aldarrikatzeko

Gipuzkoako Foru Aldundiak Donostiako Gipuzkoa plazan duen egoitzara sartu gara, bertan adinekoen egoitzetan herrialdeko sektoreko hitzarmen duina aldarrikatzeko. Hain zuzen ere, greba eta borroka deialdia egin dugu Gipuzkoako helduen egoitzetan, larunbata arte gauzatuko duguna. Hala, lehen greba egunean, Aldundiaren egoitza okupatu dugu. 11:00etan hasi dugu okupazioa eta kanpoan, okupazioari babesa emateko, protesta egiten egon gara. Okupazioa 15:30ean amaitu da, Gipuzkoako Foru Aldundia ohi baino bi ordu eta erdi lehenago ixtea erabaki dutenean, Foru Jauregia okupatzen ari ziren langileak kanporatzeko. Horrela, egoitza itxi eta banan banan atera ditu langileak Ertzaintzak, haietako asko arrastaka. Komunikabideetako langileek arazoak izan dituzte euren lana egin eta gertatzen ari zena kontatzeko, baita LABeko kideek ere, euren lan komunikatiboa egiteko.

Denbora aurrera doa eta Gipuzkoako helduen egoitzetako 5.000 langilek herrialdeko hitzarmenik gabe jarraitzen dute. Non dago sektoreko arduradun Gipuzkoako Aldundia? Bada, harengana jo dugu konponbideen bila, eta Foru Jauregia okupatu dugu.

Langileak dira helduen egoitzetako zerbitzua sostengatzen dutenak, beraien lanari esker egoiliarren oinarrizko eskubideak betetzen eta errespetatzen dira, momentu askotan langileek osasuna galtzen dutelarik.

Egoera hau izanik, Gipuzkoako Foru Aldundiak beste aldera begiratzeaz gain, negoziazio prozesuan joku zikina bultzatzen du. ADEGI eta MATIA 2020 patronalak ELA sindikatuarekin batera, beste negoziazio paralelo bat egitera gonbidatuaz, mahaiaren eta langileen gainetik pasatuz. Eta zer lortu dute? Negoziazio mahaiari balioa kentzea, mahaia blokeatzea, eta sektorean mesfidantza sortzea.

LAB sindikatua eredua alda dadin lanean eta mobilizatzen aritu eta arituko da, jendartearen funtsezko eskubideak hobetzeko, ez interes ekonomikoak saritzeko.

Helduen egoitzetako sektorea zerbitzu sozialen esparruan txertatzen den heinean, zerbitzu publikoa izan behar duela defendatuko dugu, orain arte bezala enpresa pribatuen interesen araberako erabakiak hartu ez daitezen.

Horregatik negoziazio honetan herrialdeko hitzarmen bat lortu nahi dugu zeinaren ardatz nagusiak diren:

– Oinarrizko soldata toki eta Foru Administrazioen menpe dauden langileen bataz bestekoarekin homologatzea.
– Kontratazioa zuzena, mugagabea eta aldi osokoa izatea.
– Langileen ratioak eta mailak ezarriko dituen lan batzorde parekidea sortzea.
– Prestakuntza kontutan izateko puntu garrantzitsua izatea.

 

 

 

Lanalden eta Bilboko Udala 010 zerbitzuko grebalariak ordezkatzen ari dira

admin
-
0
Lanalden eta Bilboko Udala 010 zerbitzuko grebalariak ordezkatzen ari dira

LAB eta ELAk Lan Ikuskaritzan salatu dute greba egunetan Bilboko Udalera bideratu direla 010rako deiak eta altzariak jasotzeko sistema sistema moldatu dutela, grebalarien lana ordezkatuz.

Lanalden enpresaren bidez Billboko Udalarentzat 010 arreta zerbitzuan lanean ari diren 12 lagunek ez dute grebara joatea beste aukerarik izan euren lan baldintzak hobetzeko. Maiatzaren 13 eta 14a izan ziren lehen bi greba egunak eta 20 eta 21ean euren aldarrikapenekin segitzen dute, enpresa azpikontratak (Lanalden S.A.) eta Bilboko Udalak gatazka konpontzeko borondaterik erakusten ez dutelako.

Lehenengo greba egunetik ordea, grebalarien lana ordezkatzeko erabakia hartu zuten. Horren adibide da, 010era deitzen dutenek entzuten duten mezua. Udalak antolatutako udalekuen inguruan galdetzeko deitzen zutenei Bilboko Udaleko Gazteria Sailera deitzeko gonbita egiten baitzaie. Beste adibide bat ere bada. Udalak altzariak jasotzeko duen zerbitzuan aldaketak egin baitituzte. Hala, greba hasi baino 5 egun lehenago, 010 eta Udalaren arteko komunikazio sistema aldatu eta langileen esku-hartzerik behar izan gabe, komunikazio sistema automatizatu dute.

Arreta zerbitzuko langile guztiak (emakumeak) daude greban eta Lanaldenek eta Udalak grebalarien lana ordezkatzeko erabakia gaitzesten dute. Azpikontratari eta administrazioari exijitzen diete ez dezatela euren greba eskubidea urratu (oinarrizko eskubidea delako) eta negoziatzera eser daitezela eskatzen diete.

Langileek eskatzen dutena da datozen bi urtetarako soldata igoerak, oporrak antolatzeko modu bidezkoa eta zerbitzua egoki eskaini ahal izateko langile bat gehiago kontratatzea. Orain artean Lanaldenek Estatu mailako Contact Center hitzarmenera lotu nahi ditu 010ekoen lan baldintzak eta Udalak esaten du gatazka honetan ez duela zer ikusirik. Hori hala izan arren baina udalak onartu zuen zerbitzuagatik Lanaldeni diru gehiago bideratzea. Udalak zerbitzuagatik diru gehiago ordaindu arren ez da arduratzen diru publiko horrekin lan baldintzak eta zerbitzua hobetzen diren ala ez, eta enpresa pribatuen irabaziak hazteko berme bilatzen da esleipen prozesua.

010 herritarrentzako telefono bidezko arreta zerbitzua da eta gai desberdinen inguruko kudeaketa eta argibideak ematen die herritarrei: zergei buruzkoa, zirkulazio baimenak nola egin edota umeen udaleku eta bisita gidatuen izen emateez arduratzen dira. Duela 30 urte inguru sortu zen zerbitzua eta orduz gero asko aldatu da, herritarren zalantzak dibertsifikatu direnez erantzuna espezializatuagoa delako. Zerbitzua eskaintzen dauden langileek bataz-beste 20 urte daramate 010ean eta euren ahalegin eta ardura kontutan hartzen.  

 

 

Bizkaiko egoitzetako zerbitzuaren publifikazioa eskatu dugu, Aldundiaren aurrean

admin
-
0
Bizkaiko egoitzetako zerbitzuaren publifikazioa eskatu dugu, Aldundiaren aurrean

Mobilizazioa egin dugu gaur, Bizkaiko Foru Aldundiaren aurrean, menpekotasunaren babesa eskubidea dela, eta ez negozioa, aldarrikatzeko.

2017an hasi zuen LABek gizarte zerbitzuen langile-ratioei buruzko kanpaina. Kanpainan zehar 14.000 sinadura baino gehiago lortu dira. Eusko Jaurlaritzaren Hiritarren Parte Hartzerako Batzordean, Bizkaiko egoitza bateko egunerokoa nolakoa den azaldu genuen eta Eusko Jaurlaritzak pertsonalaren ratioak aztertu eta lan eta asistentzia errealitatera eta egokitzeko konpromisoa hartu zuen.

Bizkaiko 3. adinerako egoitzetako hitzarmena sinatu ondoren, 2019ko maiatzean nabarmendu nahi dugu, batetik, hitzarmenean zehaztutako orduen gutxitzeak ez duela pertsonal gehiagoren isla izan , bestetik, Eusko Jaurlaritzak bai zaintzarako, baita sektoreari egozten zaizkion atazetarako ere, ez nahikoa den ratioen legea indarrean mantentzen jarraitzen duela.

Bizkaiko egoitzetan eskatzen dugun ratio legea sektorearen langileen osasun faltaren iturria da, erabiltzaileentzako asistentzia kalitate falta eragiten du, plantilaren lan baldintzen prekarizazioa dakar eta egoitzetako enpresa kudeatzaileek pertsonal faltatik etekinak atera ditzaten laguntzen du.

Langile falta agerikoa da, eta ukaezina izan arren ere, jardunaldien partzialitatea eta behin-behinekotasunaren tasa oso altua da.

Lan oso feminizatua da eta kontratazio motak, jardunaldiek, jorratu beharreko tareek, berme faltak lan osasunean, atseden faltak, pertsonal faltak, jasangaitza den prekarietate egoeran mantentzen dute sektorea.

Bizkaiko Aldundiak, egoitza-guneen titularra delarik, euren kudeaketa pribatizatu du. Egun, egoitzen 80%a baino gehiago kudeaketa pribatuaren eskuetan dago, eta erabiltzaileentzat egoitzan sartzeko koste ekonomikoa oso altua izan arren ere, zerbitzuaren pribatizazioa dela medio, zerbitzuaren kalitatearen kaxkartzea nabarmena da eta langileen osasuna kaltetua izaten da. Lan osasunean eta zerbitzuaren kalitatean kaxkartze nabarmena eman bada ere, enpresa kudeaatzaileek etekin ateratzen diote egoerari. Diru publikoa enpresarientzako etekina bilakatzen da.

LABek argi eta ozen esan nahi du ez duela onartzen eskeintzen dugun zaintza batzuentzako etekina bihurtzea, eta honen aurrean honakoa galdegiten dugu:

1.- Zerbitzuaren publifikazioa, zerbitzu egoki, unibertsala, eta doakoa bihurtuz. Horrelaxe, diru publikoa, enpresentzako etekin ekonomikoa soilik bilakatzea ekidingo genuke eta kalitatezko zerbitzu publikoranzo konbertsioa gauzatu bitartean enpresen etekinak mugatu.

2.-Egoitzetan burutzen den lanari egokitutako ratio lege egokia bermatu, sektorearen plantilaren osasuna babestuz eta bermatuz. Honetarako, ezinbestekoa da sektorearen langileen parte hartzea kontutan hartzea, sektorean nagusia den gerokultoreen kolektiboarena, bereziki.  

 

 

Lan heriotzen odolusteak aurrera darrai: Zarautzen eta Zestoan bi langile hil dira gaur

admin
-
0
Lan heriotzen odolusteak aurrera darrai: Zarautzen eta Zestoan bi langile hil dira gaur

Zestoan izandako lan istripu hilgarri baten berri eman dugu goizean; bada, gaur bertan izandako beste lan heriotza bat jakinarazi beharrean gaude, Zarautzen gertatutakoa, kasu honetan. Hain zuzen ere, arratsaldean, eraikuntza sektoreko behargin bat hil da, garabi batetik erorita.

Lehenik eta behin, LAB sindikatutik gure babes eta elkartasunik zintzoena erakutsi nahi diegu hildakoaren senitarteko, lankide, gertuko lankide eta langile klase osoari.

Azken lan istripu honekin 18 dira, gutxienez, lan istripuz aurten hildako langileak Euskal Herrian.

Lan istripuek erantzule zuzenak diztuzte. Alde batetik patronala, irabazi ekonomikoak lehenesten dituena langileen segurtasun eta bizitzaren gainetik. Beste alde batetik, administrazio publikoak ditugu, odoluste honen aurrean beste aldera begiratzen dutelako. Konplizeak bilakatu dira.

Instituzioei eta gobernuei behingoz lan osasuneko politikak errotik aldatzeko exijitzen diegu, sarraski honen aurrean neurri eraginkorrak hartu eta enpresen gaineko kontrol errealak eta neurri gogorrak ezarri.

LAB sindikatutik lanean eta borrokan jarraituko dugu langileon eskubide, segurtasun eta osasunaren alde. Klase sindikatuak erantzun irmoa eman beharra du, langileria eta gizarte osoa martxan jarriz. Horregatik, azken istripua salatzeko antolatuko diren mobilizazioetan parte hartzeko deia egiten diogu langile klaseari. Gehiengo sindikalak mobilizazioa egingo du asteazkenean, hilaren 22an, Azpeitiko Udaletxe Plazan 12:30etik aurrera.

Ildo beretik, eredu justu eta langileen segurtasuna eta osasuna aintzakotzat hartuko duen marko propio baten beharra aldarrikatu nahi dugu.

 

 

 

Ofizial administraria izateko nahitaezko baldintza emakumea izatea eta 1. mailako igeltsero ofiziala izateko nahitaezko baldintza gizona izatea duen Tuterako Udalaren lan eskaintza berehala ken dezatela exijitzen dugu

admin
-
0
LAB sindikatuak 2017ko martxoan Cortesko Udalaren lan eskaintza batekin modu eraginkor batean egin zuen gisa berean, berriz ere lan espaurruan gertatzen den bazterkeria matxista salatu beharra du. Oraingoan, Tuterako Udala izan da irizpide matxistak ezarri dituena. LABek salaketa helarazi dio Nafar Lansareri eta lortu du hark konpromisoa hartzea berdintasun neurriak sartzeko, bere deialdietan halako kasu onartezinak eragozteko; gainera, eskaintzen protokoloa gaurkotuko du ikusten duelarik gizon eta emakumeen arteko berdintasuna errespetatzen ez dutela. Orain, Tuterako Udalaren esku dago egin dituen lan eskaintza matxista guztiak bertan behera uztea.

Tuterako Udalak, 2019ko martxoaren 22an, argitaratu zuen bere web orrian (http://www.tudela.es/empleo/2587), behin-behinean, Administrari bat (1), 1. mailako ofizial igeltseroak (4) eta peoiak (15) kontratatzeko deialdia, Lurralde Antolamendurako Arlora esleituak. Deialdia, Nafarroako Enplegu Zerbitzuaren Zuzendari Kudeatzaileak, 2018ko martxoaren 7an, egin zuen 251/2018 Ebazpenean oinarritzen da, non hartan arautzen den, 57 zenbakia duen eta 2018ko martxoaren 21ean argitaratu zen Nafarroako Aldizkari Ofizialean interes orokorreko zein sozialeko lan eta zerbitzuak bete daitezen, langabetuen lan kontratazioa egiteko, Nafarroako Toki Erakundeei eman diru-laguntzen emakida.

Aipatu deialdian zehazten dira lanpostuen betekizunak, honakoak direnak:

1. Administrari ofizial bat (C maila). Espresuki ezartzen da emakumea izateko betekizuna.
2. 1. mailako lau ofizial igeltsero (C maila). Espresuki ezartzen da gizona izateko betekizuna.

Aipatu deialdian azpimarratzen denez, eskaintza hau Nafar Lansarek arautzen du, interes orokorreko lanak eta zerbitzuak egitean langabetuen kontratazioa erraz dadin. Ez du inon aurreikusten haien oinarrietan aipatu bazterkeria. Tuterako Udalak erabakitzen du, guztiz matxista den ikuspegi batez, eta hortaz guztiz onartezin batez, emakumeak betekizun administratiboei loturiko lanpostuetara heldu daitezkeela, ez ordea igeltserotzako zereginetara.

Halako kontratazioak egiteko udalek jasotzen dituzten diru laguntzak Nafar Lansarek arautzen ditu. Horregatik, 2017ko martxoan, Cortesko Udalaren deialdi matxista salatu genuelarik eta, azkenean, kendu zutelarik, LABek Nafar Lansareri eskatu zion kontrol eta segimendu mekanismoren bat ezar zezan tokiko erakundeek egiten dituzten eskaintza eta kontratazioen gainean, beharrezkoak diren klasulak sartuta, bermatu ahal izateko kontratazio prozeduretan eta lan baldintza zein soldatetan legea betetzen dela.

Hondarreko salaketa honen ostean, azkenean, Nafar Lansarek LABek eginiko proposamena onartu du eta, beraz, bere deialdi guztietan berdintasun neurriak sartuko ditu halako kasu onartezinak eragozteko. Gainera, eskaintzen protokoloa gaurkotuko du ikusten duelarik gizon eta emakumeen arteko berdintasuna errespetatzen ez dutela.

Lorpen handia da hauxe, neurri praktiko eta eraginkorra baita lan esparruan bazterkeria matxistari aurre egiteko. Hala, LABek berriz ere teorian eta praktikan frogatu du lan mundua ikuspegi feminista batekin eraldatzeko bere apustua benetakoa dela, eta Nafar Lansaren duen parte-hartzea baliatzen duela emakume langileen interesen aldeko aldaketa hori sustatzeko.

LABen ordezkaritza sindikalak Tuterako Udalean berraztertzeko errekurtsoa paratu zion Udalari berari, ulertzen baitzuen enplegu eskaintza hau, martxoaren 22ko 3/2007 LOa, gizon eta emakumeen arteko egiazko berdintasuna erdietsi dadin, eta uste dugulako tokiko erakunde hauen betebeharra haien ohiko jardunean aipatu eskubidea txertatzea dela. Bada, hilabete iragan da eta oraindik ez diote helegiteari erantzunik eman.

LABek ulertzen du ez dagoela arrazoi objektiborik justifikatzen duena sexua funtsezkoa eta erabakigarria den laneko baldintza dela eskatzen den lan jarduera betetzeko; halaxe jasotzen da urriaren 23ko 3/2015eko lege dekretuan, non hartan onartzen den Enplegu Legearen testu bategina. Eta hau horrela da guztiz nabaria delako gizon batek zein emakume batek administrazioari lotu zereginak bete ditzaketela, adibidez, igeltserotzan.

LAB sindikatuaren iritziz, eskaintza doitu behar zaie ebazpenaren terminoei. Gainera, inongo administrazioak ez dezake mugatu, ezarri diren baldintzak betetzen dituztenen lehia edo konkurrentzia askea. Kasu honi dagokionez, bazterkeria matxista batez ari gara, legezkotasun orotatik at.

Onartezina deritzogu oraingoan pertsona guztien eskubide guztiak bermatu behar dituen udalak, jarduera matxista egin izanari; oraingoan halaxe suertatu da, esparru guztietan, lan arloan ere, gizon eta emakumeen arteko berdintasunaren guztiz aurkako kasua delako. LABek borroka feminista aldarrikatzen du, gizartea eraldatzeko apustu gisa, zeinak sistema kapitalistari eta heteropatriarkatuari aurre eginez hura gaindituko duen.

LAB sindikatuak eskatzen du eskaintza hau berehalaxe bazter dadila, eta bazterkeria matxistarik agertuko ez litzatekeen beste bati ekin dakiola, non enplegura heltzeko, pertsona guztien eskubide guztiak beteko diren, are gehiago, kontuan hartuz, guztiona den diru-laguntzaz ematen direla.

Azkenik, Nafar Lansareri eta Nafarroako Gobernuari ere eskatzen diegu, Corteseko Udalaren kasuan egin zuten antzera, Tuterako Udala dei dezaten aipatu aldaketari ekin diezaion.

 

 

 

Salatzen dugu enpresek eta administrazioek neurririk hartu gabe jarraitzen dutela baso lanen sektorean istripuak saihesteko

admin
-
0
Salatzen dugu enpresek eta administrazioek neurririk hartu gabe jarraitzen dutela baso lanen sektorean istripuak saihesteko

Gaur, hilak 20, istripu baten berri jaso dugu: Zestoan langile bat hil egin da, zuhaitz batek gainean harrapatuta.

Lehenik eta behin, LAB sindikatutik samina, elkartasuna eta doluminak helarazi nahi die haren senide, lankide eta langile klase osoari. Heriotz berri honekin 17dira, gutxienez, lan istripuz aurten hildako langileak Hego Euskal Herrian.

Aurten ezaugarri eta sektore berean izandako bigarren hildakoa da. Urtero sektore honetan hildakoak ditugu, eta, errealitate honen aurrean, sektoreko enpresek ez dute neurririk hartzen. Bada, Ikuskaritza zein Osalani exijitzen diogu sektore honi begirako zaintza eta ikuskatze zehatza, neurri eraginkorrekin eta enpresen gaineko neurri gogorrekin.

Berriz ere historia errepikatu da. Nazkatuta eta haserre gaude. Urtero antzeko gertaerak errepikatzen dira behin eta berriz. Noizko benetako eta eraginkorrak diren neurriak? Noizko pertsonak eta bizitza izango dira eskubideen erdigune mozkinen gainetik?

Honek guztiak aldaketaren beharra agerian uzten du, hemendik egin beharreko aldaketaren beharra. Ezinbestekoa da botere publikoek eta elite politikoek urteetan elikatu eta gizendutako patronalari aurre egingo dion eta langile klasearen interesak lehenetsiko dituen marko propio bat eraikitzea.

Horregatik, LAB sindikatutik heriotza berri hau salatu eta datozen orduetan istripu berri hau salatzeko antolatuko diren mobilizazioetan parte hartzera dei egiten dugu. Ildo beretik, eredu justu eta langileen segurtasuna eta osasuna aintzakotzat hartuko dituen marko propio baten beharra aldarrikatzera dei egiten dugu.
 

 

 

Lanuzteak Ferrovial Servicios-en, Michelingo azpikontratan, enpresaren azken proposamen murriztailearen aurrean

admin
-
0
Ferrovial Servicios Gasteizko Michelineko azpikontrata bat da mantenimendu lanak egiteko. Hitzarmena negoziatzen ari dira bertan eta zenbait bileraren ostean, zuzendaritzak proposamen murritzailea aurkeztu du, soldatetan, kategorietan eta abar. Hori dela eta, ostiralean, hilak 17, langileek 2 lanuztea egin zuten txanda bakoitzean. Lanuztearen jarraipena ia erabatekoa izan zen eta Michelineko produkzioan eragina izan zuen.

Ferrovial Servicios-eko enpresa btzordeak salatu du enpresak grebalarien lanpostuak ordezkatu dituela, grebarako eskubidea urratuz. Komiteak Lan Ikuskaritzari horren berri eman dio eta espero dute neurriak har ditzan horrelako jokaeren kontra.

Enpresa-batzordeak adierazi du mobilizazioekin jarraituko dutela lan baldintza duinak lortu arte.
 

 

 

“Beste politika fiskal baten aldeko apustua egiten ez duenak politika neoliberalen betikotzea sustatzen du”

admin
-
0
“Beste politika fiskal baten aldeko apustua egiten ez duenak politika neoliberalen betikotzea sustatzen du”


LABeko idazkari nagusi Garbiñe Aranburuk eta Ekintza Sozialeko antolakuntzako Edurne Larrañagak agerraldia egin dute, sindikatuak fiskalitatearen inguruan egindako azterketa aurkezteko eta eredu fiskal berri baterako neurrien berri emateko. Maiatzaren 26an izango dira Araba, Bizkaia eta Gipuzkoako Batzar Nagusiak eta Nafarroako Parlementurako hauteskundeak eta erakunde hauek dute zerga politika arautzeko ahalmena. Hortaz, hauteskunde hauen atarian, hainbat proposamen egin ditugu erreforma fiskal birbanatzaile baterako: presio fiskala igo Europako batez bestekoetara gerturatzeko, baina zergaren karga enpresa handietan, errenta handienetan eta ondare handietan eror dadin; diru-bilketaren pisua zeharkako zergetara, bereziki BEZera, eramateko joera zuzendu, fiskalki neutrala dela eman arren, ahalegin fiskal handiagoa eskatzen duelako errenta baxuenak dituzten pertsonentzat; eta iruzur fiskalaren kontrako langile eta baliabideak handitu, besteak beste.  


"Emakumeei bereziki eragiten dieten prekarietatea, pobrezia eta bazterketa soziala ekidin daitezke aberastasunaren banaketa bidezkoago baten aldeko apustua eginez gero, eta, horretarako, politika fiskala tresna bat izan daiteke".

Garbiñe Aranbururen hitzak dira hauek, sindikatuak fiskalitateari buruz egindako azterketaren aurkezpenean egindakoak. Hauteskunde kanpainaren testuinguruan, LABeko idazkari nagusiak gogoratu du alderdi politiko batek defendatzen duen eredu fiskala alderdi horrek defendatzen duen gizarte ereduaren isla dela: "Beste politika fiskal baten aldeko apustua egiten ez duenak politika neoliberalen betikotzea sustatzen du; prekarietatea, pobrezia eta bazterketa soziala betikotzea sustatzen du. Hain justu, gehiengo sozialari bizkar ematen dion modelo ekonomiko eta sozial bat betikotzea bultatzen du, patronalaren neurrira diseinatutako ereduaren alde".

Garbiñe Aranbururen hitzetan, "langileek jakin behar dute herritarren bizitza hobetzea ezinezkoa dela politika fiskala aldatu gabe. Langileek jakin behar dute indarrean dagoen politika fiskala patronalak diseinatu duela. Patronala bera da herri honetako politika publikoak bideratzen ari dena".

Neurri-proposamenak
Agerraldian aurkeztutako txostenean jaso bezala, neurri hauek prooposatzen ditugu erreforma fiskal birbanatzaile baterako:

-Presio fiskala igo Europako batazbestekoetara gerturatzeko, baina zergaren karga enpresa handietan, errenta handienetan eta ondare handietan eror dadin.

-Diru-bilketaren pisua zeharkako zergetara, berezikiBEZera, eramateko joera zuzendu, fiskalki neutrala dela eman arren, ahalegin fiskal handiagoa eskatzen duelako errenta baxuenak dituzten pertsonentzat.

-PFEZean ekitate printzipioa berreskuratu errenta guztiek trataera fiskal berdina izan dezaten, laneko etekina, kapitalarena edo ondarearengatiko irabazia izan.

-PFEZaren progresibitatea handitu tramoen kopurua eta errenta altuenei ezarritako zerga-tipoakhandituz.

-Sozietate zergaren zerga-tipoak atzera bota.

-Dedukzio, hobari edo bestelako onura fiskalak kendu, enpresei itxuraz eman zitzaizkien helburuak betetzen ez dituztenean.
Fiskalitatea Hego Euskal Herrian

-Aberastasunaren gaineko presio fiskala blindatu, ondare handien pilaketa eta transmisioa zergapetzen duten figura horiek kendu edo ahultzeko presioen aurrean.

-Ondarearen gaineko zerga berraztertu eta pilatutako ondasun guztiak zergapetu, enpresetako partizipazioak barne.

-Gizarte segurantzara kotizatzeko gehienezko topeak kendu pentsioetara bideratutako baliabideak handitzeko.

-Paradisu fiskaletan kokatuta dagoen sozietate ororekin edozein merkataritza-harreman debekatu.

-Iruzur fiskalaren kontrako langile eta baliabideak handitu.

 

 

 
1...679680681...1,634Page 680 of 1,634

COOKIAK | COOKIES

LEGE OHARRA ETA PRIBATUTASUN POLITIKA | AVISO LEGAL Y POLÍTICA DE PRIVACIDAD

www.lab.eus